韓網關閉實時熱搜功能

唔好再令惡評再帶走下一個雪莉、具荷拉！搜尋網站關閉實時熱搜詞、娛樂新聞區留言

Jeongyeong Yeo

5 years ago

哈囉，大家好，我哋係由韓國人話你知每日最新韓國資訊嘅Creatrip。

＃韓國文化＃韓國新聞
＃關閉評論＃熱搜關鍵字

唔知大家仲記唔記得雪莉（崔真理）、具荷拉用自殺方式去結束自己生命，永遠離開我哋，令到唔少人都流下眼淚。

呢啲新聞都令南韓社會開始反思，關於網路惡評、虛假消息對藝人嘅傷害。

為咗唔好令悲劇再度重演，韓網而家開始都努力緊去改善呢一點。

上年12月23日，Kakao旗下搜尋網站daum承諾，將會喺02月20日起，關閉「實時熱搜詞（실시간 이슈 검색어）」功能，希望可以履行企業社會責任，並令呢個社會更加健康。

去年雪莉死訊爆出之後，daum進行相關發言，除咗表示將廢除娛樂新聞回文功能，以及「實時熱搜詞」功能。

目前只要入daum網站，確實娛樂新聞下面留言區都已撤除，大家都唔可以進行任何留言或心情表示。

實時熱搜詞亦冇咗，更改為相關推薦關鍵字。而想搵人名搜尋時，綜合搜尋關鍵字亦即將關閉。

或者可能已經遲咗，但至少都開始作出一啲改變。

目前韓國Naver網站仲係討論當中，但肯定嘅係今年4·15選舉期間，將會關閉「實時熱搜」功能，以避免影響選舉公正。

至於關閉演藝新聞回覆功能，Naver亦透漏將於3月時廢除。

所以Naver喺04月02至15日，韓國選舉期間，將會中斷實時熱搜功能。

同時為咗避免影響選舉公正，亦會中斷大數據常用嘅「自動完成」功能，例如輸入ㅇㅇㅇ，會自動補齊ㅇㅇㅇㄱㄱ相關訊息。

NAVER急上升搜索詞

「Naver提供藝人活動至私生活，相當廣闊演藝新聞回覆空間，所以對我哋需負起侵害藝人人格權等問題責任，深有同感。」

Naver即將會喺3月廢除娛樂新聞回覆，以及藉由4·15選舉測試關閉實時熱搜，都可視為為咗避免更多公開網路霸凌、侵害而做嘅努力。

希望關閉娛樂新聞留言，或者撤除實時熱搜，可以將已經扭曲網路霸凌、藝人社會壓力等，慢慢改正，同時唔好令悲劇重演。