Creatrip: 帶你認識韓國每一面

來源：chosun

Hello，大家好，我哋係由韓國人話你知每日最新韓國資訊嘅Creatrip。

＃武漢肺炎＃韓國新聞
＃檢驗方式＃WalkingThru

韓國嘅武漢肺炎（新型冠狀病毒）疫情數升到8,320名（截至03月17日）。

呢段期間，韓國幫相當多嘅市民做檢驗⋯⋯對醫療人員嚟講，其實都幾大負擔。

Creatrip為咗要嚟韓國旅行嘅大家著想，會持續更新相關新聞（點我）。

大家唔需要太過擔心同緊張，記住出門口一定要戴口罩同勤洗手！

韓國新檢測方式

韓國Drive Thru檢測站，醫護人員在車旁進行檢測和消毒作業。 Drive Thru

前排介紹過嘅「Drive Thru」檢測方式，疑似病患者唔洗落車，直接透過車窗檢驗、離開。

因為唔需要上落車，可以減低醫護人員同其他疑似病例交叉感染嘅風險。

韓國又諗到另一個方法檢驗！

「Walking Thru」係新型嘅檢測方式，疑似病例行入公共電話亭形式嘅檢測空間，再由醫護人員採檢、送驗。

韓國Walking Thru檢測站，醫護人員在迷你負壓病房內進行檢測。 Walking Thru（來源：chosun）

更重要嘅係，呢個唔係一般嘅隔離空間，而係迷你版嘅負壓病房。

開放空間容易有口沫飛散，有潛在感染風險。利用Walking Thru嘅設備，喺迷你負壓病房入面先除底口罩檢測。

完成一個驗測，只需要1至2分鐘就可以完成換氣同消毒。

之前用帳棚式嘅檢驗空間，如果要繼續檢查他人，通常換氣、消毒都要成半個鐘左右。

而家用好似公用電話亭咁嘅迷你負壓病房，可以大量縮短檢測時間，仲減低潛在嘅感染風險。

以往一間醫院頂多只可以檢查10個左右，但而家用咗Walking Thru嘅醫院，可以檢查70名左右，大大增加效率。