韓國嘅魚板係點嚟？
原來魚板同魚糕係唔同㗎！魚板其實係咪關東煮？一齊探索魚板嘅來源！
Hello，大家好，我哋係由韓國人話你知每日最新韓國資訊嘅Creatrip。
＃韓國魚板 ＃韓國魚糕
＃歷史發展 ＃韓國魚板由來
大家仲記唔記得冬天嚟韓國嘅時候一定要食熱辣辣嘅魚糕呢？
呢啲魚糕一串1000won，你買一串阿豬媽就會就會畀一杯熱辣辣嘅魚糕湯你。
不過，大家又知唔知道原來魚糕同魚板係唔同嘅呢？我哋一齊嚟睇下有咩分別啦！
✨馬上Follow我哋IG
instagram.com/creatrip.hk
魚板嘅韓文
魚板係將魚肉攪碎，然後加入麵粉，然後用竹籤串起，再用中高火熬煮出嚟嘅韓國料理。
而喺韓文當中，魚板有分兩種叫法，一種係經常聽到嘅오뎅（O-Deng），而另外一種就係어묵（Eo-Muk）。
其實呢兩種係有分別嘅，어묵（Eo-Muk）係將魚肉搞碎，加入其他嘢一齊搞成嘅「魚糕」，而魚板 오뎅（O-Deng）就係由日本文演變出嚟，係串成一串嘅長扁型嘅，都會同其他蔬菜、雞蛋等等一齊煮。
不過其實呢十幾年嚟，好多人都係叫오뎅（O-Deng）為主，都冇再將魚板同魚糕分開叫。
오뎅（O-Deng）其實係同日本關東煮有關，相傳當初被稱為「田楽（でんがく/ Deng-Ga-Ku）」嘅日本料理係將豆腐切成長條型，再搽一啲味噌去烤，所以韓國一開頭都參考咗呢個做法。
呢類串成長條形嘅「田楽」料理其實同日本農業有關，因為「田楽」嘅形狀同祈願豐收、農夫跳舞嘅樣好似，符合咗漢字「田」同埋「樂」嘅形象。
雖然有啲無厘頭，但相傳當年平安時代嘅女官講嘢會加個「O」為發音，所以就叫做「O-Deng」啦！
魚板嘅發展由來
頭先講到오뎅（O-Deng）係由日文發展的單字，而其實魚板早喺韓國（朝鮮時代）、日本（平安時代）、中國（秦朝）已經有，但如果要講到呢一類將魚肉攪碎，整成固定形狀嘅料理手法，就可以追溯去西元前三世紀嘅秦朝。
據說當時秦始皇好鍾意食魚，但因為處理魚骨好麻煩，每次都要廚師做魚料理畀秦始皇食到有骨嘅話，佢就會下令處死廚師，令當時嘅人都好大壓力！
而相傳有位廚師因為壓力過大，用刀將魚剁爛，之後用剁碎咗嘅魚肉搓成一舊舊，或者做成湯比畀秦始皇，之後得到好好嘅評價。
而呢個料理方式傳到民間，就係魚丸嘅由來。
點解韓國人鍾意食魚板？
點解魚板同魚糕會變成韓國咁出名嘅平民小食呢？
有種講法就係喺日本殖民時期，釜山、木浦、南海呢啲地方有好多日本人住，嗰度嘅人好多時都會整魚丸，所以當時當地嘅人就會成日煮。
而韓國脫離咗日本獨立之後，呢類魚丸、魚糕嘅料理都依然存在，亦成為咗釜山嘅代表美食。
另外都有個講法就係因為韓戰之後，韓國嘅糧食唔夠，大多數嘅人都只係可以食菜，所以冇足夠嘅蛋白質。
不過比起肉類，魚唔單止平啲，仲可以幫助補充蛋白質，所以成為咗韓國人永遠難忘嘅美食。
以上就係韓國魚板嘅起源，唔知大家依家分唔分到魚糕同魚板嘅分別呢？
如果大家有其他韓國美食嘅歷史 起源想知嘅，都歡迎留言話比畀小編知啊！
✨馬上Follow我哋IG
instagram.com/creatrip.hk
| 其他延伸閱讀 | |
 汗蒸幕必做嘅事 |  布帳馬車懶人包 |