粉紅波波草係有害植物？
粉紅波波草係有害植物？唔通以後冇得再嚟韓國睇波波草打卡影相？
Hello，大家好，我哋係由韓國人話你知每日最新韓國資訊嘅Creatrip。
＃韓國花季 ＃有害植物
＃韓國粉紅波波草 ＃韓國亂子草
韓國已經踏入咗秋季一段時間，而喺呢段期間都吸引咗唔少人去唔同嘅公園同當季嘅花影相。
秋季除咗芒草、波斯菊等等之外，其中最受人歡迎嘅就係粉紅波波草！
因為佢係粉紅色，受到唔少女仔嘅愛戴，個個都想去影相留個紀念！
不過，唔知大家知唔知道原來呢啲粉紅波波草原來係一種有害嘅植物嚟呢？
✨馬上Follow我哋IG
instagram.com/creatrip.hk
粉紅波波草係有害植物？
粉紅波波草本來係喺美國中部同埋西部嘅平原種植嘅植物，世界各地嘅人都係為咗造景所以種佢哋。
因為呢種粉紅波波草盛開嘅時候，會有一大片啖粉紅色，加上有好似棉花糖嘅蓬鬆感，所以喺SNS上面都瘋狂流傳。
由近幾年開始，粉紅波波草嘅數量越嚟越多，唔單止係旅遊聖地，就算係一啲比較鄉間嘅地方都會出現佢嘅身影。
不過根據調查，韓國嘅環境保護部都指出，原來粉紅亂子草係其中一種對環境有害嘅植物！
環境部日前向國會環境勞動委員會提交資料，原來喺2019年12月開始，粉紅波波草已經被指定為「危害性第二級」，所以環境部都勸喻唔同嘅團體唔好繼續種呢種植物。
其實韓國生態系統干擾係分成三個等級，而一級就係最危險嘅！
而家粉紅波波草被評為二級，所以都要持續觀察呢種植物對生態系統會造成幾大影響。
目前全韓國一共有37個地方都喺度種緊粉紅波波草，到而家都未確定有冇野外自然發育種。
不過，環境部都強調如果生態系統因為呢啲粉紅波波草遭受到破壞嘅話，可能要用大量資金去恢復，所以最好都係唔好再比呢種植物繼續擴散。
因為SNS嘅威力，令到粉紅波波草喺韓國各地都有佢嘅蹤影。
由2017年得6個景點有，到而家已經有30幾個景點可以睇到波波草。
唔知大家知道咗呢啲粉紅波波草係有害植物之後，會唔會令你哋卻步唔再去打卡影相呢？
歡迎大家留言同小編分享一下你嘅意見啊！
✨馬上Follow我哋IG
instagram.com/creatrip.hk
| 其他延伸閱讀 | |
 去露營必做嘅事 |  「紫色之島」探訪 |