2022 Netflix韓國原創系列整理
最新Netflix上映嘅韓劇都會成為熱話，今年有24套韓劇都值得期待！
Hello，大家好，我哋係由韓國人每日提供最新韓國旅行資訊嘅Creatrip。
喺舊年年底，Netflix宣布將投資韓國5,500億韓幣，以令更多韓國影視頂尖作品喺全球Netflix播出，由先前好多韓劇獨家喺Netflix播出就可略窺一二，唔少作品都係Netflix出資開拍，韓國將成為亞洲市場發展重心。
喺2021年至到今時今日，Netflix已經上映咗《我是遺物整理師》、《屍戰朝鮮：雅信傳》、《明天不要來》、《D.P：逃兵追緝令》、《魷魚遊戲》等等原創戲劇，每一部都獲得相當高評價。而家就等小編為大家介紹2022年，Netflix會有咩原創韓劇、韓國電影甚至綜藝會上架！
2022 Netflix韓國原創系列整理
1. 殭屍校園（지금 우리 학교는）
- 主演：尹燦榮、朴智厚、趙怡賢、朴所羅門、劉仁秀
- 時間：2022年1月28號
- 集數：12集
由韓國網路漫畫改編而成Netflix新劇《殭屍校園》，確定喺2022年1月上架。呢套劇講述著被喪屍病毒肆虐嘅高中，學生們合力想逃出去嘅故事。不過喺無路可逃嘅學校入面，呢啲學生之間關係會點決定彼此生與死呢？唔知大家對呢類題材又期唔期待呢？
2. 解禁男女（모럴센스）
- 主演：徐玄、李濬榮
- 時間：2022年2月11號
- 集數：1集（電影）
浪漫韓國電影《解禁男女》，講述女主角誤收有SM性癖好嘅男主角包裹，引發一連串愛情故事。嚟緊2月11號會透過Netflix喺全世界上架，各位fans係唔係都相當期待呢？
3. 氣象廳的人們 : 社內戀愛殘酷史篇（기상청 사람들: 사내연애 잔혹사 편）
- 主演：朴敏英、宋江、尹博、Yura
- 時間：2022年2月12號、逢星前六、日更新
- 集數：16集
劇入面朴敏英係飾演精明幹練嘅女強人，無論係工作態度定係愛情方面都係理直氣壯，唔會妥協。而宋江係飾演一位高智商嘅純真男人，令人好期待到底佢哋會擦出咩火花呢？
4. 二十五，二十一（스물다섯 스물하나）
- 主演：金泰梨、南柱赫、苞娜、崔顯旭、李柱民
- 時間：2022年2月12號、逢星期六、日更新
- 集數：16集
同《氣象廳》打對台，金泰梨、南柱赫新劇《二十五，二十一》都會喺Netflix同步上架，體育記者同女擊劍選手相遇，用咗好幾年時間去理解青春同人生，後嚟相愛嘅故事，只係睇劇照就好有復古感，令人好期待！
5. 三十九（서른, 아홉）
- 主演：孫藝真、田美都、金智賢
- 時間：2022年2月16號、逢星期三、四更新
- 集數：12集
皮膚科院長、演技老師、化妝品店經理，三位女性即將要踏入40代，彼此深刻友情、愛情同生活，唔知會擦出啲咩火花呢？
6. 社內相親（사내맞선）
- 主演：安孝燮、金世正、金旻奎、薛仁雅
- 時間：2022年2月21號、逢星期一、二更新
- 集數：12集
代替朋友去相睇，為咗拒絕對方一直諗盡辦法，而且做咗好多衰嘢，希望俾對方一個壞印象，點知到後嚟先知相睇嘅對象係自己公司嘅社長，聽落係咪都覺得好搞笑呢？小編個人都幾期待呢一套戲！
7. 少年法庭（소년심판）
- 主演：金憓秀、金武烈、李聖旻
- 時間：2022年2月25號
- 集數：10集
以韓劇《信號》再次演藝高峰嘅金憓秀，參與Netflix原創戲劇《少年法庭》演出，同金武烈、李聖旻同台，由預告就可以睇得出《少年法庭》韓國法律對於青少年保護，導致犯罪年齡層下降嘅扭曲現象。
8. 還有明天（내일）
- 主演：金喜善、路雲、李洙赫、尹志溫
- 時間：2022年3月
- 集數：16集（逐集更新）
改編自同名網路漫畫，Netflix新劇《還有明天》講述陰間使者失誤，令到「俊雄」陷入昏迷狀態，成為「既唔係人類，又唔係死人」狀態。原著係非常溫暖、療癒人心作品，唔知道路雲喺繼《戀慕》之後，會再帶嚟點樣嘅新驚喜呢？
9. Celeb Five會議中（셀럽은 회의 중）
- 出演：Celeb Five
- 類型：真人show
由韓國搞笑藝人組成嘅女團「Celeb Five」，出道就已經引嚟唔少韓國人熱烈迴響，四人都有獨特個性同魅力，嚟緊會出演2022年Netflix原創實境秀《Celeb Five會議中》，究竟成員喺表演前嘅會議，會有幾搞笑呢？
10. 夜叉：浴血諜戰（야차）
- 主演：薛耿求、朴海秀、梁東根、李伊、宋再臨、朴珍榮
- 集數：1集（電影）
