韓國農家嘅新商品
疫情+梅雨令農家大受損失！韓國大企業出手相救本地農家？推出特殊新品！
Hello，大家好，我哋係由韓國人話你知每日最新韓國資訊嘅Creatrip。
#韓國新品 #韓國美食
#韓國新聞 #農產品
新型冠狀肺炎肆虐，加上今年韓國落咗好長時間嘅梅雨，令到農業嚴重損失。
唔少韓國嘅食品公司都積極咁樣展開咗一連串幫助社會嘅相生活動。
小編一齊同大家睇下呢啲出名嘅食品公司出咗啲咩新品去推廣今次相生活動啦！
✨馬上Follow我哋IG
instagram.com/creatrip.hk
韓國食品公司出咗咩新品救救農業？
來源：LOTTE
第一波就由樂天聯同農協一齊推出新口味嘅百力支！
呢款百力支可以話係前所未有見過嘅味道，以利川出產嘅稻米為原料，推出咗「韓國米朱古力條」。
呢款百力支係喺餅乾上搽咗大米粉，同埋痴埋啲米粒上去，撕開包裝之後你可以感受到韓國米特有嘅香味，帶比消費者一個全新嘅感覺。
相關嘅人都表示，呢款新嘅百力支喺嚟緊嘅11/11 Pepero Day 反應應該會唔錯。
來源：本粥
除咗樂天之外，本粥都加入咗今次嘅相生活動，佢哋用忠清南道瑞山市出產嘅蒜頭，熬煮咗新品「六瓣蒜頭雞粥（6쪽마늘닭죽）」，利用濃郁嘅蒜頭熬煮成豐盛、香氣十足嘅雞肉粥，獲得唔少好評。
據了解，瑞山市嘅蒜因為喺梅雨季節嚴重失手，所以本粥就同瑞山市聯手計劃新Menu，而家已經喺本粥分店上市啦！
來源：Baskin Robbins
另外， Baskin Robbis 31雪糕都有參與今次嘅企劃。
佢哋就用咗薯仔，喺雪糕、飲品、蛋糕裡面都加咗芝士薯仔，透過濃密嘅薯仔蓬鬆嘅口感，將雪糕嘅新口味重新發揮到另外一個層次，引發咗一個新熱潮。
不倒翁（오뚜기）都配合咗白種元老師嘅菜單，喺佢哋旗下嘅公仔麵放咗雙倍嘅海帶，都算可以幫到因為早前梅雨造成大損失嘅蕎麥農戶。
蕎麥粉除咗可以做到江原道名產嘅蕎麥面之外，都可以做好好食嘅蕎麥煎餅。
來源：不倒翁
呢款「蕎麥煎餅餃子」係透過熟透嘅泡菜同埋蘿蔔，展現咗完美嘅蕎麥味煎餅。
佢哋都堅持唔用肉，希望用蔬菜同調味就可以突出煎餅嘅口感。
呢款餃子嘅整法都好簡單，只要將餃子放入氣炸鍋炸10分鐘就ok 㗎啦！
喺疫情底下，雖然大家都冇得嚟韓國消費，造成咗唔少商家嘅經濟損失。
不過，唔同嘅大企業都有推出新品，相信大家都可以喺疫情肆虐嘅情況下，一齊跨過難關！
✨馬上Follow我哋IG
instagram.com/creatrip.hk
| 其他延伸閱讀 | |
 韓國魚板由來 |  韓國泡菜由來 |