韓上調危機警報至「嚴重」

南韓疫情失控！文在寅：上調危機警報到最高等級「嚴重」；點名新天地教會配合防疫

정영여영이

5 years ago

Hello，大家好，我哋係由韓國人話你知每日最新韓國資訊嘅Creatrip。

＃武漢肺炎＃韓國新聞
＃20200223＃升高層級

唔到一星期時間，韓國武漢肺炎病例翻倍增長，政府部門加強防疫。

南韓政府亦宣布將上調危機等級到「警戒」狀態。

Creatrip為咗嚟韓國旅行嘅咁多位著想，將持續更新相關新聞（點我）。

咁多位唔需要恐慌，記得戴口罩、勸洗手！小編會繼續更新消息。

연합뉴스

文在寅總統今日（23日）表示，將政府嘅危機警報等級，由而家嘅「警戒」級別，提升到最高嘅「嚴重」級別。

針對大邱、慶北等地區出現大規模感染，南韓政府已將呢兩個地方，列為特別管理（防疫）地區，希望可以遏止疫情增長。

而即將通過嘅新型冠狀肺炎相關修正案三法，目前已達成朝野共識，預計喺下星期通過，將限制口罩、消毒酒精等醫療品出口，向弱勢團體提供免費口罩、拒絕檢測者處以高額罰金等等。

newsis

同時，文在寅亦特別呼籲新天地教徒，指出目前關閉大邱同其他城市嘅所有新天地教會組織，係為咗可以更快掌握疫情，而唔係限制宗教自由。

希望新天地教會與教徒可以積極配合，確保全國嘅安全同健康。

另外，日前首爾市政府預計將禁止光化門示威、宗教團體嘅集會，有部分人士反對，以「公開集會」表示抗議。