新天地教主被控殺人罪

正義將至！新天地教唔配合政府防疫，首爾市政府以「殺人罪」控告新天地教主李萬熙

정영여영이

5 years ago

Hello，大家好，我哋係由韓國人話你知每日最新韓國資訊嘅Creatrip。

＃武漢肺炎＃韓國新聞
＃新天地教＃李萬熙
＃20200301＃新聞

韓國新型冠狀肺炎（武漢肺炎）疫情嘅重大缺口，係第31例嘅大邱新天地教徒，由個陣開始爆發到而家已經破咗三千例。

成為眾矢之的嘅新天地教，今日就被首爾市政府提告。

Creatrip為咗關心疫情嘅咁多位著想，會持續更新相關新聞（點我）。

咁多位唔需要恐慌，記得戴口罩、勸洗手！小編會繼續更新消息。

李萬熙（來源：維基百科）

今日（1日）夜晚，首爾市政府以殺人罪、傷害罪、傳染病預防管理法等理由，向中央檢察廳控告新天地教教主李萬熙，同埋新天地教嘅十二個支派。

上個禮拜南韓政府向新天地教要求提交全國新天地教教徒嘅名單，用嚟大規模檢疫有機會已受感染嘅人士。

但係新天地教以「恐洩漏個人資訊」做籍口，淨係提供電話號碼、地址等資訊，唔肯提供姓名，令政府好難辨認同聯絡。

NAVER BLOG @ 또바기

而且，核對新天地教徒名單個陣，發現名單入面有好多遺漏、不實嘅記錄，因而令政府唔可以100%掌握超過20萬名嘅新天地教會人員名單。

為此，首爾市政府以殺人、傷害，同妨礙傳染病調查等理由，向首爾中央檢察廳控告李萬熙同12支派。

首爾市長朴元淳（來源：維基百科）

現任首爾市長朴元淳市長就表示：相關檢察機關一定要迅速、嚴格咁審查「新天地」嘅領導層，加以嚴懲，為呢次事件負責。