高智商韓星
完全係人生勝利組！8位韓星美貌與智慧並重！其中一位仲得到奧巴馬認證？
哈囉，大家好，我哋係由韓國人話你知每日最新韓國資訊嘅Creatrip。
#韓星 #高智商
#人生勝利組 #有樣要樣
追韓星追得多， 大家又知唔知有唔少韓星都真係美貌與智慧並重㗎呢？
今日要為大家介紹8位韓星，唔單止有樣，而且智商仲要勁高！
完全係人生勝利組，令人勁羨慕.....
✨馬上Follow我哋IG
instagram.com/creatrip.hk
高學歷韓星
1. BTS RM
身為ARMY嘅小編，第一個緊係要私心寫我哋RM啦！
RM係一位出名嘅資優生，IQ高達151，當時仲係中2嘅佢，考TOEIC更高達850分。
佢冇去過海外留學，但就可以講出流利英文，原因係佢細細個就開始睇美劇同英文歌。
佢叻到成為南韓第一隊男團，喺聯合國大會上做發言人，發表足足7分鐘係全英文！
因為佢好叻，唔少成員都以佢為榜樣，慢慢都愛上學英文。
2. Block B 朴經
講到「腦性男」，又點可以唔提Block B嘅朴經呢？
相信大家應該有聽過門薩國際，佢係世界上規模最大，同時係歷史上最高智商組織。
佢IQ高達148以上，更係「大腦性感的時代」主演者之一。
3. ZE:A 任時完
唔知大家有冇睇過韓劇「末生」呢？
佢係一套講述韓國職埸文化嘅電視劇，呢套劇寫得好現實，直到而家都大獲好評。
任時完擔任第一男主角，佢讀書成績來頭唔細㗎！
佢由小學到中學都係班長，佢為咗考入釜山大，聯考更考出450分，滿分係500分。
雖然之後佢入咗娛樂圈放棄學業，但演藝事業可以話一直都畀人睇好。
4. Red Velvet Wendy
Wendy完全係名副其實嘅學霸，佢曾經喺「大腦性感的時代」 節目中Show過學生時期成績表。
幾乎係全A..... 而且除咗英文之外，法文同西班牙都識少少。
同時，佢更加拎過美國總統歐巴馬嘅「總統獎」，完全係學霸之中嘅學霸（如果小編有佢一半...）
5. ASTRO 車銀優
車銀優有「臉蛋天才」之稱，呢個稱號真係唔係咁易有。
佢除咗係大家公認嘅靚仔之外，佢學生時間成績一啲都唔差。
佢曾經係學生會會長，成績更係一直維持全校頭三名，每日放學都只係去補習班。
佢做藝人之前，仲曾經諗過做法官（咁樣會唔會令人更加想犯罪..哈哈）。
因為偶然畀星探發現，佢先放棄讀書去咗做明星。
6. 尹邵熙
尹邵熙呢個名可能大家一聽，未必會醒起係邊個，但大家可能都有睇過佢拍嘅戲，因為佢拍親戲男主角都係男神級。
尹斗俊、李俊昊、 L等都同佢拍過kiss埸面...完全係令人大叫羡慕！
佢高中時期成績全部都係「優」，而且好多科都係第一名。
尹邵熙大學說讀韓國科學技術院（KAIST）生物化學工程系。
KAIST係韓國排名好高嘅大學，成日都會同首爾大、高麗大、延世大（SKY）一齊拎嚟講，所以尹邵熙入到去一啲都唔簡單。
7. Super Junior 圭賢
圭賢係小編接觸韓流之後，第一個鍾意嘅韓星（同小編一樣嘅請舉手）。
當初畀佢吸引係因為佢溫柔嘅聲線，同埋深情嘅眼神。
佢係畢業於韓國慶熙大學碩士研究生（小編為咗可以做佢師妹，仲讀同一間大學）。
咁多科目入面，佢數學最叻，曾經拎過韓國國內數學奧林匹克大獎，而且中學時期更加拎過全校第一。
圭賢爸爸仲係台灣開韓文補習班，唔知有冇香港ELF喺台灣留學時，都去過學韓文呢？
8. 2PM 玉澤演
有「野獸偶像」男團之稱嘅2PM， 玉澤演可以話係當中最有人氣一位。
唔單止唱得又跳得，演技更加唔話得。
佢曾經考TOPEIC更加係拎990分滿分，同佢哋首主打曲一樣，10分滿分10分。
除咗韓文同英文叻之外，仲識中文、日文、西班牙文。
5種語言都可以講得好流利，簡直係完美！
當然仲有好多韓星都好叻，今次小編先介紹8位，唔知當中有冇大家嘅至愛呢？
歡迎大家留言話畀小編聽！
✨馬上Follow我哋IG
instagram.com/creatrip.hk
其他延伸閱讀 | |
 韓星YouTuber |  8位韓星童年相 |