Hello，大家好，我哋係由韓國人話你知每日最新資訊嘅Creatrip。
#超人回來了 #威本兄弟
#Sam Hammingtion瘦身成功
減肥之路一直都係唔簡單嘅事，但超人回來了威本兄弟嘅爸爸竟然捱過去減咗超過30公斤！真係令人佩服啊！
一齊睇下威本爸爸究竟點樣脫胎換骨啦！
✨馬上Follow我哋IG
instagram.com/creatrip.hk
威本兄弟換老豆？
澳洲籍韓國藝人 Sam Hammington，因為兩個仔仔William同埋Bentely因而受到全球關注。
一開頭Sam爸爸好似巨人咁樣非常之重，所以其實一開頭佢都有參加過節目舉辦嘅一啲減肥活動，但一開頭效果都唔算持久，仲好快反彈添！
不過最近佢就公布咗同減肥診所合作，並正式展開一系列嘅減肥療程同埋on diet，早前喺四個禮拜內已經成功減咗14 kg， 效果真係好驚人啊！
Sam早前喺社交平台分享：「之前因為太攰所以放棄咗減肥，所以最重嘅時候高達120 kg，但係慢慢覺得咁樣嘅話身體會變差，最終影響嘅都係自己。」、「特別係自己仲要養兩個仔仔嘅時候，覺得咁樣咁肥展現係佢哋面前好似唔係咁好，我想一家人都幸福咁樣生活落去所以就想減肥啦。」
減咗14 kg之後，佢都冇放棄仲繼續展開第二輪減肥添！
目前佢已經順利減咗30 kg，順利咁樣變返20幾歲嘅時候嘅體重，簡直係兩個人一樣啊！
為咗營造一個更乾淨俐落嘅形象，佢仲剃曬鬚添，唔少網民都好鍾意佢呢一個新形象！
最後佢都畀咗一啲小貼士大家，如果想瘦身成功一定要注意呢兩樣嘢。
第一就係要注意飲食習慣，一定要養成準時食飯嘅習慣，選食材方面都好重要，糙米飯永遠係比白飯好。
第二樣嘢一定係要早睡早起，有足夠嘅休息先可以減肥成功啊！
✨馬上Follow我哋IG
instagram.com/creatrip.hk
| 其他延伸閱讀 | |
 韓星減肥餐單 |  韓星減肥名言 |