2022年上映韓劇推薦
2022年即將開播嘅韓劇！你最期待嘅又會你邊一套？
Hello，大家好，我哋係由韓國人每日提供最新韓國旅行資訊嘅Creatrip。
眨吓眼又咁快到2021年尾，呢一年唔知大家煲咗幾多套韓劇呢？有冇邊一套最深刻，同時又會希望會有續集呢？今日小編整理好2022年即將會播放嘅30套韓劇！唔想錯過上映時間就要記得mark底啦！
2022年上映韓劇推薦 - KBS
1. 美麗的此刻（현재는 아름다워）
- 平台：KBS
- 主演：尹施允、裴多彬、申東美、吳珉錫、崔藝斌
- 預計開播日期：2022年3月26號
KBS將會喺2022年3月底播出《美麗的此刻（暫譯）》，呢套係講述專門調解離婚官司嘅律師，因為忙於工作，對拍拖同婚姻一啲都冇興趣，甚至覺得冇必要，但直至喺某一日遇到一位準備調解婚姻（離婚）嘅女子之後，諗法開始就有變....
2. 向你奔去的速度493km（너에게 가는 속도 493KM）
- 平台：KBS
- 主演：朴柱炫、蔡鍾協、權昭賢
- 預計開播日期：2022年5月
預計會喺2022年5月播出嘅《向你奔去的速度493km》，係一套講述羽毛球員之間嘅愛情故事，同時打羽毛球以最高時速493km驚人力道互相撞擊。蔡鍾協首次擔任無線台韓劇男主角，唔知大家會唔會都好期待呢？
3. 紅丹心（붉은 단심）
- 平台：KBS
- 主演：李準、張赫、姜漢娜
- 預計開播日期：未定
《紅丹心》係一部古裝劇，講述自己個性同懦弱父親好唔同，立志成為撥亂導正一切君王嘅世子，同自己妻子、宮中權力大臣所發展出政治鬥爭故事。
2022年上映韓劇推薦 - MBC
4. Tracer（트레이서）
- 平台：MBC
- 主演：任時完、孫賢周、高我星
- 預計開播日期：2022年1月14號
MBC喺2022年將推出《Tracer》打頭陣，係一套圍繞喺被稱為「垃圾回收場」嘅國稅局稅收五局故事，喺保守嘅國稅局內，同時進行復仇同職掌真相嘅組員，唔知到最後會擦出咩火花呢？
5. 明天（내일）
- 平台：MBC
- 主演：金喜善、路雲
- 預計開播日期：2022年3月
改編自同名網路漫畫，MBC新劇《明天》講述陰間使者因管理階層失誤，陷入昏迷狀態，成為「唔係人類又唔係死者」狀態。
6. 現在開始Show Time（지금부터 쇼타임）
- 平台：MBC
- 主演：朴海鎮、秦基周
- 預計開播日期：2022年5月
由《雙甲路邊攤》編劇寫嘅MBC新劇《現在開始Show Time》，將再走浪漫奇幻喜劇風，能夠同鬼怪交流嘅魔術師，當遇到熱血女警會發生點樣嘅故事呢？兩個人一齊合作，會唔會偵破好多奇怪案件呢？
7. Dr. Lawyer（닥터 로이어）
- 平台：MBC
- 主演：蘇志燮、林秀香、申成祿
- 預計開播日期：2022年5月
蘇志燮終於時隔幾年重返大螢幕，今次佢喺《Dr. Lawyer》飾演因醫療糾紛，由醫生轉行到專門進行醫療訴訟嘅律師，聽落已經令人超期待！
8. 金湯匙（금수저）
- 平台：MBC
- 主演：陸星材
- 預計開播日期：未定
《金湯匙》係改編自同名漫畫，主角經濟條件唔太好，係韓國所謂嘅「土湯匙」，不過有一日佢得到一條金湯匙，聽講只要用呢個湯匙喺同年朋友屋企食飯三次，就可以一直留喺呢個屋企，係一個考驗人性同階級嘅故事，目前只有確定由陸星材主演。
2022年上映韓劇推薦 - SBS
9. 讀懂惡之心的人們（악의 마음을 읽는 자들）
- 平台：SBS
- 主演：金南佶、陳善圭、金素真
- 預計開播日期：2022年1月14號
SBS喺2022年第一套會播出嘅韓劇就係《讀懂惡之心的人們》，講述犯罪側寫師推理同精準視角，同《信號》角色設定類似，鍾意睇懸疑片嘅朋友一定要追啦！
10. 社內相親（사내맞선）
- 平台：SBS、Netflix
- 主演：安孝燮、金世正、金旻奎、薛仁雅
- 預計開播日期：2022年2月21號
