Hello，大家好，我哋係由韓國人話你知每日最新資訊嘅Creatrip。
#K-POP #MBC #偶像運動會
#偶運會 #2021新年特輯
韓國K-Pop界入面，每年最值得期待嘅綜藝節目一定唔可以少咗《偶像明星運動會》。
每一年都會喺新年同埋中秋節分別舉辦嘅《偶運會》，嚟緊2021年嘅新年特輯因為COVID-19嘅關係將會取消。
✨馬上Follow我哋IG
instagram.com/creatrip.hk
《偶運會》2021新年特輯取消
喺12月11號，MBC相關人士對韓國媒體表示，2021年新年特輯嘅《偶像明星運動會》 唔會舉辦。
因為韓國近期嘅疫情非常之嚴重，所以將會取消嚟緊嘅《偶運會》 。
韓國嘅疫情最近每日都有大概600至800個新增確診者，而喺首都圈嘅疫情級別亦都提升至到2.5級。
佢哋覺得全韓國嘅疫情越嚟越嚴重，預計短期內都唔會可以好好咁樣控制得到。
就係因為咁樣，為咗保障藝人同埋工作人員嘅安全，決定嚟緊嘅新年特輯將會取消。
《偶像運動會》由2010年嘅中秋節第一次舉辦咗之後，每年嘅新年同埋中秋節都會舉行，成為咗韓國呢10年以嚟最具代表性嘅節日綜藝節目。
每次舉辦《偶運會》嘅時候，絕大部份嘅K-POP偶像團體都會出席參加。
佢哋都會一齊參加好多唔同嘅運動比賽項目，而每一次大家睇《偶運會》嘅時候都會發現原來有好多韓星都有驚人嘅運動細胞！
但係隨着今年COVID-19擴散嘅趨勢越嚟越勁，《偶運會》喺今年嘅中秋特輯嘅時候，已經將成個模式改變咗。
由以往嘅運動比賽，改咗做規模比較細嘅「偶像電子競技錦標賽」同埋「偶像狗狗運動錦標賽」。
而一班K-POP Fans一直好期待2021年嘅《偶運會》可以回復正常。
好可惜呢一個疫情越嚟越嚴重，最終2021年嘅新年特輯都取消咗製作。
唔知大家之前有冇睇開《偶運會》呢？
雖然2021年嘅新年特輯取消咗真係好可惜，但係為咗大家嘅安全，取消舉辦真係一個最好嘅選擇！
希望喺2021年嘅中秋節，《偶運會》可以安全咁樣正常舉辦啦！
✨馬上Follow我哋IG
instagram.com/creatrip.hk
| 其他延伸閱讀 | |
 韓國生活瑣碎事 |  韓國社會怪事 |
