Netflix《以吾之名》介紹
《以吾之名》被稱為韓版無間道？韓韶禧同安普賢嘅精湛演技大受好評！你又睇咗未呢？
Hello，大家好，我哋係由韓國人每日提供最新韓國旅行資訊嘅Creatrip。
繼早前熱播完嘅《魷魚遊戲》之後，最近Netflix又有一套韓劇被眾人討論，而呢套戲係由《夫妻的世界》、《無法抗拒的他》嘅韓韶禧，以及喺《梨泰院Class》、《柔美的細胞小將》中獲得關注嘅安普賢同朴喜洵一同主演，唔少fans都相當驚喜同期待。
《以吾之名》咁快被人關注係因為劇中拳拳到肉、流暢嘅武打場景，令眾人睇得好過癮，甚至被封為韓國版《無間道》，而家就等小編為大家介紹點解佢咁出名啦！
Netflix《以吾之名》
劇情大綱
- 主演：韓韶禧、安普賢、朴喜洵
- 集數：8集（一季）
喺Netflix定片名《以吾之名（마이네임 / MY NAME）》之前，一度有其他名出現，例如：「Nemesis」（羅馬語），意思係復仇女神，但影片內容包含正義鬥爭，同時亦包含對正義嘅渴望。所以最後先改用「MY NAME」。
劇情主要係講為咗搵出殺父仇人而進行復復，先加入犯罪組織鍛鍊，再慢慢入緝毒隊做臥底警察嘅尹智友（韓韶禧 飾演），喺逐漸接近父親被殺害真相時，臥底身分就被曝光。
而佢真名究竟係咩呢？係被殺害父親女兒「尹智友」？定係組織俾嘅新身分「吳惠進」？定係喺警隊入面，上司幫佢搵返真實身分嘅「宋智友」？
角色介紹
- 尹智友 / 吳惠進 / 宋智友（韓韶禧 飾演）
原本只係一個無憂無慮嘅17歲少女，但因為親眼目睹被通緝父親遭到殺害，為咗復仇，加入咗父親生前嘅「東川派」組織，希望自己可以變得更強，同時希望可以搵到殺父仇人，可以親自殺死對方。
後嚟一直跟住線索去搵，查到殺害父親嘅槍係嚟自警方，所以尹智友改咗個新名，以「吳惠進」身分加入警隊，以試圖接近真相。但係越嚟越靠近殺父仇人嘅同時，警方嘅說話令佢開始動搖，究竟父親嘅死係警方所設嘅陷阱？定係組織內部鬥爭？到底殺死父親嘅嗰一把槍喺由邊個出手？
- 全弼道（安普賢 飾演）
原本係作為柔道國家代表隊隊員，因為生得靚仔、身材又夠結實，但因為妹妹嘅死而落入人生低谷，為咗復仇，想搵出販毒者而成為刑警。一開始佢見到新入嚟嘅吳惠進唔係好順眼，但慢慢接觸耐咗，先發現吳惠進嘅眼中同自己一樣有一顆堅持同復仇之心。
- 崔武鎮（朴喜洵 飾演）
東川派組織首領，同時亦係《以吾之名》中，韓國最大毒品製造，係一位最心狠手辣嘅角色。收留咗好兄弟嘅女，要佢鍛鍊自己、堅定復仇意念，聽落好似都幾好咁，但就令人有種好驚嘅殺氣。到底當年係邊個殺死尹智友嘅父親呢？
必睇亮點
- 韓韶禧變身
擺脫《夫妻的世界》小三形象、喺《無法抗拒的他》中，慘遇賤男可憐形象，韓韶今次喺《以吾之名》中扮演復仇者形象，透過真實、高密集鍛鍊強度，展現有別於過往作品全新樣貌。
喺《以吾之名》拍攝過程中，曾經傳出韓韶禧因體力不支而暈低，甚至辭演其他新劇，令唔少fans聽到都好心痛，但當《以吾之名》播出後，拳拳到肉、流暢嘅武打畫面，令眾人超有驚喜，亦因為咁對韓韶禧為戲犧牲努力感到十分佩服。
- 性、暴力等真實描繪
《以吾之名》係Netflix19禁原創劇，戲中有好多暴力、性、毒品等畫面，唔少情節喺其他韓劇或暴力類型影劇中，都會以借位、遠景方式拍攝，但喺《以吾之名》中就真真實實咁影出嚟，甚至仲會特寫，雖然知道係美術效果，但睇嘅時候真係會令人心驚膽戰。
韓文片名「마이네임（MY NAME）」意義？
《以吾之名》英文名係「MY NAME」，由因為父親之死而選擇復仇，改名叫吳惠進開始，到接近真相、接近殺父仇人過程中，都想搵返真真正正嘅自己（宋智友），同《以吾之名》韓文片都好夾。
拍攝場景整理
- 智友父親傾緊電話嘅其中一個街角
- 地址：서울 중구 을지로4가 77
智友父親用公共電話嘅街道，雖然望落去有啲陰暗、令人緊張，但其實位置係喺我哋熟悉嘅乙支路4街站（을지로4가역）2號出口前轉角位，之後有機會嘅話，會唔會都想跟住去踩點呢？（但好似佈景已經拆咗）。
- 智友張貼緝凶啟事嘅小巷
- 地址：서울 중구 산림동 25
同樣係喺乙支路4街站附近，智友一直貼緝凶啟事，穿梭陰暗小巷。實際上乙支路係結合歷史、文化、現代複合式小巷，雖然附近都好熱鬧，但只要一到深夜，就會覺得有啲暗。
- 東川派祭祀地方
- 地址：부산 기장군 기장읍 용궁길 86
喺《以吾之名》第4集，大受打擊嘅東川派因為死咗好幾個手下，一齊去到寺廟集體上香祈福，而呢個場景就係喺釜山機張郡「海東龍宮寺」拍。雖然距離釜山市區有段距離，都好值得去打卡。
- 惠進遇見埋伏緊嘅弼道
- 地址：서울 종로구 청계천로 159
除咗《以吾之名》之外，其他韓劇都有喺世運商街度取景，例如《黑道律師文森佐》、《女神降臨》。
- 警隊聚餐地點
- 地址：서울 종로구 돈화문로11가길 9
緝毒隊眾人一齊聚餐嘅場景，係位於鐘路3街站6號出口隔離小巷嘅燒肉店，小編之前都有經過，呢間鋪頭人氣相當高，每次都要等一段時間先入到，雖然小編未真正試高，但咁有人氣，味道一定唔會差！
《以吾之名》會唔會有第二季？
同先前播出嘅《我是遺物整理師》、《Sweet Home》，留下明確第二季伏筆唔同，《以吾之名》以相當完整開放式結局劃上了第一季結尾。
同樣為Netflix劇集《人文教育101》導演嘅金鎮民受訪表示，自己只係《以吾之名》第一季導演，無辦法講太多，但佢有講到《人文教育101》嘅編劇雖然都有諗住開拍第二季，但做同唔做就全然取決於Netflix、製作公司同編劇。
以上係Netflix《以吾之名》相關介紹，唔知大家追完呢套戲之後，冇對主演嘅韓韶禧同安普賢刮目相看呢？歡迎大家留言同小編分享你嘅諗法。
如果有更多想知嘅內容，都可以隨時留言或者dm話俾我哋知：）
Instagram：creatrip.hk