乙支路過去與現在
乙支路以前係一個點嘅地方？點解而家咁多人去？韓國人都叫佢做Hip支路？
Hello，大家好，我哋係由韓國人每日提供最新韓國旅行資訊嘅Creatrip。
喺首爾搭地鐵嘅時候，唔知大家有冇留意到「乙支路」呢個地方呢？地鐵路線分咗「乙支路入口」、「乙支路3街」同「乙支路4街」。附近有唔少上班族，所以有好多高樓大廈。
雖然而家俾人感覺好有現代氣息，但其實以前由朝鮮時代開始就存在，當時開發各種工業設施，喺去到1984年先有2號線。唔同時期乙支路都有唔同嘅變化，過去同而家仲有少少痕跡係一樣，而家就等小編話俾大家知，過去係點到而家點解會成為韓國人嘅熱點啦！
乙支路過去與現在
朝鮮時代嘅乙支路
통일부 공식 블로그
就咁睇相係咪已經覺得好唔一樣呢？乙支路前身叫「銅峴」（구리개），之會改呢個名係因為當時乙支路1街同2街之間有一座泥山，呈深銅色而名命。作為當時漢陽行政中心，好多政府機關都設置喺乙支路，為平民服務惠民署（為庶民診症嘅地方）、朝鮮王朝第一間近代醫院濟眾院（朝鮮王朝末期設置官方西醫機關）亦都喺呢度，所以同時被稱為「藥房街（약방 거리）。」
日本殖民時期嘅乙支路
통일부 공식 블로그
喺日占時期，日本人為咗控制乙支路，成立東洋拓殖株式會社（동양척식주식회사）佔領朝鮮土地。原名為「銅峴」嘅乙支路，喺日本殖民時期被改為日文「黃金町通」（황금정통）。
解放後嘅乙支路
통일부 공식 블로그
解放之後，喺改制過程中，「黃金町通」用咗高句麗時代乙支文德將軍姓氏，「乙支路」就係咁誕生。而喺冇幾耐，發生韓戰，乙支路被無情轟炸、摧毀，但隨住之後好多建築材料商喺首爾聚集，逐漸恢復生機。由1960年代開始，乙支路作為韓國近代化基礎紡織同鋼鐵工業聚集地，慢慢發展成為繁榮市中心。
而家嘅乙支路
通過不斷變化同成長，乙支路已經現今形成好多座高樓大廈，充滿現代氣息，不過喺呢度處處隱藏歷史痕跡。而家就等小編帶大家睇吓呢度每一條小巷、鋪頭同餐廳有咩小故事啦！
1. 印刷街 （인쇄골목）
뉴스1
朝鮮時代乙支路有好多政府機構，所以周圍聚集咗多間韓紙店，同而家乙支路好似，好多印刷公司都喺附近。呢種印刷村嘅面貌到而家仲保留緊，令人會諗起以前嘅乙支路。
2. 燒明太魚乾街&OB Beer
뉴스1
以前乙支路印刷業嘅工人係靠住低人工謀生，經過一日嘅工作，佢哋會聚埋一齊去食啲平嘢同飲幾杯慰勞辛苦嘅一日。呢個時候佢哋最鍾意嘅零食係燒明太魚乾（노가리）。 由於呢種文化之後越嚟越多賣燒明太魚乾嘅鋪頭，到而家就變咗年青人會鍾意去嘅地方之一。
- 地址：서울특별시 중구 충무로9길 12
- 營養時間：每日 13:30 - 23:00
3. 咖啡韓藥房 （커피 한약방）
- 地址：서울특별시 중구 명동 삼일대로12길 16-6
- 營業時間：星期一至六 11:00 - 22:00、星期日 11:00 - 20:00
비즈한국
仲記唔得小編一開始有介紹，過去嘅乙支路有間叫惠民署嘅醫療機構？過去係醫治庶民病症嘅地方，而家已經搖身一變變為「咖啡韓藥房」，內部裝修好有復古feel，喺乙支路一帶相當出名。
4. 世運商街（세운 상가）
- 地址：서울특별시 종로구 청계천로159
- 營業時間： 星期一至六09:00 - 19:00 、星期日休息
서울특별시
2015年世運商街開始咗修復工程，2016年發現埋藏喺商業街底嘅文化資產。原來係朝鮮時期中央政府舊址。可以喺人來人往嘅商場發現呢個足跡真係相當令人驚訝！
5. 乙支麵屋（을지면옥）
- 地址：서울특별시 중구 을지로동 충무로14길 2-1
- 營業時間：星期一至六 11:00 - 21:00（15:30 - 17:00 Break Time）、星期日休息
一直喺乙支路街到行，會發現一間80年代著名嘅「乙支麵屋」，擁有37年歷史，係一間食平壤冷面餐廳。
通常大家熟知嘅韓國冷麵係用葛根（칡）做成咸興冷麵，但係最近以蕎麥整成平壤冷麵，同之前食嘅冷麵相比，口味可能唔太一樣，但只要飲咗啖湯之後，就會自然地陷入平壤冷麵魅力當中。為咗食到蕎麥香氣，食嘅時候一定要將麵同湯汁攪勻。
6. 乙支茶房（을지다방）
- 地址：서울특별시 중구 을지로동 충무로 72 -1
- 營業時間：星期一至六 07:00 - 21:00、星期日休息
乙支麵屋隔離同樣係80年代開始營業嘅乙支茶房，而家可能好多人會去Cafe，但以前係叫做茶房（다방），呢度相當有復古氣氛。乙支茶房最出名嘅飲品係雙花茶（쌍화차），係用黃芪、肉桂同甘草等藥材煮成，對感冒非常有效，會同埋生雞蛋黃一齊飲。
之前BTS都有嚟過拍海報，更加多人留意咗。
7. 良味屋（양미옥）
- 地址：서울특별시 중구 을지로 3가 충무로 62
- 營業時間：11:00 - 22:00
由乙支路茶室步行大約一分鐘，就會見到呢座綠色建築「良味肉」，聽講佢好食到前總統金大中都去過。
이데일리
燒到金黃色嘅羊大腸，望住佢流出嚟嘅油脂，真係睇見都流哂口水，前總統嘅推薦加上乙支路嘅氣氛，果然相當道地啊！
以上係乙支路過去同而家面貌介紹，之後大家嚟韓國旅行，會唔會都想抽少少時間再去了解乙支路呢個地方呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk