全面篩檢21.5萬新天地教徒

南韓將檢疫21.5萬新天地教徒！新天地教會：擔心個人資料外洩，只提供電話同地址

정영여영이

5 years ago

NAVER BLOG @또바기

Hello，大家好，我哋係由韓國人話你知每日最新韓國資訊嘅Creatrip。

＃武漢肺炎＃韓國新聞
＃新天地教會＃全面檢查
＃21.5萬名＃20200225

南韓疫情已一發不可收拾，韓國政府為咗避免疫情由大邱、慶北地區向其他地方擴散，宣佈相關對策。

除了對大邱地區已出現感冒症狀嘅2.8萬名市民進行新冠狀肺炎嘅篩檢，仲將檢查目標移向今次爆發嘅中心 ——「新天地教徒」。

Creatrip為咗嚟韓國旅行嘅咁多位著想，將持續更新相關新聞（點我）。

咁多位唔需要恐慌，記得戴口罩、勸洗手！小編會繼續更新消息。

NAVER BLOG @또바기

政府中央災難安全對策總部喺今日（25日）表示，要求今次新型冠狀肺炎群聚感染中心嘅新天地教會提供全體信徒名單，並會對所有人進行新型冠狀肺炎嘅篩檢。

據統計，新天地教會信徒有21.5萬人，前幾日教會方面嘅記者會更加高調表示，信徒高達24.5萬人。

政府相關發言人表示，確認名單之後，會由高風險族群開始檢查，直到所有新天地教友都篩檢完畢為止，篩檢結果仲會隨時公開。

而新天地教會方面表示，因為擔心個人資料外洩，只會提供信徒嘅住民登錄編號（類似身分證號碼）、地址、電話號碼，但唔會提供個人姓名。

目前預計會先以1至2月曾經去過大邱教會嘅教友名單開始。

另，政府表示，因為韓國已將危機警報調升至最高級別，如果新天地教會唔配合，會採取法律手段。

연합뉴스

新天地教會預計提供嘅信徒名單，並唔包括喺佢哋嘅宗教體制下，各分會嘅預備信徒（예비신도）。

不過新天地發言人表示，如果預備信徒出現相關症狀，或者曾經去過大邱，會引導佢哋接受檢查。