《Vincenzo/黑道律師文森佐》角色/故事介紹
接檔《哲仁》！宋仲基×全汝彬×玉澤演《Vincenzo》角色介紹、必睇亮點整理
Hello，大家好，我哋係由韓國人每日提供最新韓國旅行資訊嘅Creatrip。
接檔啱啱完結嘅《哲仁王后》，tvN《Vincenzo（黑道律師文森佐）》開拍之前就已經唔少人討論緊，原因就係主演集合咗宋仲基、玉澤演、全汝彬，同其他實力派演員趙漢哲、金麗珍、郭東延、楊慶元等人，令人相當期待。
隨住韓劇《Vincenzo》首播日期越嚟越近，除咗確定喺Netflix可以睇之外，tvN上傳嘅劇照都令人好好奇，究竟黑手黨律師嚟到韓國之後會發生啲咩嘅故事呢？另外，劇情設定係「黑色幽默」，到底可唔可以延續到《哲仁王后》嘅好成績，就要一齊睇落去啦。
《Vincenzo》大綱
- 時間：2021年2月20號起，逢星期六、日播出
- 平台：tvN、Netflix
因為組織嘅內部背叛、爭亂，而嚟到韓國嘅義大利黑手黨律師兼戰略家Vincenzo，具有掌控大局嘅卓越協商能力同領袖風範。當佢遇到一位毒舌、勝負欲超強，為咗勝訴、願意做出一切行為嘅頂級律師洪車英，兩個人嘅想法將會改寫兩個人嘅故事，一齊以「惡」實現真正嘅正義。
不過，仲有一位畫風截然不同嘅律師實習生張俊宇，佢陽光、單純，留學派出身嘅俊宇其實一直暗戀車英，直到Vincenzo嘅出現，似乎有啲嘢都開始改變……
《Vincenzo》角色
宋仲基（飾演 Vincenzo）
Vincenzo奉行著復仇主義，絕對冇改變嘅餘地。佢嚟自帶有超多想像空間嘅義大利，充滿嘅浪漫同禮儀，其實心入面有同冷靜外表唔符合嘅溫暖熱情，喺遇到洪車英之後，決定一齊以「惡的正義」改變一啲嘢……
全汝彬（飾演 洪車英）
韓國最高等嘅律師事務所嘅王牌律師，智慧同美貌集於一身，不過內心就有相當冷酷嘅行事準則。比起法律係道德嘅最低標準，洪車英心中對於法律、正義、道德嘅標竿都以「利益」去衡量，所以佢願意為咗勝訴可以咩都做得出。遇到Vincenzo之後，兩個人嘅想法上面都有某種程度嘅契合，似乎將會改變呢個土地同兩人嘅命運……
玉澤演（飾演 張俊宇）
律師事務所嘅實習生，同Vincenzo嘅風格截然不同，有啲西方嘅感覺，俾人一種單純、天真嘅可愛感。十分尊敬車英前輩，同時亦都偷偷暗戀佢，想要有美好嘅人生編排，一邊享受工作同辦公室愛情，但呢一切喺Vincenzo出現之後就改變咗……
《Vincenzo》亮點
宋仲基回歸
時隔兩年幾，走出婚變風波，宋仲基終於喺2021年以韓劇《Vincenzo（黑道律師文森佐）》回歸，而喺前幾日，佢同金泰梨主演嘅電影《勝利號》都喺Netflix上面首映，引發全世界嘅討論。而呢次回歸螢幕，係唔係可以再創《太陽的後裔》、《阿斯達年代記》嘅好評呢？大家都好期待。
呢次《黑道律師文森佐》嘅播出，亦都令好多西裝控粉絲都好興奮！因為目前tvN上傳咗好多張劇照都可以見到宋仲基、玉澤演等主角著住西裝，超有型！
《熱血司祭》編劇加上《愛的迫降》導演
《Vincenzo（黑道律師文森佐）》嘅幕後都相當強，導演正正就係以《愛的迫降》改寫tvN歷史收視記錄嘅金熙元，先前作品仲有《成為王的男人》、韓版《命中註定我愛你》等，而編劇就係《熱血司祭》、《金科長》嘅編劇朴才範，編導之間係唔係會擦出新火花，再創tvN韓劇好評呢？
根據媒體報導，導演同編劇兩人都好信對方。朴編劇都極力稱讚導演表示「金熙元導演係最優秀嘅導演，對劇本分析比任何人都出色，現場營運能力都係無人能及」，係一位「唔俾作家負擔同擔憂嘅導演」。
而對演員嘅評價，朴編劇都對宋仲基、全汝彬、玉澤演等人好滿意。其中朴編劇大力讚賞宋仲基嘅表現，認為佢正確理解《Vincenzo》追求嘅戲劇亮點。而全汝彬都係久仰大名，極力想同佢合作嘅對象之一。
編劇表示，喺合作嘅過程入面，自己有種「呢個人癲㗎，佢天生就係演員」呢類超高評價嘅讚賞。
無真正嘅惡同正義
《Vincenzo》融入咗喜劇、動作、人道主義元素，係一個愉快而充滿活力嘅劇本，同時都驗證咗「無絕對嘅惡同正義」：Vincenzo同洪車英、張俊宇三人試圖以「黑道」嘅方式實現正義，剷除真正嘅惡人，呢種過程帶嚟嘅快感，正正就係《Vincenzo（黑道律師文森佐）》嘅亮點。
以上係《Vincenzo（黑道律師文森佐）》嘅介紹，唔知道大家期唔期待呢？大家一齊同小編等2月20號嘅首播啦。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
