韓國疫情現況

Hello，大家好，我哋係由韓國人話你知每日最新資訊嘅Creatrip。

#韓國疫情現況 #新冠肺炎
#疫情 #幾時先完ㅠㅠ

韓國透過快速嘅檢查仲有應對而被稱為防疫強國之一，確診人數每日都係大約20至30人，呈現減少趨勢。

不過，因為新冠肺炎嘅長期化，韓國嘅確診者趨勢都增加到每日100位嘅狀況。

就好似每日都要睇天氣預報咁，最近大家都習慣咗每日留意關於肺炎嘅新聞。

下面就想同大家講番韓國喺11月疫情嘅現況，同埋一啲轉變咗嘅政策。

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購

韓國疫情現況（11.02）

韓國而家嘅累積確診者數量係27,050人，同累積檢查數量對比係有1%嘅累積確診率。

加上自從9月底起，韓國每日都新增大約100幾位嘅確診患者。

嚟緊就同大家瞭解下11月至今韓國嘅肺炎患者同埋檢查現況。

1. 환자 현황 患者現況

2. 검사 현황 檢查現況

出處 : https://ncov.mohw.go.kr/

韓國各地區確診者現況(11.02)

出現喺首都圈，其它地區每日都係得一位數嘅確診病例。

另外，通過確診者現狀表，除咗爆發新天地事件嘅大邱之外，大部分確診者都係嚟自人口密集嘅首爾同京畿地區。

最近韓國集體感染事例

NEWS1

大家仲記唔記得令韓國一個禮拜之內增加咗800個確診者以上嘅「新天地群組」？

喺呢個事件之後，韓國嘅每日確診數都開始漸漸減少，而家每一日都維持緊差唔多嘅數字。

喺新天地之後，最近(以11月2日為基準)韓國確診人數急劇上升嘅理由都不外乎係團體聚會。

因為疫情持續時間長，大家開始有抗疫疲勞，對於保持社交距離嘅重要性減少，開始會有團體聚會嘅出現。

好似療養院呢啲容易受到感染嘅地方咁，家族聚會、學校等等嘅日常空間都持續出現感染。

喺呢啲確診者當中，小編就同大家講幾個最近嘅案例。

1. 鐘路區首爾藝術高中NEWS1

喺過去嘅9月29日，位於首爾嘅首爾藝術高中發生咗涉及18位嘅集體感染事件。

喺呢間學校接受音樂培訓嘅學生作為最初嘅感染者，傳染咗畀其他17位。

透過調查發現，呢位學生係因為同其他學生一齊搭穿梭巴士、接受聲樂同樂器訓練而用同一間聲樂練習室，導致傳染畀講師同埋其他學生。

2. 롯데리아 Lotteria

서울신문

喺過去嘅8月，韓國好出名嘅快餐店Lottetia出現咗11位嘅集體感染事件，造成咗一啲爭議。

喺首爾市廣津區返工嘅店長同埋一班職員喺呢間快餐店入面聚集開會，之後仲去咗豬腳店、炸雞店等等嘅地方，長時間嘅聚會再加上冇戴口罩就係最重要嘅原因。

之後Lotteria就關閉咗呢7間源頭有番過嘅分店。

3. 남양주 요양원 南楊州療養院

YONHAPNEWS

喺11月2號位於南楊州嘅療養院亦都發生咗集體感染事件，而南楊州所在嘅呢一棟建築物入面有兩間療養院。

呢兩件間療養院總共有65位入住者，其中62位都受到感染。

雖然暫時未確定準確嘅流入途徑，但韓國政府發現上個月16號一間療養院入面有出現症狀，而兩個院長又有一齊去食飯。

另外，療養院嘅特殊性亦都令到判斷好困難。

「安靜傳播」最少已經發生咗一個禮拜，所以推斷所有入住嘅人都已經受到感染，尤其係四人房，床與床之間嘅距離得60cm，再加上通風設施嘅不足，推斷得出傳播速度會好快。

韓國學校嘅教學方式

小學·初中·高中

由9月開始，韓國嘅疫情緩和，新一個學期都準備開始，韓國嘅學校都改變咗佢哋嘅教學方式。

韓國學校由全面非面授嘅教學方式轉變為部分面授，具體係點樣部分面授就等我哋睇落去啦。

NEWSIS

由11月2日開始，釜山地區嘅幼稚園、小學、初中、高中同埋特殊學校大部分都恢復咗全面面授。

有啲地區仲採用單、雙班輪流返學嘅方法；有啲學校就淨係需要小學1年級或者初中1年級嘅學生返去上堂。

雖然唔同地區有唔同嘅返學模式，不過所有小學初中高中嘅學生都一定要戴住口罩上堂。

透過一啲自我診斷嘅手機應用程式，喺規定嘅時間入面確認自己身體狀況冇發燒感冒等等再提交。

雖然有人覺得而家肺炎仲係好嚴重，唔應該喺呢個情況之下強制面授上堂。

