韓星減肥餐單
「而家唔努力，夏天徒傷悲」！佢哋都肥過？快啲跟住五位韓星嘅減肥餐單食啦！
哈囉，大家好，我哋係由韓國人話你知每日最新韓國資訊嘅Creatrip。
#韓星 #減肥
#就嚟夏天係時候要減肥
#再唔減啲肉就bit哂出嚟
大家成日睇韓星，有冇諗過佢哋點解個個都可以咁瘦？
唔通韓國人天生就係瘦底？食極都唔肥？
梗係唔係啦！佢哋係減肥方面，可以話真係落唔少功夫。
今日小編就整理出，韓國人最鍾意跟嘅5位韓星減肥餐單，大家都開始為夏天做足準備啦！
✨馬上Follow我哋IG
instagram.com/creatrip.hk
韓星減肥餐單
1. IU
第一位要為大家介紹嘅就係我哋滿月社長啦！IU可以話係咁多明星入面，減肥最成功嘅一位。
唔少韓國人想短期內成功減肥都係跟住佢食譜，仲有啲韓國YouTuber都親自拍片話畀大家知有冇效。
當然佢嘅餐單係有啲料到，5日就已經減咗4.4KG！
一開始出道冇耐，IU仲係有少少Baby Fat，不過而家睇落去，已經成熟咗好多，仲有一陣女人味添！
IG: teongjang_kk
IU減肥食譜：早餐一個蘋果，午餐一個蕃薯，晚餐一杯蛋白質奶昔。
如果大家想喺短期內成功減肥，IU食譜真係最有效！
2. 秀智
國民女神秀智可以成為「男神收割氣」可以話真係落唔少功夫。
樣靚唔再講，可以一直保持完美體態真係唔簡單。
佢基本上每拍一套戲，都係同男神一齊拍，真係羨慕死人。
其實.....秀智喺一開始出道早期都有肥過㗎！
仲好記得小編認識秀智，係因為睇Dream High，唔知大家又有冇睇過呢？
當時仲係有啲Baby Fat，不過而家完全係女神，話佢肥過可能都冇人信...
秀智減肥食譜：早餐一個蕃薯+雞胸肉+低脂肪牛奶，午餐一個玄米飯+沙律，晚餐兩個蕃薯。
同IU食譜相比，秀智呢個可以話係豐富得多！食得多又唔易肥，完成啱哂小編心水！
3. 韶宥
如果香港容祖兒係情歌天后，咁韓國一定係非韶宥莫屬。
佢嘅鼻音式唱歌方式真係令人聽出耳油，就算點練都好難唱得好似佢咁好。
佢每一首情歌，真係聽極都唔會厭！
韶宥曾經講過，佢為咗可以成功減肥，喺屋企基本上都唔著衫，為嘅係要警惕自己唔好再肥落去。
最犀利嘅地方係，佢試過一個月減8kg，之前仲做埋減肥藥代言人添！
韶宥減肥食譜：早餐一個蕃薯，午餐3隻雞蛋+一塊麵包，晚餐3嚿紫菜包飯。
呢個食譜都算簡單，但晚餐只得3嚿紫菜包飯好似真係殘忍咗啲: (
4. 姜素拉
姜素拉嘅每一套戲，小編都有追，可以話係佢忠實fans。
唔單止樣靚，佢拍嘅戲每一套都冇得頂！完全係小編杯茶。
姜素拉本身唔係天生瘦，佢算係易水腫體質。
但佢靠後天嘅努力足足由72kg減到48kg。
之前仲同過玄彬拍拖，真係令唔少人羨慕。
姜素拉減肥食譜：早餐一個蘋果+乳酪，午餐1碗南瓜粥+韓餐(以疏菜+玄米飯為主)，晚餐一個蕃薯+西生菜+一塊麵包。
食譜睇落去都算易挑戰，而且所有食物都係小編至愛，跟住減肥應該會算係輕鬆。
5. 姜敏京
講到韓國女子組合，雖然有好多新人，但小編年紀始終都有啲....
所以如果問小編最鍾意邊對，我會答大家係Davichi，無論新歌定舊歌都好，都會聽出耳油。
同時小編每一次去唱K，一定會點佢哋嘅歌！佢哋首「8282」直到而家都仲喺熱唱榜度。
可能小編私心鍾意佢，所以無論佢肥定瘦，都一樣係咁靚: )
姜敏京減肥食譜：早餐一個蕃薯+低脂肪牛奶+雞胸肉沙律，午餐兩個蕃薯+一個蘋果，晚餐一個蕃薯+低脂肪牛奶+三粒車厘茄 。
食譜睇落去都算易挑戰，而且所有食物都係小編至愛，跟住減肥應該會算係輕鬆。
唔知大家睇完5位韓星減肥餐單，又會想挑戰邊款呢？
不過大家都要記得，想瘦除咗食方面要戒口之外，定時都要做運動啊！
✨馬上Follow我哋IG
instagram.com/creatrip.hk
其他延伸閱讀 | |
 韓星YouTuber |  8位韓星童年相 |