可愛Pengsoo擺咗一日就被迫要拆走？
韓國今年人氣好高嘅企鵝Pengsoo！到底點解會畀韓國市民嫌棄？
Hello，大家好，我哋係由韓國人話你知每日最新韓國資訊嘅Creatrip。
#大邱 #東大邱站
#大邱樹木園 #Pengsoo
相信有留意開韓國嘅朋友仔都會知道，今年有一隻企鵝公仔喺韓國超級受歡迎！
呢隻企鵝公仔係韓國教育電視台EBS節目《Giant PengTV》入面登場嘅企鵝角色，廣為人知嘅Pororo仲係佢嘅同門前輩添。
最近，喺韓國大邱就設置咗Pengsoo嘅擺設。
不過好可惜嘅係，呢個擺設只係擺咗一日就被迫要拆走。
到底點解呢？等小編而家話比大家知啦！
✨馬上Follow我哋IG
instagram.com/creatrip.hk
企鵝Pengsoo簡介
首先同大家介紹吓呢隻企鵝公仔先！
姓名：Pengsoo (韓文: 펭수 / 中文: 朋秀)
喺邊出世：南極
品種：企鵝
性別：冇性別
生日：8月8號
幾多歲？：10歲
幾高？：210cm
職業：EBS練習生同埋YouTuber
屋企：EBS嘅道具室
大邱嘅Pengsoo擺設
根據韓國SBS電視台嘅透露，呢個Pengsoo擺設係由大邱樹木園嘅職員用咗一年時間親自培育嘅菊花擺設。
每年秋天大邱樹木園都會舉行菊花節，所以今年就用Pengsoo嚟做其中一個主題。
最近為咗提醒大家要小心COVID-19，所以就特登將Pengsoo擺設搬咗去東大邱站到展示。
「恐怖嘅企鵝」？
喺10月27號，韓國多個網上論壇都不停討論一隻「恐怖嘅企鵝」，呢隻企鵝正正就係擺喺東大邱站嘅Pengsoo擺設。
相入面嘅Pengsoo全身都覆蓋着綠色嘅植物，令到佢五官更加突出，營造咗一個好恐怖嘅樣。
擺咗一日就要拆走？
見到呢隻「恐怖嘅企鵝」，有一部份嘅網民話呢個擺設好得意，但大部份嘅網民都話好靈異。
更加有人搞笑咁話：「Pengsoo好似喺海雲台游完水咁生滿咗青苔」最多人留言就係話，夜晚睇嘅話淨係見到佢對眼，真係會好驚。
因為咁樣，只係喺東大邱站擺咗一日嘅Pengsoo擺設，就被迫要拆走。
大邱樹木園嘅相關人士話，呢個係花咗一年時間精心製作嘅作品，因為菊花仲未開花，所以綠色嘅草太多，市民可能會好驚。
佢哋亦都表示之後會再同EBS方面討論一下關於版權嘅問題，再決定會唔會放出嚟展示。
小編覺得如果而家未開花嘅話夜晚係真係可能會有啲恐怖！
不過呢個係職員花咗一年時間精心製作嘅成品，如果到最後開咗花都係冇得擺出嚟俾市民欣賞嘅話，真係會好可惜！
唔知大家對於呢隻企鵝Pengsoo嘅擺設又有啲乜嘢睇法呢？
✨馬上Follow我哋IG
instagram.com/creatrip.hk
| 其他延伸閱讀 | |
 韓國農家新商品 |  1200卡減肥法 |
