忠武路「文化社」介紹
韓國網紅打卡點！明洞附近忠武路小區咖啡廳「文化社(bunkasha)」探訪
哈囉，大家好，呢到係由韓國人每日提供最新韓國旅行資訊嘅Creatrip。
＃明洞咖啡廳＃bunkasha
＃忠武路咖啡廳＃文化社
＃乙支路咖啡廳＃분카샤
＃水果三文治＃打卡熱點
「文化社（bunkasha）」係一間有獨特魅力同感性嘅Cafe，藏身喺明洞附近忠武路小區。
因為簡潔裝修同有小文青風格，最近成為咗好多韓妹最愛打卡熱點！
想知喺邊到，就要跟住小編去忠武路小巷行吓啦。
✨馬上Follow我哋IG
instagram.com/creatrip.hk
文化社（분카샤）
- 乙支路店：서울 중구 을지로14길 20
- 忠武路店：서울 중구 퇴계로31길 16
- 時間：11:00至23:00
忠武路站、乙支路3街站各有一間「文化社」，小編去嘅係忠武路店，
由明洞開始行過去大約15分鐘左右，算係小巷裡面一間唔太起眼Cafe，
但正所謂越唔起眼就越有佢嘅魅力，令人更加好奇佢點解會成為最近韓妹打卡新熱點。
喺普遍都係工廠、一般商辦住家忠武路一帶，記得要認住綠色門同「文化社」，
呢到唯一有啲可惜係無電梯，大家可能要辛苦少少行上4樓: ( 。
只睇門口，可能同平時Cafe有啲唔同，亦可以話係「文化社」嘅特色。
寬敞、簡約氣氛，可以話係「文化社」嘅魅力。
座位都幾多，店內空間亦好大，用各種簡單生活零件拼湊出生活樣子，
加上呢到採光好、陽光射入Cafe裡面真係比人一種好舒服嘅感覺。
每個角落都帶有舊式、復古建築氣氛，雖然風格唔太一致，
但整體搭配埋一齊，就有種講唔出嘅協調感。
大家又鍾唔鍾意呢種感覺呢？小編其實好鍾意呢種風格，
特別係呢種藏身喺小區嘅Cafe，總會令人覺得驚喜。
文化社舊式風格，已經係韓妹SNS中超有名。
入到去亦會發現一個小缺點，就係店入面音樂都幾大聲（哈哈）。
Menu上會有寫韓文同英文，相信大家要點餐應該都唔會有任何問題；而且呢到最低消費為一人至少一杯飲品。
小編點咗佢哋招牌餐點：水果三文治（₩8,000）同兩杯咖啡。
只要到咗晏就，陽光會透過百葉窗射入嚟，令室內充滿一種溫暖小情趣。小編好鍾意呢個位。
Soondoo Latte（₩6,500）、忌廉雲呢拿Latte（₩6,500）以及最令人期待打卡餐點水果三文治，
咁樣擺檯影相係唔係好有質感呢？XD
整體嚟講，呢兩款Latte都偏甜，唯一令小編Surprise嘅係文化社水果三文治，真係好好食。
完全係令人忍唔住食完一啖再一啖。
忌廉完全唔會比人一種膩嘅感覺，有種清爽口感，
多士同微酸水果，真係好夾同好好食！
就算小編下次再去，都會想再叫！
另外，如果來嚟到忠武路文化社，天氣好嘅話好推薦大家可以上頂樓睇吓，可以望到南山塔同附近忠武路景觀。
因為冬天有啲凍，所以戶外位置無開放，但大家都可以上嚟打卡影靚相。
以上係小編最新探訪忠武路咖啡廳「文化社」，去到呢到必點水果三文治，
同時呢重打卡風格，唔知又啱唔啱大家心水呢？
如果成日只去明洞，不如都到附近忠武路、乙支路小區行吓，一定會有意外收穫。
各位朋友，我哋下次再見啦。
✨馬上Follow我哋IG
instagram.com/creatrip.hk
| 其他延伸閱讀 | |
 忠武路美食整理 |  明洞堅果超市 |
 韓國常見問與答 |  首爾景點總整理 |
