利用「Drive Thru」檢測病毒

利用「Drive Thru」檢測病毒，整個過程唔洗10分鐘就可以搞掂！

황요산

5 years ago

利用「Drive Thru」檢測病毒，整個過程唔洗10分鐘就可以搞掂！

哈囉，大家好，我哋係由韓國人話你知每日最新韓國資訊嘅Creatrip。

＃武漢肺炎＃韓國新聞
＃韓國確診＃新型肺炎
＃Drive Thru

武漢肺炎疫情而家喺多個國家蔓延，即到現時為止韓國已有4000多位確診者。

雖然韓國為第二多確診者國家，但佢哋並冇因為咁而失落，反而一直積極地去搵控制方法。

最近佢哋就推出咗以「Drive Thru」方式去檢測病毒，檢查時間只需10分鐘。

呢個方法一出，唔少網民都熱議，唔知大家又對點睇呢？

Creatrip亦為咗要嚟韓國旅行嘅大家著想，將持續更新相關新聞（點我），大家唔需要太過擔心同緊張，記住出門口一定要戴口罩同勤洗手！

「Drive Thru」原意就係大家唔需要落車，都可以揸住車買咖啡或快餐。

呢種方式一直喺外國都好流行，而最近韓國就採取呢個方法去幫市民檢疫。

檢測站由帳蓬臨時搭建，市民只需要喺車內接受檢查，而且檢查過程唔洗10分鐘就結束。

而喺呢10分鐘過程中，佢哋會分為3階段。

第一階段：喺等待過程中，會先由2位著住防疫衫嘅診斷人員為大家進行簡單流行病學調查，然後會幫大家量體溫，再將記錄會交比醫生判斷。

第二階段：同醫生進行簡單對答，對答過程中如果醫生發現有疑似病患者，會再將該人士分流去第三階段。

第三階段：再採取該人士嘅樣本去檢疫，詳細講解自我隔離需知同埋檢驗結果嘅通報方法。為咗預防二次感染，檢疫人員會為車輛徹底消毒後再放行。

利用「Drive Thru」檢測病毒，整個過程唔洗10分鐘就可以搞掂！

而家南韓各地區設有「Drive-thru」檢疫站，呢一方法大大減低檢測醫護人員同檢測者交叉感染機會。

相比一般傳統檢測過程完全係慳咗唔少時間，如果佢哋有發現疑似患者，更會將整個檢疫所重新消毒。

利用「Drive Thru」檢測病毒，整個過程唔洗10分鐘就可以搞掂！利用「Drive Thru」檢測病毒，整個過程唔洗10分鐘就可以搞掂！

呢個方法一出，唔少網民都大讚，韓國網民更係大力支持相關做法。

唔知之後其他受感染國家會唔會考慮以上方法呢？呢個方法大家又會點睇呢？