Hello，大家好，我哋係由韓國人話你知每日最新資訊嘅Creatrip。
#韓國牛奶 #丹麥牛奶
#名畫系列 #停產
有新聞報導指出：「韓國東遠F&B出售嘅丹麥牛奶名畫系列入面部分產品已經停產。」
呢個消息公開之後，令到唔少飲開呢一款牛奶嘅人都覺得好可惜。
好多人都表示希望呢一隻牛奶唔好停產！
✨馬上Follow我哋IG
instagram.com/creatrip.hk
相信大家嚟韓國旅行嘅時候，都會有見過呢幅圖裏面嘅乳酪飲品。
唔知大家又有冇飲過呢？
而喺同一間公司推出嘅丹麥牛奶就宣布會停產某部份嘅口味！
韓國丹麥牛奶名畫系列停產
丹麥牛奶係韓國東遠F&B推出嘅一款牛奶。
佢嘅名畫系列就係擁有好多種咖啡牛奶嘅產品。
呢款牛奶最特別嘅就係喺包裝設計上面，會有好多唔同嘅世界好出名嘅名畫。
丹麥牛奶入面嘅Mocha、薄荷Latte、 Cappuccino、Toffee Nut Latte、皇家奶茶等等嘅特色咖啡牛奶都好受歡迎！
特別係佢每盒都有310ml「野獸級」嘅容量，喺韓國咁多牛奶品牌之中都算係最多容量嘅一個款式。
所以呢一個系列入面部份嘅產品即將要停產嘅消息一傳咗出嚟，即刻喺韓國成為話題。
對於呢個停產嘅消息，有一個韓國網民喺12月4號親自問咗東遠F&B，丹麥牛奶入面有世界名畫嘅皇家奶茶係唔係會停產。
而佢收到嘅答覆係丹麥皇家奶茶同埋Toffee Nut Latte都已經冇再生產。
東遠F&B向佢更加表示，之後會帶嚟更加好嘅新產品俾大家！
唔少韓國網友睇到之後都留言話呢款牛奶係佢嘅「人生牛奶」，希望唔好停產。
好多人都覺得呢個消息實在太令人震驚，都好希望呢兩款牛奶可以重新上市。
而東遠F&B最近都有新推出咗丹麥Drinking薄荷乳酪同埋薄荷奶茶。
唔知大家嚟韓國旅行嘅時候又有冇飲過呢一款牛奶呢？
小編之前覺得個包裝好特別所以就買嚟試吓，一試都覺得佢真係好好飲。
大家下次嚟韓國旅行嘅時候，如果喺便利店見到呢一款牛奶都不妨買一盒嚟試吓！
✨馬上Follow我哋IG
instagram.com/creatrip.hk
| 其他延伸閱讀 | |
 香蕉奶受歡迎原因 |  韓國奇特口味炸雞 |
