弘大K-POP | POCA SPOT
IDOL小卡可以喺邊買？弘大偶像小卡專門店推薦！
Hello，大家好，我哋係由韓國人每日提供最新韓國旅行資訊嘅Creatrip。
好多人都係因爲KPOP而認識韓國+嚟韓國旅行，今日小編打算介紹一個K-POP Fans必去嘅弘大鋪頭「POCA SPOT」，大家可以喺度買到各種IDOL小卡！下次嚟玩嘅時候記住抽時間嚟啦！
撳我睇價錢&預約詳情👇🏻
弘大「POCA SPOT」基本資訊
- 地址：서울 마포구 와우산로29길 48-14 3F
- 營業時間：12:00-20:00
弘大「POCA SPOT」實地探訪
今日小編嚟到位於弘大嘅K-POP小卡專賣店「POCA SPOT」，呢度嘅優點係大家可以喺呢度買到啱心水嘅偶像小卡，而且唔洗另外等郵寄或者俾運費，早去嘅話仲可以即日攞！
小編當日去嘅時候有超多KPOP Fans都喺度，證明呢間鋪頭真係好受粉絲們歡迎。
鋪頭入面會有幾部機俾大家落單買，提供中文、英文、日文同西班牙文服務，唔識韓文都唔緊要！睇完購買説明之後大家可以撳開始！
無論係喺全世界已經紅遍半邊天嘅偶像，定係最近出道冇耐嘅Idol都有，選項以組合同成員分類整理好，非常方便。
小編今日嘅目標係嚟買NCT嘅小卡，撳NCT就可以睇到所有成員嘅小卡圖。
呢兩張卡係小編本身都好想要嘅卡，居然可以喺度搵到！上面仲會寫埋呢張卡出自邊張專輯同邊個版本，相當仔細。
小編都有睇埋其他成員嘅Menu，感覺上真係所有款都有齊！加上可以即場買即場check貨，鍾意KPOP嘅朋友們嚟到呢度應該真係會雙眼發曬光XD
或者如果大家平時身邊有KPOP Fans，不妨都可以買嚟送俾佢哋！
放曬想買嘅小卡落購物車之後，就可以俾錢啦。
首先要輸入你嘅名、聯絡方式同Email地址，小卡準備好之後鋪頭就會透過呢幾個方式聯絡你！
確認好冇寫錯個人資料就可以落單，落單之後畫面會顯示你嘅訂單號碼同可以攞貨嘅時間，大家只可以喺呢個時間打後攞，所以記住要記清楚啦！
跟住就可以行去Counter，話俾職員知你嘅訂單號碼，然後就可以俾錢啦（現金同信用卡都得）！
收據上面會寫住你嘅領取號碼，攞嘅時候一定要帶呢張收據嚟！
小編當日下晝7點就可以攞卡，所以喺附近玩咗陣之後就嚟返鋪頭呢度攞卡。出示收據俾職員睇，職員就會幫你準備你訂嘅小卡，然後再幫你扱返個證明已經攞咗貨嘅印仔。
終於攞到啦！外面個包裝上面會寫住你嘅“領取號碼”，大家走之前記住check清楚！
打開之後會首先見到有個膠盒，入面放住所有你揀嘅卡，呢一點小編好buy，咁就唔怕會刮花啲卡，而且方便攜帶！
收到之後就當然要裝飾吓啲小卡啦！攞卡嘅時候出示Creatrip預約記錄，就可以領取你喺網站上買嘅商品。Creatrip分別有提供「DIY透明卡套」同「DIY透明卡套+DIY手機繩+亞加力匙扣」套餐，大家可以按照需求揀！
小編今次買咗「DIY透明卡套+DIY手機繩+亞加力匙扣」，而家預約仲會隨機送一張韓星小卡！
大家可以得到一張Seventeen同NCT等人氣偶像組合嘅小卡（不過根據鋪頭庫存情況，提供嘅小卡都可能會唔同）。
小編抽到Seventeen THE 8！大家如果運氣比較好，可能仲會抽到原價比較貴嘅小卡。
跟住就可以正式去裝飾你嘅小卡啦！「POCA SPOT」有一個area俾大家喺度整，不過要注意唔係所有材料都係免費，有啲要俾錢。
小編首先整咗亞加力匙扣，因為NCT代表色係綠色，所以小編都揀咗綠色嘅鏈，亞加力裝飾都有各種動物同水果款可以揀，大家可以自由mix&match。
另外小編仲整埋DIY手機繩，揀好鍾意嘅珠仔之後就可以串成一條鏈，套裝入面仲會包一個可以扣住小卡套嘅扣！
將大家鍾意嘅小卡放入透明卡套，之後就可以用貼紙裝飾卡套。
小編貼咗團體名、成員生日等等，然後再痴咗各種可愛貼紙，呢度有英文字母、韓文、數字、公仔等等嘅款式，等大家可以盡情發揮創意！
呢個就係小編整嘅最終成品啦！鋪頭入面仲有NCT127最近出嘅專輯，小編都喺度影咗張相留念。
鋪頭入面仲有幾個幾cute嘅打卡位，小編都影咗唔少相XD 鍾意KPOP嘅朋友們下次嚟韓國玩記住一定要嚟弘大「POCA SPOT」買小卡啦！
弘大「POCA SPOT」前往方法
弘大入口站（홍대입구역）7號出口出。
直行。
行去斜對面。
轉入右邊小路。
直行到紅框圈住嘅招牌附近。
轉左。
行入大廈。
上3樓就到「POCA SPOT」啦！
撳我預約👇🏻
以上係弘大「POCA SPOT」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
