Hello，大家好，我哋係由韓國人話你知每日最新韓國資訊嘅Creatrip。
＃韓國部隊鍋＃歷史
＃發展＃由來＃文化
由火腿、香腸、泡菜、同埋蔬菜一齊整成嘅部隊鍋吸引咗好多韓國人喺秋冬嘅時候食。
因為有個爐滾住，食落就會暖笠笠！不過，你哋又知唔知道部隊鍋嘅由來其實係滿懷住韓國悲傷嘅事呢？等小編同大家一齊睇吓啦！
✨馬上Follow我哋IG
instagram.com/creatrip.hk
部隊鍋嘅歷史？
1945年嘅時候，第二次世界大戰啱啱結束，朝鮮半島以北緯38度先分咗被蘇聯同埋美國佔領。
而喺1950年嘅時候又爆發左韓戰，係世界上最慘烈嘅戰爭之一，世界上好多聯盟都有參戰，造成死傷無數，嗰陣時靠近打仗場地嘅議政府市就有好多美軍喺度駐守。
當時南韓嘅經濟唔好，全國都處於復原階段，所有人嘅生活都非常之艱苦。
當時物資亦都唔多，肉類都好貴，所以當時嘅人主要都係靠香腸或者午餐肉罐頭嚟補充蛋白質。
有一種講法就係因為美軍紮營基地附近嘅小市集都好容易買到罐頭，所以呢啲食物就成為咗佢哋嘅主要食糧。
不過，當時嘅韓國人就覺得雖然呢啲係肉類，但食起嚟都唔似係肉，所以佢哋就加入辣椒醬一齊煮，除咗可以去除啲油膩嘅味之外食落都唔會咁空虛。
其實一開頭嘅部隊鍋係韓國米酒嘅下酒菜，裏面主要有腸仔、火腿、生菜、同埋洋蔥，然後加入辣椒醬同埋泡菜煮食嘅湯。
部隊鍋點樣煮？
隨住時代嘅變化，部隊鍋都脫離咗呢一個悲傷嘅歷史，好多韓國人都會食呢一道菜，所以成為咗韓國最普遍嘅料理。
而其實整部隊鍋好簡單，大家都可以參考吓以下呢個製作方法。
部隊鍋材料
 |  |
來源：NAVER
香腸五條、肉絲、火腿、午餐肉適量
泡菜150克、洋蔥¼個、豆腐、昆布、即食麵、蔥、辣椒醬、辣椒粉
來源：NAVER
首先將昆布擺入去鍋裏面然後落啲水，然後將所有材料設成片狀，切到適合嘅大細就可以放落個鍋度。
如果想煮麵嘅話就要落多啲水，然後可以加入兩羹辣椒粉、一羹豉油、一羹辣椒醬、少少鹽同埋胡椒粉然後將佢哋撈埋一齊，等佢哋滾咗就食得㗎啦！
部隊鍋有唔同嘅味？
其實唔同地方嘅部隊鍋都會有唔同嘅味道。
例如議政府市嘅部隊鍋一條街就會有議政府式部隊鍋，同埋松炭式部隊鍋兩種。
議政府式嘅部隊鍋主要係用肉類熬煮個湯為主。
而松炭式嘅部隊鍋就會放好多香腸同埋火腿同埋會加埋芝士一齊煮，所以個湯嘅味會比較濃啲！
唔知大家睇完之後會唔會對部隊鍋有更加多嘅認識呢？如果大家都掛住部隊鍋嘅味道，就可以喺屋企自己煮返餐啦！
✨馬上Follow我哋IG
instagram.com/creatrip.hk
| 其他延伸閱讀 | |
 韓國魚板由來 |  韓國泡菜由來 |
