韓國香蕉奶受歡迎原因
究竟點解韓國嘅香蕉奶會咁受歡迎？到底佢成功嘅原因又係咩呢？
Hello，大家好，我哋係由韓國人話你知每日最新資訊嘅Creatrip。
如果要講嚟到韓國一定要試嘅飲品，其中一樣當然係呢款人氣超高嘅香蕉牛奶 （바나나우유)，唔單止係地道嘅韓國人好鍾意，全世界嘅外國遊客都非常鍾意！
呢個牌子嘅牛奶以香蕉牛奶出名，但同一條line都出咗好多唔同嘅味，大家知唔知點解最傳統嘅香蕉味係最流行呢？
傳說中最出名嘅香蕉牛奶
韓國嘅香蕉牛奶係外國遊客同埋韓國人最鍾意嘅飲品，大家可能以為呢個牌子係新冒起嘅，事實上呢個牌子已經係歷史悠久，喺40年前已經有㗎啦！
呢款香蕉牛奶早喺1974年已經流行，當時韓國政府想韓國人飲多啲牛奶，但因為普通嘅牛奶唔符合韓國人嘅口味，所以（빙그레）呢間公司就開發咗有味道嘅牛奶啦！不過大家又知唔知到點解香蕉味會係最先開發嘅味道呢？
tvN
原因竟然係同韓國嘅天氣有關！韓國其實係種唔到香蕉，唯有只可以靠海外進口，所以唔少人都話香蕉係最值錢嘅水果。
雖然係貴咗啲，但（빙그레）呢間公司都想將香蕉味加入牛奶，等多啲人鍾意飲牛奶啦，如果大家都有睇「請回答1988」嘅話，都會發現劇中有一幕係女主角帶香蕉去朋友屋企送禮，個個見到都好開心！
唔好以為香蕉奶呢啲就只有小朋友鍾意啊，事實係無論男女老友都咁鍾意，久而久之仲有唔少廣告同宣傳，令到呢款飲品嘅知名度越嚟越高，越嚟越受關注。
除咗味道之外，佢哋喺設計包裝嘅時候都好有心思，香港人如果諗起牛奶，都會諗起維記或者維他呢啲四四方方盒嘅包裝，但公司就覺得呢啲造型太悶啦，然後就用咗70年代酒呈嘅形狀，肥嘟嘟咁個個都覺得可愛！
整整因為香蕉牛奶咁受歡迎，而家都出咗好多味，分別有士多啤梨、哈密瓜、碳酸味等等。
tvN
呢款牛奶已經算係韓國嘅Number 1！韓國人要飲牛奶，第一時間一定會諗起呢款，唔知大家最鍾意係咩味嘅牛奶呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk