Netflix《地獄公使》意義
Netflix《地獄公使》到底係想表達啲咩？戲中邪教/獵巫治國反諷當今社會？
Hello，大家好，我哋係由韓國人每日提供最新韓國旅行資訊嘅Creatrip。
繼《魷魚遊戲》之後，韓國Neflix又有最新力作《地獄公使》，目前喺各地大熱，播出之後獲得唔少好評，只係用咗一日時間即變世界第一，今次集結青龍獎影帝劉亞仁、朴正民，以及多位實力派配角，以精準、刺痛人心嘅視角，講述關於韓國宗教反映出嘅社會真實面貌。
《地獄公使》點解咁多人追？佢好睇嘅點係喺邊度？劇中嘅事件影射韓國點樣嘅過去？而家就等我哋一齊睇落去啦！
《地獄公使》大綱
喺好多年之前，世界各地「審判」不斷發生，但因為留底嘅影像同資料唔多，好多人都將呢個信念當成係一種新型宗教。但當三位地獄公使出現喺繁華首爾街道上，當住大眾嘅面前，將一位罪犯凌虐至不成人形，最後以炙焰將其燒死，震驚好多人。
「冇親眼見證，就代表唔存在」嘅呢個諗法仍然喺好多人心底，某一個母親接到宣告，自己將會落地獄，「新真理教」進行現場直播，將活生生、血淋淋嘅審判過程公諸於世。
喺之後嘅世界，人類開始相信審判同地獄公使嘅存在，但真係每個接受審判嘅人，都真係有無法容忍嘅罪惡？等我哋一齊睇吓啦！
提醒：本文有大量劇透
提醒：本文有大量劇透
提醒：本文有大量劇透
提醒：本文有大量劇透
《地獄公使》劇情
1. 因為有罪而審判？因為審判而有罪？
喺《地獄公使》劇情入面，遭受地獄之火焚燒嘅人都係隨機出現，人類出於恐懼，開始搵被「審判」嘅人共通點。但喺我哋所認知嘅一般法律中，究竟人係因為有罪而遭受審判，定係因為要審判而有罪名？呢兩個其實係好簡單嘅反證理論，亦成為《地獄公使》第一季結尾中，無辜嬰兒遭受地獄審判宣告，使得新真理教喺一瞬間幻滅嘅主因。
2. 奉行神之名行事嘅獵巫
《地獄公使》提到嘅唔單止係新真理教，仲有信奉著其教義，成為「審判」走狗嘅箭鏃組織，佢哋信奉住所謂嘅私刑正義，隨意公佈犯罪者姓名、家屬等資料，達到所謂「正義」。喺新真理教茁壯過後，箭鏃肆無忌憚地奉行教義同「天使」名義進行獵巫，將所有攻擊審判同唔相信新真理教嘅人凌虐致死。
其實呢啲都係反映住韓國當今真實現象，唔只網路上自認為正義嘅酸民，甚至係職場、學校、社會等，主導「形式正義」嘅人，捉一個都唔夠，仲要繼續攻擊，以確認所有非我族類嘅人都要消失，甚至幫嗰啲「審判」冠上罪名，完成所謂正義。
3. 社會氣氛造成宗教興起
因為地獄審判隨機性，加上箭鏃獵巫行動，人類逐漸被洗腦，認為「接受審判嘅人必然有罪」，《地獄公使》中嘅韓國彷彿返番過去以宗教治國嘅時代。
雖然如同《地獄公使》劇情所講，犯罪率降低、人類有咗統一嘅信仰，自然冇動盪，但咁就代表韓國變得更好？當社會只容許有一種聲音出現，只要有其他想法，就會被當成異端份子而被獵殺，咁樣真係公平咩？其實只會令人更加不安。
4. 點樣解釋超出常理現像？
喺《地獄公使》前半部，以新真理教議長、警察父親同女兒、第一個進行直播，接受審判女子為主軸，建立《地獄公使》完整世界觀。
喺後半部描述（望落）穩定落嚟嘅世界，人類深信不疑犯罪者需前往地獄、私刑（箭鏃）導正異端作法，但當一位可以話只係一張白紙、毫無犯罪意念同證據嘅嬰兒接到宣告，超出新真理教同人類解釋事件，打亂原本平衡。
《地獄公使》喺嬰兒接受審判上，超出原本認知可能性結局，由父母捨身化為灰燼、只留懷抱中嬰兒平安無事，重重地反駁天使宣告、地獄審判正當性。呢個時候透過已經清醒嘅人類視角，新真理教會當初創造出，只為迎合審判而有「常理」已然崩解。
《地獄公使》真實面
1. 韓國邪教造成社會事件
雖然近幾年呢啲殺人獻祭邪教組織已經唔太常見，但其實喺1987年，韓國發生過「五大洋」邪教事件，一共有32人集體自殺。
五大洋現場照片
聽講係五大洋教創辦人朴順曾經喺一場大病中莫名痊癒之後，佢相信自己係因為信教而得到「救贖」，所以一直說服信徒，併吞孤兒院同療養院，透過洗腦，希望得到信徒嘅信任同金錢，但究竟點解32人會選擇集體自殺？至今仍然冇正確講法。
電影《白白教》劇照
除此之外，發生喺日殖時期（1920至1930年間）嘅白白教，係韓國相當出名邪教殺人事件，教主透過殺人嘅手段嚟維持宗教內部安穩。而經搜查後，白白教現場有多達三百多條屍體，其他失蹤人口有成二百幾人，相當恐怖。
2. 獵巫後嘅社會真係有改變？
其實呢個議題成日反覆出現，喺幾乎成為群體霸凌獵巫思想下，人類只想找尋一個「解釋」同宣洩情緒嘅出口。睇韓劇、社會議題、公眾人物、性少數人權身上，韓國有唔少網民依然同《地獄公使》中嘅箭鏃一樣，肆無忌憚地透過一啲蛛絲馬跡推敲可能性，造成不可逆嘅傷害。
《地獄公使》並唔係一個作品，而係用咗一個誇大方式戲劇去表現，反諷韓國真實社會現象。
3. 邊個先係真正地獄使者？
講到《地獄公使》，究竟邊個先係地獄使者呢？天使又係幾時會出現？其實完全都冇解釋到。但換個角度諗，生活中如果出現一個箭靶，大家就會開始向佢不斷射，其實就同箭鏃行為一樣；當箭靶已被刺得千瘡百孔，一邊望住嘅觀眾就會認定「因為佢係箭靶，所以就應該要射」，呢個亦係現實社會中，多數韓國人嘅縮影。
其實邊個係獄使者、邊個係天使？點解要咁做？其實呢啲問題一啲都唔重要，因為就算冇佢哋，獵巫同沉默嘅大眾仍然存在，不停為每個結果作一個原因。
《地獄公使》第二季
《地獄使者》最後，透過公開直播、令新真理教壯大，被活活凌虐、燒死朴靜子突然復活，為《地獄使者》看似已完整故事留下浮筆。究竟邊個會復活？地獄審判又係咩？而經過審判，走過一轉地獄又毫髮無傷返嚟嘅人類，又會唔會喺新真理教滅亡、人們背棄「贖罪論」後，重新成為一個新興宗教，帶領人類走上不再畏懼審判嘅道路。但至目前為止，Netflix仍然未宣布《地獄公使》將會開拍第二季消息，唔少fans已經好期待！
以上係Netflix新劇《地獄公使》嘅介紹，唔知大家又冇一次過追哂呢？歡迎大家同小編分享一下你嘅諗法。
如果有更多想知嘅內容，都可以隨時留言或者dm話俾我哋知：）
Instagram：creatrip.hk