韓國大熱1200卡減肥法
減肥竟然可以飽住減？韓國大熱1200卡路里減肥法！
Hello，大家好，我哋係由韓國人話你知每日最新資訊嘅Creatrip。
#韓國文化 #韓星減肥
#韓國大熱1200卡減肥法
大家係咪成日都喺度諗：「點解啲韓妹可以食極唔肥，越食越瘦㗎？」
又或者大家係咪覺得一旦下定決心要減肥嘅話，就一定冇啖好食，要日日捱餓呢？
如果你係咁諗就大錯特錯啦！其實只要掌握到1200卡減肥法，你就可以越食越瘦，飽住減肥！
等小編同大家分享三款韓國人，最鍾意嘅1200卡減肥法嘅餐單啦！
✨馬上Follow我哋IG
instagram.com/creatrip.hk
韓國大熱1200卡減肥法
其實唔只係韓國藝人，唔少韓國一般職場人，學生，又或者係生完BB想修身嘅媽媽，佢哋急住想要減肥嘅話都會用1200卡路里嘅減肥法！
其實主要係因為二十歲以上嘅女性，平均一日嘅卡路里攝取量係大約2000卡左右。
如果想減肥嘅話，只要比正常攝取量吸收少大約800卡路里咗有，就可以有效減肥！
咁究竟喺韓國食啲咩係等於1200卡路里呢？
1200卡路里有啲咩食？
唔講唔知，原來一份一人份量嘅菜包肉已經係有1200卡路里。
其實係相等於兩份蛋包飯同四碗飯咁多。
所以其實如果你一餐已經食咗一份菜包肉，但你又想減肥嘅話就唔可以再食第二三餐，所以相對地就會肚餓！
不過如果你識揀嘢食，揀返啲低卡而又有飽肚感嘅嘢食嘅話，咁就可以食足三餐飽㗎啦！
食咩可以飽住瘦？
喺韓國綜藝節目〈 Fashion N 〉裡面，唔少減過肥嘅女藝人都分享過佢哋嘅減肥餐單。
當中最熱門嘅就係每餐食一個蕃薯，一個拳頭咁大嘅雞胸肉同埋一杯牛奶。
呢啲食物主要都係以高蛋白同埋低卡路里為主，可以幫助補從足夠嘅營養之餘又飽肚！
不過唔少人都會覺得只係食呢啲會淡而無味，又冇咩口感！
不過唔洗怕，其實韓國有超級多低卡飯盒，怕冇味嘅你可以睇下以下呢啲！
韓式低卡飯盒
近年，韓國都好流行呢啲即食營養餐，呢款就係Pocket Dosirak 嘅即食低卡營養飯盒。
呢啲營養餐唔單只顏色靚，一盒裡面有齊曬蔬菜、肉類同埋飯。
呢啲健康餐嘅種類都算多，總共有12款。
呢12款有唔同嘅料理喺入面，每款都係大約200幾卡路里，最高嘅都唔超過340卡！
買完返嚟放喺雪櫃，食之前攞出嚟叮一叮就搞掂，有咗佢哋完全唔洗買餸都得啊！
Pocket Dosirak嘅官網就建議如果想diet減肥嘅話，就可以一次買一set，一星期每日食兩盒代兩餐，最後一日就可以食返你自己想食嘅。
一set 12盒先係 KRW 39800 （大約 HKD270），除返開先係港幣$22.5 一餐，真係好抵！
以上就同大家介紹咗韓國大熱嘅1200卡減肥法，如果大家都有興趣keep fit 嘅話都可以參考一下啊！
✨馬上Follow我哋IG
instagram.com/creatrip.hk
其他延伸閱讀 | |
 韓星減肥名言 |  韓星減肥餐單 |