Hello，大家好，我哋係由韓國人話你知每日最新資訊嘅Creatrip。
#韓國 #Flycation
#濟州航空 #日出 #日落
相信今年都係全世界最難捱嘅一年！
因為COVID-19嘅關係，我哋嘅日常生活都完全打亂晒。
其中一個最大嘅分別就係，我哋唔可以再好似以前咁樣隨便搭飛機飛嚟飛去，所以呢個疫情對旅遊業界嘅影響都非常之大。
韓國濟州航空都推出咗一個好另類嘅Flycation，一齊嚟睇吓啦！
✨馬上Follow我哋IG
instagram.com/creatrip.hk
濟州航空嘅Flycation
為咗解決大家對搭飛機嘅渴望，香港同埋台灣都相繼推出咗「Flycation」，等大家喺疫情之下都可以搭到飛機。
不過，韓國濟州航空今次推出嘅Flycation，唔係淨係畀大家喺空中上面環繞一圈。
佢哋將今次嘅行程都包裝得好好！
韓國濟州航空喺12月7號嘅時候表示，為咗想令大家好有意義咁樣渡過2020年最後嘅日子，再去迎接充滿希望嘅2021年。
所以，今年嘅最後一日同埋2021年嘅第一日都會進行「Flycation」。
今次濟州航空舉辦嘅「飛機中的天空旅行第二季」，將會喺12月31號日落嘅時候，同埋2021年1月1號日出嘅時候，喺首爾金浦國際機場同埋釜山金海國際機場起飛。
睇日落飛行嘅嗰一班機將會喺下晝3點50分由金浦機場起飛，而釜山就會喺下晝4點20分出發，預訂日落時間下晝5點30分左右兩架機都會飛過西海岸上空。
2021年1月1號嘅日出飛行計劃就會係朝頭早6:35有金浦機場出發，而釜山就會係朝頭早6:55出發。
呢兩架飛機都會喺日出預訂嘅時間朝頭早7:30左右通過浦項上空，同大家一齊迎接當日嘅日出。
呢幾班飛機全程嘅飛行時間都會大概有兩個鐘頭，目的就係希望乘客可以盡情咁樣喺天空上面欣賞到日出同埋日落。
由金浦出發嘅航班路線會係金浦-浦項-釜山-泗川-麗水-光州-金浦。
由釜山出發嘅航班就會係釜山-浦項-首爾-光州-麗水-泗川-釜山咁樣，呢兩班飛機飛嘅路線連埋一齊就會變成一個心形圖案。
當中亦都包含咗濟州航空大比乘客嘅溫暖安慰同埋支持，希望大家可以一齊戰勝COVID-19。
唔知住喺韓國嘅大家對呢一次嘅活動又有冇興趣呢？
✨馬上Follow我哋IG
instagram.com/creatrip.hk
| 其他延伸閱讀 | |
 韓國生活瑣碎事 |  韓國社會怪事 |
