120%享受韓國澡堂
有20年澡堂經驗嘅韓國小編介紹澡堂順序？到底點做先係最正宗？
Hello，大家好，我哋係由韓國人話你知每日最新資訊嘅Creatrip。
#韓國文化 #韓國人
#韓國澡堂 #汗蒸幕
只要係韓國人，無論男女老少都會鐘意嘅澡堂！
去澡堂浸喺熱水入面，可以洗走學校、公司、職場嘅緊張、擔心同困難。
特別係好似節日呢啲重要日子或者年尾，韓國人一定會去澡堂洗走污垢。
今日，就等我哋瞭解下有20年澡堂經驗嘅小編介紹嘅韓國澡堂，韓國人嘅澡堂順序，同埋之前唔知道嘅澡堂文化。
✨馬上Follow我哋IG
instagram.com/creatrip.hk
120%享受韓國澡堂
入去嘅時候
韓國大衆澡堂平均大人就5000~7000韓幣，小朋友就3000~5000韓幣。
不過入到澡堂嗰陣，男同女之間就會有啲分別喇！
由前台俾錢到攞到衣櫃、鞋櫃鎖匙過程都係一樣，但係收到毛巾嘅時候就會知道差異。
前台會俾女性2條毛巾，男性就唔會俾毛巾直接入澡堂，因為澡堂入面會有男浴巾，男性可以自己攞毛巾！
女澡堂唔咁樣做係因爲女性比男性用嘅毛巾數量比較多，如果俾女性自己攞毛巾走嘅話，毛巾嘅使用量就會多好多。
唔單止係咁，偷偷咁攞走毛巾嘅情況都好常見，爲咗減少唔見嘅數量就要咁做。
澡堂小食
冇零食嘅澡堂就好似冇紅豆嘅鯽魚餅，冇棉花糖嘅熱朱古力一樣！ 喺韓國嘅澡堂可以浸喺熱水度食零食。
大部分嘅男/女澡堂入面都會賣啲簡單嘅沐浴用品同零食，所以如果想盡情享受韓國嘅澡堂，推薦你試下佢哋啲零食。
喺韓國澡堂賣嘅嘢飲唔係罐裝嘅，而係裝喺六角形嘅膠桶度。 可以攞住佢喺入面邊行邊食，食完之後，將塑料桶直接交返俾舖頭就得。
麥飯石 雞蛋
澡堂嘅代表零食就係是麥飯石雞蛋！ 喺麥飯石上面烤嘅香雞蛋，配埋清爽嘅嘢飲喺熱浴池入面補充體力，啱曬！
麥飯石雞蛋一般都係2個1000韓幣，或者3個2000韓幣左右。
喺澡堂入面，韓國人通常會點少少鹽食，佢獨特嘅味道會令你上癮！
甜米露
韓國傳統嘅嘢飲甜米露，小編個人都好鐘意！
利用米整成嘅甜米露唔單止味道甜甜哋，仲可以咬到一粒粒嘅米，食雞蛋嗰時配嚟飲就啱曬，價格由1000韓幣到2000韓幣左右。
咖啡
喺韓國幾乎所有嘅澡堂，聽到話有咖啡賣，但神奇嘅係，佢哋賣嘅唔係美式咖啡，而係榛果咖啡！
食譜就係混合咖啡1、白糖2、榛子粉0.5，雖然味道簡單，但係甜甜地嘅咖啡味係每個韓國人都鐘意嘅味道，價錢大概係2000韓幣左右。
Naver Webtoon <女神降臨>
綠茶、五味子、石榴、梅子、甘醋
除咗前面介紹嘅甜米露同咖啡之外，韓國嘅澡堂仲會賣好多種類嘅嘢飲。
綠茶用茶包，五味子、石榴、梅子、甘醋係用濃濃嘅原汁加水沖。
喺充滿住熱氣、容易覺得攰嘅澡堂入面，酸甜嘅味道會更加好食，所以好多韓國人會喺澡堂飲綠茶、五味子、石榴、梅子、甘醋之類嘅嘢飲。
喺澡堂入面
一般喺韓國澡堂嘅順序
下面爲大家介紹係由有20年澡堂經驗嘅小編，同周邊嘅韓國人喺澡堂入面嘅順序！
喺韓國旅行嗰時，想要緩解疲勞嘅時候，如果到澡堂按照呢個路線進行，咁第二日就算係幾繁忙嘅日程都冇問題。
tvN
1. 入到去澡堂，就用番梘洗一洗個身同頭髮。
喺入澡堂之前，洗一洗個身同頭先入去係禮儀嚟，大家一定要先沖一沖個身啊。
2. 喺熱水入面浸10~20分鐘。
大部分韓國人都鐘意喺最熱嘅熱水入面浸浴，但係如果唔慣熱水嘅小朋友或者係外國人在可以去溫水池度浸！
將身體浸喺溫水入面，放鬆緊張嘅身心，呢個係喺澡堂最大治癒方法。
3. 喺浴池出嚟之後入桑拿房出一身汗。
喺韓國澡堂入面唔單止有大衆澡堂，仲有可以焗桑拿嘅地方！
桑拿最好係用嗰個沙漏計，大概倒轉3次就好停， 再耐啲嘅話，出嚟嘅時候可能會頭暈，請注意！
4. 首先沖走喺焗桑拿嗰時流低嘅汗水，再入去凍水池。
感受到熱湯同桑拿嘅熱氣之後，再入去凍湯，一個字爽！喺呢度大家仲可以享受凍水按摩。
5. 洗走老泥
相信大家都見過呢種韓式浴巾，韓國人叫佢哋做意大利毛巾。
所以如果想喺澡堂買韓式浴巾，就可以講要意大利浴巾，一開始可能會有啲痛，但係堅用嘅話會愛上咗。
加埋韓國沐浴露去污垢，幫你清曬啲老泥!
