Netflix《白種元醉話人生》拍攝地
Netflix《白種元醉話人生》拍攝餐廳整理！白種元都帶嘉賓去食咩好嘢呢？
Hello，大家好，我哋係由韓國人每日提供最新韓國旅行資訊嘅Creatrip。
2021年10月1號，Netflix向全世界公開韓國原創真人實境show《白種元醉話人生（백스피릿）》，播出冇耐已經引嚟超多人討論。喺6集入面，白種元同Jay Park、Loco、韓志旼、李準基、羅䁐錫PD、排球選手金軟景、金喜愛等人，一齊邊食韓式料理，一邊拎起酒杯傾吓偈，講吓韓國飲食歷史同文化，同時再同嘉賓一齊分享日常生活點滴，睇嘅過程相當療癒。
當中小編整理好拍攝場地，有興趣嘅朋友之後都可以去打卡。
《白種元醉話人生》拍攝地
第1集〈燒酒解千愁〉
雙大砲鹽烤肉（쌍대포소금구이 본점）
- 地址：서울 용산구 청파로 291
- 時間：每日 09:00 - 22:00
喺第1集〈燒酒解千愁〉中，白種元同大學朋友、Jay Park、Loco一齊邊食燒肉邊飲酒，亦聽到白老師講解咗唔少韓國燒酒歷史同釀製方式，以及五花肉文化，如果係眼利嘅朋友，亦都可以發現呢間燒肉店，之前韓劇《梨泰院Class》都有喺度取過景。
第2集〈用燒酒識朋友〉
海雲台燒烤（해운대구이）
- 地址：부산 해운대구 청사포로 147
- 時間：每日 11:00 - 05:00
第2集白種元同韓志旼相約喺海雲台青沙浦海岸一帶，佢哋去咗一間專賣烤海鮮嘅「海雲台燒烤」食飯，佢哋邊傾偈邊飲南部較為熱門嘅大鮮燒酒、C1燒酒同好日子（좋은데이）。韓志旼亦講到自己演藝信念，唔知係唔係因為夜晚喺釜山海邊傾，特別再感性啲。
第3集〈傳統酒你好〉
起承轉牛（기승전우）
- 地址：서울 종로구 사직로8길 15-3
- 時間：11:30 - 22:00（15:00 - 17:00 Break Time）
喺第3集白種元先去咗一間酒吧，後嚟再去一間韓牛店同李準基見面。呢間「起承轉牛」餐廳係專賣1++等級韓牛，望住佢哋將韓牛擺喺火爐上面燒，真係睇見都流哂口水。佢哋邊傾偈邊飲咗好多韓國傳統特色酒，有興趣嘅朋友之後都可以睇吓。
第4集〈成熟的真諦〉
按酒一切 兵營店（안주일체 병영점）
- 地址：울산 중구 곽남16길 3
- 時間：每日 18:00 - 05:00 年終無休
第4集白種元老師邀請到羅暎錫PD，佢哋一齊去到蔚山馬格利（米酒）釀酒場參觀，喺傾偈期間仲講到職業生涯同家庭，透過馬格利酒發酵、熟成過程，同第4集嘅篇名〈成熟的真諦〉不謀而合。後嚟佢哋仲去咗一間喺釜山、蔚山一帶有好多分店嘅「按酒一切」餐廳，之後會去呢兩個地區嘅朋友，都可以去試吓。
第5集〈與眾不同先好！〉
清津營養Center（청진영양센타）
- 地址：서울 종로구 삼봉로 44-1
- 時間：11:00 - 14:00 午餐、14:00 - 03:00 炸雞&啤酒
《白種元醉話人生》第5集邀請到韓國女子排球球員金軟景做嘉賓，佢哋去咗一間韓國人好鍾意嘅HOF（호프）鋪頭，位於光化門附近，叫做「清津營養Center」！佢哋一邊食住炸雞一邊飲啤酒，當中傾到啤酒相關知識，相當有趣。
第6集〈秀出本色！〉
朝鮮柳樹Brewery（버드나무 브루어리）
- 地址：강원 강릉시 경강로 1961
- 時間：每日 12:00 - 22:00
《白種元醉話人生》最後一集白老師去到江陵，邀請到韓國影后金喜愛，佢哋喺江陵啤酒釀酒場「朝鮮柳樹Brewery」，品嘗韓國各地特色啤酒，以及將義式Pizza變成「韓國式」泡菜Pizza。
韓國人飲酒文化
喺《白種元醉話人生》入面可以睇到好多韓國專屬飲酒文化，同認識更多酒類背景。
喺韓國飲酒，如果係唔同年紀（年長者、年幼者），需要以雙手拎住酒杯或者斟酒。除此之外喺飲嘅時候，後輩唔可以對住長輩直接飲，而係要擰轉頭以表尊敬。
韓國燒酒有好多款
好似喺《白種元醉話人生》入面所提到，每個城市都有當地製酒商，除咗大家識嘅真露、初飲初樂、好日子之外，其實仲有好多款，每一款都有佢哋特色。
除咗燒酒同啤酒之外，米酒（馬格利酒）都係嚟到韓國必試酒類之一，喺《白種元醉話人生》入面，白老師就同咗羅PD去蔚山釀酒場，親自帶觀眾參觀馬格利生產過程同講解口感差異。
韓國梨汁真係可以解酒？
白種元同韓志旼講到韓國嘅「IdH」可以解酒，當時大家又知唔知係咩意思呢？其實係「梨」嘅韓文「배」，而梨本身就受科學研究認證，含有豐富天門冬胺酸可以協助解酒，之後大家都可以買嚟試吓㗎！
睇《白種元醉話人生》嘅時候，除咗可以聽到嘉賓一啲心底話之外，同時可以了解到韓國嘅飲酒文化，當中唔知邊間餐廳最吸引你呢？有興趣嘅朋友可以先save底，之後可以飛韓國嘅時間再去打卡！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
