韓國保安之死引眾怒
保安被住戶虐打，含冤自殺身亡留遺書：「女兒，我愛妳」...青瓦台聯署破30萬
來源：노컷뉴스
Hello，大家好，我哋係由韓國人話你知每日最新韓國資訊嘅Creatrip。
＃韓國新聞
＃保全＃自殺
本月10號，首爾江北區牛耳洞某公寓嘅保安自殺身亡，現場發現一封遺書。
遺書入面寫底自己被公寓住戶毆打、折磨，仲有留畀細女啲錢⋯⋯
呢件事引起大眾關注，公寓嘅住戶喺保安休息室搭建臨時靈堂悼念。
同時，青瓦台相關請願喺短短三日內，突破30萬人簽署。
✨馬上Follow我哋IG
instagram.com/creatrip.hk
公寓保安之死
來源：노컷뉴스
4月21號，公寓保安崔某因為停車問題，同住戶發生爭執。
呢名住戶對崔姓保安施暴，將佢拉入冇監視器嘅保安廁所毆打、辱罵，甚至將佢帶去管理處，要求佢辭職。
第二日，崔姓保安報警，以傷害、暴力、威脅等嫌疑向警方起訴呢名住戶，但係暴行並冇停落嚟，至少持續到5月03號。
最後呢名保安不堪受辱，自殺身亡。
來源：노컷뉴스
來源：아시아경제
佢嘅保安室設置成臨時靈堂，擺滿花束、酒同蠟燭，住戶都有去悼念、追思。
呢棟公寓嘅居民表示，大部分住戶都好鍾意呢位保安，亦有一位70幾歲嘅居民話，呢位保安由公寓啱啱起好就已經喺度工作。
唔少人表示憤慨，希望毆打保安嘅人一定要受到最嚴重嘅處罰。
有人喺青瓦台請願，要求為保安洗刷冤屈。
三日左右，聯署就超過31萬人。
青瓦台請願《請洗刷我哋公寓保安叔叔嘅冤屈》
呢篇文章寫到，呢名崔姓保安因為停車問題，由四月底開始，大約20日，都遭受不堪入耳嘅惡言同暴行，最終了結自己嘅生命。
內容更感謝保安，一直親切對待居民，又努力維護社區整潔。
監視器畫面
內文提到，呢名加害者只要保安返工，就會去打鬧，又聽講加害者之前係演藝圈經紀人，人脈好廣。
先前受訪，加害者更出言不遜。所以上傳者希望當局仔細調查，避免弱者再度受強者欺凌。
呢名請願人要求向加害者處以死刑或者無期徒刑，並希望韓國可以成為弱者唔會受到強者脅迫、暴行而自殺嘅國家。
來源：연합뉴스
12號上畫，市民社會團體喺公寓前召開記者會，追悼已故嘅崔姓保安。
同時，團體敦促政府嚴懲加害者，制定防止再犯嘅對策，更要求當局全力調查。
團體更要求加害者道歉，同時整頓公寓保安勞動嘅制度。
團體表示，「今次崔姓保安死亡，並唔係因為自身悲觀，而係社會問題造成。」
原來早喺2014年，狎鷗亭公寓嘅一名保安都遭遇到類似情況，選擇自焚身亡。
資料照片（與本起報導無關）
「高齡勞動者嘅尊嚴被踐踏下工作，總會覺得係理所當然。由而家開始，我哋將呢件事作為契機，保障呢個時代勢勞動群體工作安全同權利。」
崔姓保安嘅出殯儀式延後，遺屬表示，希望聽到加害者道歉，但直到而家，加害者都冇喺葬禮出現過。
來源：뉴스1
崔姓保安一個人湊大兩個女，以前仲揹住小朋友喺工廠工作，好錫兩個女。
加害者要求佢離職個陣，佢都表示「要同個女一齊生活，唔可以放棄工作」。
大女已經出嫁，細女目前同崔姓保安同住。
崔姓保安將錢放入信封，上面寫「ㅇㅇ啊，我愛妳……」字句，然後走上絕路。
呢件事唔只係單純嘅霸凌、暴力咁簡單，涉及到高齡勞動者同弱勢族群，為咗生存而必須向整個社會低頭嘅社會根本問題。
呢件事喺韓國引起討論，雖然崔姓保安喺調查結果出爐前已死亡，但江北警察署已限制施暴住戶出境，今個星期會再作進一步審問。
※珍惜生命！請再畀自己、同愛你嘅屋企人一個機會
- 香港撒瑪利亞防止自殺會： 2389 2222
- 生命熱線： 2382 0000
✨馬上Follow我哋IG
instagram.com/creatrip.hk
| 其他延伸閱讀 | |
 韓女性職場歧視 |  韓黑工救人佳話 |