曾經去過台灣取景嘅韓國電影《夜叉：浴血諜戰》，講述代號為「夜叉」嘅潛伏者，喺海外同當地韓國高層對立，但又需要尋找失蹤人士嘅故事。喺2019年已經完成拍攝，2022年確定將由Netflix上獨家播出。
11. 魔幻之音（안나라수마나라）
- 主演：池昌旭、崔成恩、黃寅燁
- 集數：6集
由池昌旭、崔成恩、黃寅燁主演嘅Netflix原創系列《魔幻之音》，講述想要變成大人嘅少女，同想做返小朋友魔術師之間發生嘅細膩故事。
12. 救命卡特（카터）
- 主演：周元
- 集數：1集（電影）
喺異地醒來嘅卡特，完全諗唔起自己真實身分，失去記憶嘅佢只可以跟從指示，投身喺任務當中。在咁混亂嘅情況下，對於自己身分同任務真實性質疑，將透過周元展現高強度武打情節，以及令人期待嘅內心戲嚟展現。
13. 紙房子：兩韓統一篇（종이의 집: 공동경제구역）
- 主演：劉智泰、金侖珍、朴海秀
- 集數：12集
Netflix將西班牙影集《紙房子》翻拍韓國版本，以朝鮮半島為背景，開始聞所未聞搶劫。原著已經喺全世界引發熱潮，究竟Netflix韓國版可唔可以再創「K-原創」系列顛峰呢？
14. 再婚上流（블랙의 신부）
- 主演：金喜善、李賢旭、鄭釉珍、朴勳、車智妍
- 類型：韓劇
為咗可以同上流階層結婚嘅女子，投身婚友社幫助，想盡辦法去脫單。
15. 極速首爾（서울대작전）
- 主演：劉亞仁、高庚杓、李奎炯、朴柱炫、邕聖祐
- 集數：1集（電影）
Netflix原創電影《極速首爾》集結強大演員，講述1988年漢城奧運會期間，一班車手為咗追查秘密資金，嚟咗一場驚天動地追逐賽。
16. 天外謎蹤（글리치）
- 主演：全汝彬、Nana、李東輝、劉慶秀
- 集數：10集
Netflix韓劇《天外迷蹤》係一套神奇科幻片，講述男友因不明光線而消失，女友喺UFO同好會協助下，接近神祕真相故事，聽落都幾有趣。
17. The Accidental Narco(WT)*蘇利南（수리남）
- 主演：河正宇、黃晸珉、朴海秀、趙宇鎮、柳演錫、張震
- 集數：6集
最初消息《蘇利南》只會喺有線台tvN播出，主要出演電影居多嘅河正宇，時隔13年終於要回歸小螢幕，令唔少fans都好期待。不過《蘇利南》拍攝一波三折，因為取景地為海外多米尼加共和國，受到疫情影響而無限期延後，但製作組早已用咗400億韓幣製作。劇情係喺南美國家「蘇利南」中，以成為毒品之王嘅韓國人真實故事進行改編。
18. 20世紀少女（20세기 소녀）
- 主演：金裕貞、邊佑錫、朴柾佑、盧侖㥠
- 集數：1集（電影）
為咗幫助閨蜜嘅愛情，佢決定幫手觀察睇男主角一舉一動。雖然一開始以友情為出發點，但愛情總係無意間萌芽。喺友情同愛情之間，佢會點揀呢？
19. 命定之人（썸바디）
- 主演：金英光、姜海林、金容智、金秀娟
- 類型：韓劇
交友社群軟體「SOMEBODY」開發者同朋友一齊捲入複雜殺人事件之中，到底之後會發生咩事呢.....令人相當好奇。
20. 閃耀國度（더 패뷸러스）
- 主演：蔡秀彬、崔珉豪
- 類型：韓劇
為咗時尚產業而奉獻青春、人生嘅故事，由蔡秀彬、SHINee崔珉豪演出，《閃耀國度》刻劃著年輕人之間嘅執著、愛情、友情，擁有超現實主義浪漫魅力。
21. 模範家族（모범가족）
- 主演：鄭宇、朴喜洵、尹振瑞、 朴知妍、崔畝誠、金聖午
- 集數：10集
Netflix原創戲劇《模範家族》為平凡家族，因邪惡毒品組織而分崩離析之際，一家人齊心協力對抗惡勢力，最終成為「模範家族」嘅故事。原本有消息係話蘇志燮會演出，但已經確定換咗因《請回答1997》而爆紅嘅鄭宇領銜。
22. 靜_E（정이）
- 主演：姜受延、金賢珠、柳炅秀
- 集數：1集（電影）
未來嘅世界，地球已經唔再適合生存，貪婪嘅人類為咗自己未來，複製上位者大腦，研發出機器傭兵，最終將決定一場殘酷內戰嘅輸贏。
23. 戀愛大戰（연애대전）
- 主演：金鈺彬、劉台午
- 集數：韓劇
唔想輸俾男人嘅女人，以及極度討厭女人嘅男人，兩個人一啲都唔啱，愛情對佢哋嚟講就係一場戰爭，到底佢哋最後又會點呢？
24. 末日騎士（택배기사）
- 主演：金宇彬、姜有晳、李絮
- 集數：韓劇
漫畫改編韓劇《末日騎士》，由男神金宇彬出演，講述未來地球因大氣污染嚴重，冇配戴防毒面具，就無辦法出門口嘅世界。
以上係小編整理2022年確定公開嘅Netflix原創戲劇、韓國電影、韓國綜藝真人show，唔知大家有冇已經mark底要追邊幾套呢？歡迎留言話俾小編聽。
如果有更多想知嘅內容，都可以隨時留言或者dm話俾我哋知：）
Instagram：creatrip.hk