代替朋友去相睇，為咗拒絕對方一直諗盡辦法，而且做咗好多衰嘢，希望俾對方一個壞印象，點知到後嚟先知相睇嘅對象係自己公司嘅社長，聽落係咪都覺得好搞笑呢？小編個人都幾期待呢一套戲！
11. 為何是吳秀才？（왜 오수재인가?）
- 平台：SBS
- 主演：徐玄振、黃寅燁
- 預計開播日期：2022年3月
《為何是吳秀才？》由徐玄振、黃寅燁主演，係一套令人期待師生戀題材，唔知拍出嚟嘅效果又會係點呢？
12. 消防局旁的警察局（소방서 옆 경찰서）
- 平台：SBS
- 主演：金來沅、孔升妍、孫浩俊
- 預計開播日期：2022年5月
《消防局旁的警察局》係韓國少見火災、消防員等特定職業嘅韓劇類型，故事將圍繞由金來沅飾演刑警身上，透過精準、敏銳直覺去解案。
2022年上映韓劇推薦 - tvN
13. Ghost Doctor（고스트 닥터）
- 平台：tvN、Netflix
- 主演：Rain、Uie、金汎、孫娜恩
- 預計開播日期：2022年1月3號
《Ghost Doctor》講述兩位出身背景完全唔同嘅醫生，因為意外而不慎靈魂結合，資歷高深老醫生附身喺新手醫生上，係一部令人期待嘅醫療奇幻劇，大家又準備好追未呢？
14. 二十五，二十一（스물다섯 스물하나）
- 平台：tvN、Netflix
- 主演：金泰梨、南柱赫
- 預計開播日期：2022年2月12號
因為上一部作品《陽光先生》，展現出驚艷演技嘅金泰梨，今次同南柱赫合作tvN新劇《二十五，二十一》，令人相當期待！係一套講述體育記者同女擊劍選手相遇，用咗好幾年時間去理解青春同人生，後嚟相愛嘅故事。
15. Big Mouth（빅 마우스）
- 平台：tvN、Netflix
- 主演：李鍾碩、潤娥
- 預計開播日期：2022年5月
《Big Mouth》講述三流律師遭陷害入獄之後，同喺外面嘅妻子聯手，試圖一齊洗刷罪名。同時意識到社會險惡嘅佢為咗保護妻子，逐漸黑化，最終成為一個大騙子，橫走喺「惡」之中。
16. 九尾狐傳2（구미호뎐2）
- 平台：tvN
- 主演：李棟旭、金汎
- 預計開播日期：2022年上半年
《九尾狐傳》第二季確定由原班人馬李棟旭、金汎同部分配角回歸，但第一季曹寶兒確定唔會出演。第二季時空背景將回到過去，講述日本殖民時期關於九尾狐嘅故事，預計喺2022年上半年播出，而官方亦證實《九尾狐傳》將會拍第三季。
17. 還魂（환혼）
- 平台：tvN、Netflix
- 主演：李宰旭、庭沼珉、黃旼炫、Arin、劉俊相、吳娜拉
- 預計開播日期：2022年上半年週末
由開拍初期就因為換角爭議，好多網民都不斷大罵，呢套劇由洪式姊妹操刀劇本，目前女主角確定由庭沼珉接手。但由於先前公開表示舊女主角能力不足，要進行換角舉動，令部分網友提出質疑，認為背後黑幕唔單止係咁，不過有旼炫，小編一定會追！
18. Island（아일랜드）
- 平台：tvN、Netflix
- 主演：金南佶、李多熙、車銀優、盛駿
- 預計開播日期：未定
原本有傳出風聲《Island》會有徐睿知出演，不過之後就搵咗李多熙。劇情講述妖怪喺追殺人類嘅時候，唯一可以拯救世人就係有高強力量妖怪獵人。而喺濟州島發生嘅呢一切，究竟會點收尾？同名漫畫已經有結局，好奇嘅朋友可以去睇吓！
19. 小婦人（작은 아씨들）
- 平台：tvN、Netflix
- 主演：金高銀、南志鉉、魏嘏雋（魏河俊）
- 預計開播日期：未定
tvN新劇《小婦人》係由《黑道律師文森佐》導演執導，目前雖然仲未有第三位女主選角消息，但因為《魷魚遊戲》爆紅嘅魏嘏雋都確定出演，令人更加期待佢喺劇中嘅表現。
20. Link（링크: 먹고 사랑하라, 죽이게）
- 平台：tvN
- 主演：呂珍九、文佳煐
- 預計開播日期：未定
《Link》係一部帶有奇幻風格嘅輕鬆愛情劇， 確定由呂珍九、文佳煐主演，唔知佢哋最後會擦出咩火花呢？
2022年上映韓劇推薦 - jtbc
21. 飛起來吧蝴蝶（날아올라라, 나비）
