韓國人露營必做五件事
韓國人好鍾意去露營㗎 ！你哋又知唔知佢哋露營必做嘅五件事？
Hello，大家好，我哋係由韓國人每日提供最新韓國旅行資訊嘅Creatrip。
韓國人放假好鍾意去露營㗎！佢哋去露營嘅時候都一定會做下面呢五樣嘢，你哋又知唔知係乜嘢呢？等小編今日話俾大家知啦！
韓國露營流行趨勢
有唔少嘅韓國人放假嘅時候都會選擇喺國內去郊外露營，放鬆一吓，加上去到郊外可以呼吸道新鮮嘅空氣，相對市區又冇咁多人，絕對係一個疫情下放假嘅好去處！另外佢哋去露營嘅時候真係好俾心機計劃同埋做佈置，甚至而家好多人會將架車變成一張床，喺露營嘅時候夜晚可以瞓係入面，咁就唔使喺帳幕瞓地下咁唔舒服。
你都想體驗吓？
韓國人露營必做五件事
1.BBQ
大家嚟韓國旅行都一定會食韓燒㗎啦！韓國人真係餐餐食烤肉都唔會厭，好多時佢哋一大班人聚餐嘅時候都會選擇食燒肉，所以喺去露營嘅時候都一定會烤肉或者烤海鮮。就算露營場冇提供到工具俾佢哋，佢哋都會自己帶埋工具套裝去㗎！喺露營嘅時候，可以喺郊外一齊生火BBQ，成個氣氛真係好正！
2.煮公仔麵
除咗燒肉，相信大家都知道韓國嘅公仔麵好出名，甚至成日都會出新款，就連平時喺漢江公園野餐都會煮拉麵食，所以佢哋係去露營嘅時候都一定會食拉麵，只要喺燒肉個烤盤上面放一個錫紙兜，加啲水就可以煮到一個香噴噴嘅公仔麵！
3.睇戲
去露營係郊外冇其他娛樂活動嘅時候，佢哋都會自備一個迷你投影機同埋帶埋可以收納嘅螢幕去睇戲。如果咁啱架車係白色嘅話，連螢幕都唔需要帶添啊！直接將畫面投射喺白色嘅車身上面，就可以將車身瞬間變成睇戲用嘅大畫面。
4.睇星星
韓國地方大，喺郊外都有好多唔同嘅露營場。去到郊外呢啲咁廣闊嘅空間，周圍冇咗高樓大廈，有冇咁多車來往，天空嘅能見度相對都會比較高，所以去露營嗰陣，夜晚臨瞓之前瞓喺度抬頭望住個天，都會睇到唔少嘅星星。如果好運嘅話，甚至會睇到流星添！
5.影相
去到郊外大自然咁靚嘅地方，一定要影返張相留念啦！加上韓國人喺去露營嘅時候都會帶備好多唔同嘅裝飾品，好用心咁去佈置佢哋嘅帳幕或者車，全部都搖身一變成為「打卡位」，所以影相一定係必備嘅環節。除此之外，佢哋仲會襯好晒情侶衫/睡衣，係影相出嚟嘅時候令到個畫面更加靚！
睇到呢度唔知大家又有冇心郁郁想去露營呢！而家香港都有唔少嘅露營場可以預約去玩，如果大家有興趣都可以上網搵吓資料！不過記住去露營嘅時候，都要好似韓國人咁做齊以上呢五樣嘢啊！
想租返架露營車玩2日1夜？
如果有更多想知嘅內容，都可以隨時留言或者dm話俾我哋知：）
Instagram：creatrip.hk