Hello，大家好，我哋係由韓國人話你知每日最新韓國資訊嘅Creatrip。
＃韓國冷知識＃颱風
＃韓國颱風＃名字
一到夏天，香港就進入颱風季。
每次打風，大家都會討論到底打唔打到上8號，上到8號又可以維持幾耐。
19年係韓國最多颱風侵襲號一年，其中一個「玲玲」颱風，更係有史以來第一個著陸北韓嘅颱風。
其實關於韓國颱風有一啲冷知識，等小編同大家介紹下啦！
✨馬上Follow我哋IG
instagram.com/creatrip.hk
韓國颱風冷知識
1. 韓國冇颱風假
韓國係冇颱風假⋯⋯呢一樣嘢係小編嚟到韓國做嘢先知。
就算颱風登陸南韓，有幾大風大雨，大家都係要照返工。
不過隨住全球氣候變化影響，颱風對朝鮮半島構成災害嘅機會越嚟越大，所以各級機關、學校，都會視乎當時情況各自宣佈停工停學。
2. 第一個抵達北韓嘅颱風？
1.jpg)
2019年09月，颱風玲玲一路北上，係有史以來第一個抵達北韓嘅颱風。
呢個颱風係由香港命名，小編一見呢個名就諗起：「一命二運三風水 人有三衰六旺 我仲要衰到幾歲」。（係咪有啲舊⋯⋯）
大家可能會諗，點解會係第一個？
因為其他颱風，都喺抵達北韓之前弱化。
即係話，之前侵襲北韓嘅颱風，全都都已經弱化成熱帶氣旋，只有「玲玲」仲維持住颱風嘅規模著陸。
3. 韓國有參與颱風命名？
香港天文台資料南北韓都會為颱風命名。
颱風名稱係由14個會員國，各提供10個名，一共140個輪住用。
中國、香港、澳門、北韓、南韓、日本、寮國、馬來西亞、密克羅尼西亞、菲律賓、泰國、美國、越南、柬埔寨都有份命名。
如果某一次颱風對會員國造成重大災害，咁組織就會將個次颱風嘅名喺名單除名。
為避免再次輪到一樣嘅名，會勾起當地居民嘅痛苦回憶。
台灣因為唔屬於颱風委員會會員，所以即使某一次嘅颱風對台灣造成幾重大嘅災害，呢個名好多時都會再輪到。
台灣氣象局就會自行改變譯名，由音譯，變成意譯。
例如納莉颱風（나리）變「百合颱風（2019-07）」、敏督利颱風（민들레）變「蒲公英颱風（2016-08）」、桃芝颱風（토라지）變「桔梗颱風（2018-11）」。
避免台灣人勾起對災難嘅回憶。
3. 韓國颱風名中文翻譯
唔知大家有冇留意到，南北韓命名嘅颱風，有啲用音譯、有啲用意譯呢？
例如「格美」係音譯，但「飛燕」係意譯。
中文譯名係同中國、澳門商議之後統一一個嚟用，小編估可能因為冇啲名意譯之後冇咁好聽（？）。
以上係韓國颱風嘅相關冷知識，隨住颱風季掀開序幕，希望今年嘅颱風唔會造成任何嚴重災害。
✨馬上Follow我哋IG
instagram.com/creatrip.hk
| 其他延伸閱讀 | |
 韓國冷知識整理 |  韓國保安員之死 |