- 平台：jtbc
- 主演：金香起、崔丹尼爾、吳允兒、沈恩祐
- 預計開播日期：2022年1月24號
其實由2020年尾就曾經有消息傳出會喺2021年5月播出，不過因為拍攝問題持續延後，最後預計會喺2022年1月播出，呢套戲係講述喺美容院環境之中，人追尋夢想嘅過程，唔知會唔會好熱血呢？
22. Insider（인사이더）
- 平台：jtbc
- 主演：姜河那、李裕英
- 預計開播日期：2022年6月
每一部作品中都可以展現全新樣貌嘅姜河那，2022年終於有新作品同李裕英一同回歸。《Insider》係講述嚴肅嘅男人，雖然每一件事都有自己嘅計畫，但當遇到危機時，佢只可以喺短時間判斷，並成功化險為夷。
23. 氣象廳的人們 : 社內戀愛殘酷史篇（기상청 사람들: 사내연애 잔혹사 편）
- 平台：jtbc、Netflix
- 主演：朴敏英、宋江、尹博、Yura
- 預計開播日期：未定
天氣好難預測，隨時都會暴雨或者係天晴，但比起天氣，更加反覆無常嘅人心又係點呢？
24. 三十九（서른, 아홉）
- 平台：jtbc、Netflix
- 主演：孫藝真、田美都、金智賢
- 預計開播日期：2022年2月16號
小編個人都好期待呢套jtbc新劇《三十九》，係講述三位女性邁入40代之前，彼此友情同生活中有嘅火花，感覺會同《機智》系列有啲類似。
2022年上映韓劇推薦 - TV朝鮮
25. 結婚作詞，離婚作曲3（결혼작사 이혼작곡3）
- 平台：TV朝鮮、Netflix
- 主演：姜信曉、權赫鐘、朴柱美、李歌領、李敏英、全秀卿、全盧民
- 預計開播日期：2022年2月5號
收視屢屢創下新高，TV朝鮮《結婚作詞，離婚作曲》第三季確定會喺2022年播出，不過可惜嘅係主要角色成勛、李太坤宣布下車，唔會參與第三季製作，最後劇組搵嚟姜信曉、權赫鐘取代，唔知大家又睇唔睇得慣呢？
2022年上映韓劇推薦 - Disney+
26. GRID（그리드）
- 平台：Disney+
- 主演：徐康俊、金亞中、李施昤
- 預計開播日期：2022年上半年
24年前保護全人類而消失嘅「幽靈」再次出現……集結巨大謎團同真相，將揭曉人類即將面臨嘅命運會係點？如此龐大嘅全新世界觀，令人更加期待！
27. 警校菜鳥（너와 나의 경찰수업）
- 平台：Disney+
- 主演：姜丹尼爾、蔡秀彬
- 預計開播日期：2022年上半年
呢部新劇將成為Disney+喺2022年第一個曝光嘅原創系列，以警察大學為背景，擁有無限青春年輕人一直接受新挑戰，當中仲會有啲愛情故事。
2022年上映韓劇推薦 - Netflix
28. 現在我們學校（지금 우리 학교는）
- 平台：Netflix
- 主演：尹燦榮、朴智厚、趙怡賢、朴所羅門、劉仁秀
- 預計開播日期：2022年1月
Netflix平台喺2022年第一套播出嘅係韓國原創系列《殭屍校園》，劇情講述被喪屍病毒肆虐嘅高中，學生合力想逃走嘅故事。不過喺無路可走嘅學校入面，學生之間會點決定彼此生與死呢？
29. 少年法庭（소년심판）
- 平台：Netflix
- 主演：金憓秀、金武烈、李聖旻、李姃垠
- 預計開播日期：2022年2月25號
以韓劇《信號》再創演藝高峰嘅金憓秀，決定參與Netflix 2022年《少年法庭》拍攝，同金武烈、李聖旻、李姃垠同台。
30. 紙房子（종이의 집）
- 平台：Netflix
- 主演：劉智泰、朴海秀、全鐘瑞、李原種、朴明勳
- 預計開播日期：未定
最後一部確定喺2022年上映新劇係享譽全球影集《紙房子》，將確定翻拍韓國版本，而且選角都揀好，唔知會唔會係繼《魷魚遊戲》、《地獄公使》之後再創Netflix韓劇顛峰呢？相信大家都會好期待！
以上30套係預計會喺2022年開播，當中大家最期待邊一部呢？歡迎留言同我哋分享同討。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
