Hello，大家好，我哋係由韓國人話你知每日最新韓國資訊嘅Creatrip。
＃韓國新聞＃虐待兒童
＃新聞＃體罰＃兒少法
近期韓國發生兩單震驚全南韓嘅虐兒案，其中一名兒童不幸死亡，重新喚醒社會大眾對父母以「管教」之名，對兒童施予暴力嘅關注。
法務機關亦就呢件事召開相關法例存廢嘅公聽會。
✨馬上Follow我哋IG
instagram.com/creatrip.hk
虐兒案震驚全韓
1. 天安兒童被虐待致死事件
來源：문화일보
6月1號晚，忠清南道天安市一戶住宅，喺一個長44CM，闊60CM嘅行李袋入面，發現一個被放入袋七個鐘，並陷入昏迷嘅九歲男童，送院三天後不治。
據了解，呢名兒童嘅父親A某同本案無直接關係，係佢嘅同居人B某（43歲），當日將男童裝入袋之後，外出三個鐘，導致男童不幸過世。
目前B某已被移交檢調機關，而警方亦調查緊A某過往係咪有份施暴。
2. 昌寧虐兒案
一個小學四年級嘅女童，喺自己屋企嘅露台被鎖兩日，頸上掛住鎖鏈。
佢趁鎖鏈鬆開，冇人注意個陣，由四樓爬過屋頂，爬入鄰居屋企嘅露台後逃走，匿喺水庫入面到傍晚，先繼續逃走。
小朋友話，日頭逃走嘅話可能會被媽媽捉住，但夜晚太黑會驚，就匿到傍晚先出嚟。
據了解，呢個小朋友當日下晝6點幾，赤腳喺街到行，被路人發現後報警。
來源：중앙일보
呢名女童被發現個陣，雙眼有淤血，身上有多處嚴重傷口同燙傷。
據了解，繼父由佢三歲起就開始虐待佢，一日只可以食一餐，喺屋企都會用鎖鏈鎖住。
生母（27歲）係咪涉案仍然調查緊，目前因精神狀況唔穩定住院。
好彩嘅係，呢個小朋友接受治療後，已康復出院。
依家喺兒童保護機構生活，並接受心理治療。
文在寅總統亦透過青瓦台表示慰問。
法律准許體罰？
來源：연합뉴스
韓國1958年制定民法以嚟，今次係法務部第一次因接連發生嘅虐兒事件，而決定推進「禁止體罰」嘅法律。
喺儒教思想興盛嘅韓國，子女、父母之間嘅關係恐怕會因為立法而有改變。
好多人擔心今次修法，係代表國家力量介入家庭教育。
韓國法務部6月10號表示，為咗保障兒童人權，會刪除《民法》第915條號「子女懲戒權」，並將儘快受「禁止體罰」立法。
民法915條文規定監護人可為保護子女、教育子女，有必要嘅時候，可以懲罰子女。
不過條文冇明顯規範懲罰嘅定義同限制，被認為係變相「允許父母體罰」嘅體罰權。
韓國亦係國際社會入面公認允許體罰嘅國家之一。
雖然家長對兒童施以肉體暴力、精神暴力嘅話，會根據《兒童福利法》受到處罰，但懲戒權寫明，監護人身分可減輕處罰，甚至變無罪，效果唔大。
韓國社會點睇？
來源：머니투데이
目前韓國社會嘅意見分成兩派。
有啲人認為民法915賦予父母懲戒權，可能會令虐待事件持續發生。
另外有人認為依家已有防止虐待兒童嘅相關法律，只需要明確修改條文就可以。
其中一個例子就指出，紹果成年人A打成年人B一巴，可以控告傷害罪；但紹果監護人C打咗未成年D一巴，就可以用民法915條文開脫。
呢兩者實際上嘅傷害一樣，但結果就好唔同。
親權同懲戒權之間嘅界線要點劃分，仍須再討論。
來源：중앙일보
另一個案例就表示，以前韓國社會都容忍教師體罰學生。
喺法律禁止校園體罰初期，社會都有好多反對聲浪，但依家都已成為全國民嘅共識。
日前，韓國媒體公佈兒童人權NGO組織嘅調查（20歲至60歲1萬個樣本）指出，有73.1%嘅人支持體罰：
其中36.6%嘅人認為體罰係最後手段、35.6%認為根據情況可以體罰、0.9%認為應該多啲體罰。
針對民法915嘅懲戒權，有56.7%嘅人意為權力包括體罰，43.3%嘅人認為唔包括體罰；
認為要修改民法915嘅人有大約51.1%，反對意見佔48.9%，兩者相當接近。
✨馬上Follow我哋IG
instagram.com/creatrip.hk
| 其他延伸閱讀 | |
 民植法正反聲浪 |  韓國保安員之死 |
