Hello，大家好，我哋係由韓國人話你知每日最新韓國資訊嘅Creatrip。
＃韓國新聞＃具荷拉法
＃唔通過＃持續推行
韓國第20屆國會議員任期已經結束，日前終止嘅會期入面，具荷拉嘅哥哥具浩仁（音譯）試圖推動《具荷拉法》，但未能納入正式立法議程，而係判定為「繼續審查」。
呢項法案宣告擱淺，係咪可以喺第21屆國會議員任期開始個陣，繼續討論，仍然係未知數。
✨馬上Follow我哋IG
instagram.com/creatrip.hk
《具荷拉法》
具荷拉去年年底自殺離世，死訊震驚全韓，喚醒大眾反思對藝人長期以嚟嘅標準、要求係咪過於嚴苛。
而且具荷拉生前捲入前男友性暴力、偷拍嘅案件，加上被法官二度傷害，導致情緒不穩。
日前，具荷拉前男友一審被判決偷拍無罪，檢方提出上訴，求刑三年。
另外，因具荷拉生母爆發出嘅《具荷拉法》，亦再次引起大眾討論。
來源：연합뉴스據了解，具荷拉生母喺兩兄妹未滿10歲個陣，就離家出走，多年嚟不聞不問，造成具荷拉同哥哥具浩仁心靈層面難以撫慰嘅傷口。
具荷拉自殺離世之後，生母竟然出現喺喪禮場合，化晒妝，同嚟悼念嘅藝人合照，更出手爭奪具荷拉出道多年遺留落嚟嘅財產。
種種惡劣行徑，經具浩仁喺網路同節目上揭露之後，引起民憤。
青瓦台先前更出現一個超過10萬人連署嘅請願，表示「拋棄子女嘅父母，因未盡撫養義務，禁止喺子女離世後分配遺產」。
最後成功提案，喺第20屆國會討論，被稱為《具荷拉法》。
來源：연합뉴스遺憾地，日前結束咗第20屆國會最後一次會期，並未通過《具荷拉法》納入正式立法議程，而係判定為「繼續審查」，宣告《具荷拉法》擱淺。
具荷拉嘅哥哥表示，就算《具荷拉法》真係通過，都冇辦法適用喺目前嘅情況，但呢個係作為哥哥，對一生盡係悲傷同痛苦嘅妹妹最後一份嘅禮物。
同時，佢亦唔希望韓國會再有同樣悲傷嘅事情發生。
第21屆國會議員承諾，會喺新會期重新募集其他議員支持，推動討論呢個法案，令《具荷拉法》通過，唔會再有呢類唔合理嘅事情發生。
※珍惜生命！請再畀自己、同愛你嘅屋企人一個機會
- 香港撒瑪利亞防止自殺會： 2389 2222
- 生命熱線： 2382 0000
✨馬上Follow我哋IG
instagram.com/creatrip.hk
| 其他延伸閱讀 | |
 民植法正反聲浪 |  韓網關閉熱搜詞 |
