韓星減肥名言
減肥唔好再只得把口！韓星減肥名言，記住之後要時時提醒自己！
Hello，大家好，我哋係由韓國人每日提供最新韓國資訊嘅Creatrip。
唔知大家有冇試過，每次話要減肥，好多時都係得把口講，而冇做到呢？ 以為韓星個個天生都係瘦？其實佢哋係背後落咗唔少功夫。 今年夏天想以新面目見人，而家開始減仲嚟得切！ 每次想放棄嘅時候，不妨打開呢篇文嚟提醒吓自己啦！
韓星減肥名言
1. BTS - JIMIN
매일경제
如果係A.R.M.Y嘅你，應該都記得Jimin一開始出道嘅時候，係有少少肉地，而家大家成日見到佢嘅腹肌，佢係用咗唔少心機去練出嚟。至於點練，佢嘅名言，真係好中小編心，每次一諗起，已經解決到個問題，如果係成日會口痕嘅你，呢句應該好啱大家。
韓文版本：먹을까 말까 고민이 된다면, 먹지 마라
中文版本：仲苦惱緊要食唔係嘅時候，就唔好食啦！
2. WINNER - MINO
노컷뉴스
相信大家都有聽過，好多時肥仔或肥妹都係潛力股，的確MINO係中學時期，曾經都係一位有肉地嘅青年，而家大家見到佢咁瘦同有魅力，全因靠佢嘅金句，如果係真心想扚起心肝去減肥，呢句超啱大家。
韓文版本：5분동안 먹은거 5일동안 빼야 해
中文版本：食5分鐘要用5日去減
3. Block B - P.O
뉴스드림
同MINO係好朋友嘅P.O，曾經都肥過，佢兩個曾經為咗可以出道，成為HipHop團隊一齊話要減肥。好記得之前P.O有上綜藝節目《認識的哥哥》爆料話：「同MINO明明約好一齊減肥，有次去汗蒸幕，因為我用過度激烈方式去減肥，所以暈底咗，點知醒返嘅時候，MINO竟然喺我隔離食雞蛋，個一刻真係覺得有俾人背叛嘅感覺。 」點知MINO比粒雞蛋佢，佢就即刻唔嬲，小編睇到嗰part真係笑到喊出嚟哈哈，雖然嗰一刻會覺得有背叛嘅感覺，但最終佢哋都減肥成功。所以話想要減肥，搵個伴一齊減會更有動力。
韓文版本：기분이 식성이 되지말자
中文版本：唔好將心情或情緒，成為你嘅生活習慣
4. MAMAMOO - 頌樂
韓文版本：죽을 것 같지만 죽지 않습니다
中文版本：以為會就死，但其實唔會死
5. 秀智
매일경제
唔知大家會唔會喺瞓之前，有時候會口痕想食嘢呢？大家只要記住秀智呢句名言，一定可以減到肥，肚餓就去訓，唔單止可以慳到零食錢，同時仲可以對個胃好啲，一舉兩得！
韓文版本：배고플 때 자라 속지 말고 자라
中文版本：肚餓嘅時候就去訓，唔好俾個胃呃到
6. Red Velvet - Joy
이데일리
成日覺得唔食曬好浪費，所以每次食完少少再食少少唔肥都難，所以如果下次出去食飯，大家可以試吓講要少啲飯或麵，一嚟唔會做大嘥鬼，二嚟亦都可以減肥。
韓文版本：음식이 아깝다고 생각하지 말고, 네 몸이 아깝다고 생각해라
中文版本：覺得食物浪費好可惜，咁你身體身體仲可惜
7. 金思朗
스카이테일리
韓文版本：세끼 다 먹으면 살쪄요
中文版本：一日食3餐緊係會肥
8. TWICE - SANA
이데일리
雖然聽落去簡單，但要做到真係好難，越好食嘅嘢，又真係點食都唔會厭，就算明知係同一個味，但都會難以抗拒，SANA嘅呢一句，真係簡以精，但要做到嘅，對小編嚟講實咗太難啦。
韓文版本：먹어봤자 이미 아는 맛이다
中文版本：反正已經知道係咩味，有必要再食咩
雖然好多都係聽落去簡單，但做就難嘅名言，但只要大家堅持落去，就一定可以瘦身成功！
如果有更多想知嘅內容，都可以隨時留言或者dm話俾我哋知：）
Instagram：creatrip.hk