Hello，大家好，我哋係由韓國人話畀你知最新韓國資訊嘅Creatrip。
#KPOP #韓星
#門面 #韓國藝人
相信大家都知，韓國團隊出道，每一個人都會分配到唔同角色。
其中一個就要成為門面擔當，但大家又知唔知各大娛樂公司揀門面擔當又有咩標準呢？
✨馬上Follow我哋IG
instagram.com/creatrip.hk
各大娛樂公司揀門面標準
1. S.M. Entertainment : 非現實主義
第一間當然要講嘅係SM，佢哋專揀嘅門面都係一啲比較非現實主義嘅視覺？
令人有種望住佢哋，好似望住漫畫書嘅男女主角一樣咁。
小編第一次見到Irene嘅時候，真係覺得好似仙女下凡咁，好靚。
2. YG Entertainment : 公仔相
YG畀人一種Hiphop風，記得當年2NE1出道，佢哋就打破女仔一定要唱抒情歌嘅概念。
唔少韓星喺YG出道都可以好快一炮而紅！
大家又有冇發覺，雖然佢哋好多都係行hiphop路線，但揀門面擔當佢哋揀嘅都好有公仔相。
好多時都會畀人一種純情感覺，超有魅力！
3. JYP Entertainment : 有錢背景
JYP雖然係老闆，但佢唔會畀人一種距離感，同所有員工都可以打成一片。
不過，佢係揀門面擔當都好有一手，除咗係比較有錢之外，每一次一出道都會成為討論眾點，永遠都唔會令人失望。
4. Pledis Entertainment : 睇落去有自信
其實比起話佢哋睇落去有自信，小編覺得佢哋睇落去有貴族嘅感覺。
佢哋嘅打扮好簡單，不話每次都會令人忍唔住繼續留意佢哋。
5. Jellyfish Entertainment : 天真浪漫
Jellyfish Entertainment 小編都係因為透過選秀節目而認識。
小編覺得佢哋嘅門面都畀人一種天真浪漫，再加上少少嘅鄰家少女/少年嘅感覺。
6.Cube Entertainment : 性感
比起其他公司，Cube Entertainment門面擔當係係行性感路線。
無論係曲風定外貌，都畀人一種Sexy感覺，令人會陷入佢哋魅力之中。
7. Woollim Entertainment : 漫畫風格
當初小編一開始追星，除咗係Teentop之外，另一隊就係Infinite。
L嘅外表完全係畀人一種貴族王子feel，喺現實好難遇到，令人會覺得只有喺漫畫先會出現。
8. Starship Entertainment : 善良成熟感
Starship視覺風格都好突出，雖然佢哋年紀輕輕，但就會畀人感覺到擁有成熟同隱重嘅感覺。
9. Fantagio : 學生風
Fantagio門面擔當有種學校嘅師姐同師兄感覺。
令人不知不覺會有種崇拜感。
10. FNC Entertainment : MODEL
FNC好多都係專揀MODEL身材，除咗要夠高之外，外貌更加係獨當一面。
11. Big Hit Entertainment : 未來型
Big Hit嘅所屬團體，好多都唔係一炮而紅。
好多時都要經過長期努力先識佢哋，可能一開始會畀人一種幼稚嘅感覺。
不過隨住時間嘅流逝，大家就會發掘到佢哋嘅魅力。
唔知大家又會覺得以上11間娛樂公司揀門面擔當又準唔準呢？
歡迎大家留言話畀小編聽！
參考網址：KOREABOO
✨馬上Follow我哋IG
instagram.com/creatrip.hk
高智商韓星
韓星減肥名言