全羅日報
6. 最後一步
洗走老泥之後再用完番梘沖一沖，再抺物就完美！
最後洗面，刷牙就完成最後嘅步驟！
洗身師嘅搓澡服務
如果大家想體驗韓國搓澡嘅精髓，咁就要試下享受洗浴中心提供嘅搓澡服務。
幾乎所有韓國嘅大衆澡堂都有按摩，指壓按摩同全身搓澡的洗身師。
唔同地區、唔同澡堂嘅水準（小區澡堂/高級澡堂）價格都有差異，但平均嚟講，男澡堂嘅價錢由15,000韓幣到20,000韓幣不等，女浴池嘅價錢就更貴20,000韓幣到25,000韓幣不等。
女湯之所以更貴，係因爲女性需要更長嘅時間，要求更多，更細心。
唔單止係咁，每個澡堂都有唔同，一般嘅搓澡、全身搓澡（10,000~20,000韓幣）等唔同部位嘅按摩、按摩精油（40,000~50,000韓幣）等多樣嘅搓澡服務，可以隨心所欲咁用，通常係用現金結算。
韓民族日報
月浴同沐浴籃
喺韓國大衆澡堂成日都會見到神奇嘅風景就係經常幫襯嘅大嬸。
唔知點解，呢啲阿姨幾乎每日都係喺同一個時間去，佢哋之間嘅關係都好好，呢個就係特別之處！
每日送完仔女返學或等老公返公司，剩底嘅時間去澡堂沖涼，仲可以同鄰居嘅大嬸見面！
로컬리지
就係因為咁，喺小區入面嘅澡堂入面，隨處都睇到堆滿浴籃嘅風景，呢啲就係沖月澡嘅人放喺澡堂入面。
tvN <롤러코스터>
將啲食物搽喺身嘅大嬸
喺韓國澡堂見到會好驚訝嘅一幕就係啲用食物擦身嘅大嬸，韓國小編到而家都唔係太適應。
佢哋主要係喺屋企攞啲切好咗嘅青瓜、酸奶、鮮雞蛋等等親自按摩。
Naver webtoon <여탕보고서>
喺充滿熱空氣嘅澡堂入面，將好大味嘅食物搽喺身度，都會被人話係擾民嘅行爲。
正正就係因為咁，最近澡堂禁止呢種行爲嘅地方多咗好多，所以好難睇到，大家都唔洗太擔心，不過如果喺澡堂見啲阿姨搽啲食物喺面、身體上都唔洗太驚！
出嚟嘅時候
Naver webtoon <여탕보고서>
沖完涼出嚟之後，用毛巾充分擦乾身體，可以用風筒吹乾頭髮。
同入嚟嗰陣一樣，男湯同女湯係唔同嘅。
男澡堂用風筒係冇限制，女澡堂就係用風筒嘅時候係需要交錢。
一般價格係100元到200元，可以用1~2分鐘，提提大家如果想喺澡堂用風筒嘅話，要帶硬幣去俾錢。
如果連頭髮都吹乾嘅話，咁就做最後一件事！
想借鑑小編20年嘅經驗，最後再推薦大家多一樣嘢，就係飲住香蕉牛奶出嚟！
沖完涼，出咗一身汗，再飲返杯香蕉牛奶，呢個係韓國人去完澡堂最鐘意做嘅嘢。
今日經常去韓國澡堂嘅小編就親自介紹咗韓國大衆澡堂！
如果你日後要嚟韓國旅行，可以參考下今日講嘅呢篇有關韓國澡堂嘅信息，120%玩轉澡堂！
✨馬上Follow我哋IG
instagram.com/creatrip.hk
| 其他延伸閱讀 | |
 韓國生活瑣碎事 |  韓國社會怪事 |