不過韓國嘅教育部就考慮到非面對面上堂嘅模式令學生好難正常咁學習，而且唔可以個團體生活，淨係每一日都留喺屋企入面，所以最後都係決定恢復面對面上堂。

喺校門口量體溫同用酒精搓手液嘅學生

雖然有學校實行部份面授又或者全面面授嘅方式上堂，但韓國有74間學校係全面終止面授而且調整緊教學日程，因為喺學校入面出現確診者。

最新嘅事例就係喺9月31號發生，全南鹹平嘅一個小學生確診感染肺炎而暫停返學，呢間出現咗確診者嘅學校入面全體600個學生係深夜進行左肺炎檢查測試。

鹹平小學集體感染報告會現場

呢位小學生受感染係因為同作為確診者嘅親戚有接觸，好彩佢喺小學入面有戴口罩，所以學校入面嘅確診者人數係零。

所以見到口罩係真係有用，韓國嘅學校嚴格管理學生戴口罩嘅行為，一旦出現確診患者，即刻停止返學。

此外，仲可以迅速對全校學生、教職員、接觸者進行檢查，努力減少感染機會。

"如果對檢查有疑問嘅話，可以參考以下鏈接Drive Thru檢測病毒

過去嘅9月31號，就係喺臨時搭建嘅「Drive Thru」診所入面為呢班小學生進行檢查

大學

YONHAPNEWS

韓國嘅大學都喺疫情減少擴散嘅10月同11月開始，將全部非面授嘅課程轉變成部份面授課程。

目前除咗實驗、實習費用包括喺學費入面嘅學科之外，韓國大學所有嘅學科都進行緊非面授方式教學，部份大學為咗公正咁評價，淨係喺考試嘅時候為學生安排喺學校進行考試。

不過，由10月份開始，隨住韓國確診人數逐漸減少，大學都陸續安排緊面授課堂。

每日面對面進行實習課程嘅蔚山大學

其中韓國外國語大學嘅事例引起咗爭議。

韓國外國語大學決定由今個月27號開始，對12人以下嘅的課題全部進行面對面教學。

學生有13位以上嘅課堂就會以單數學號同雙數學號咁樣隔一個禮拜輪流上堂，同時進行面授同埋非面授嘅課堂。

原本大學係計劃由13號開始實施呢個方法，但由於學生當中出現咗反對呢項政策嘅簽名運動等等嘅爭議，所以推遲咗實行時間。

韓國日報/韓國外國語大學

對於呢件事，韓國外大嘅學生會會長金娜賢(김나현)就表示「有近五千位學生參加咗反對擴大面對面授課方針嘅簽名運動」「爲咗防止校園太多人聚集嘅情況發生，校方應該畀學生喺面對面同非面授當中選擇自己鍾意嘅學習方式」。

唔單止係韓國外國語大學，韓國大部分大學都根據學校、專業、授課等採用唔同嘅教學方式，為大學生帶來咗唔少嘅混亂，學校同學生之間成日意見不合發生摩擦。

社會距離3階段→5階段

為咗應對持續不斷反覆、見唔到完結嘅盡頭嘅疫情，韓國政府都為咗呢場長期嘅戰爭，完善咗個社會距離保持體系。

11月1日發表嘅現有社會距離保持體系，由原本嘅3個階段增加到5個階段。 下面就簡單咁介紹一下現有嘅第3階段同新改編嘅第5階段有咩唔同。

現有嘅韓國社會距離保持體系就係好似下面個表一樣分爲1-2-3階段。

咁樣分爲3個階段嘅社會距離保持體制根據每一日嘅擴散趨勢，階段變化比較頻繁，相應嘅措施都唔同，所以韓國國民出現咗很多混亂。

唔單止係咁，由於太頻繁變更階段性措施，韓國嘅K房、網吧、體育設施等比較多人聚集嘅設施長期無辦法營業，好多人都因為咁而執笠或者失業。

因為呢啲情況，韓國政府將社會距離保持階段細分爲第1階段、1.5階段、第2階段、2.5階段、第3階段總共5個階段，希望可以緩解呢種混亂，建立符合「肺炎共存時代」(with Coronavirus)嘅可持續防疫體系。

新改編嘅社會五階段體系對社會經濟活動嘅限制有所放寬，當然戴口罩係喺所有階段都需要進行嘅義務，但係某一啲嘅設施終於可以營業。

根據改編咗嘅標準舉例，喺地區流行嘅第一階段（以2020年10月2日爲準，韓國相當於而家嘅第一階段），50%嘅觀衆可以入場，亦都可以隔一個座位進行聚會或者堂食。

見到政府精細咁將體制改編，韓國唔少人都表示「喺同肺炎病毒共存嘅時代，個人生活同防疫應該可以保持平衡。」對於呢個新制度評價好高。

今日就同大家介紹咗韓國冠狀病毒確診者嘅趨勢同社會現狀，希望可以幫到大家理解韓國目前疫情下嘅狀況。

如果大家有咩疑問都歡迎留言畀小編！

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購

其他延伸閱讀
韓國入境規則改	韓國防疫新做法