韓國冷知識(2)
韓國冷知識你又知邊幾個？首爾地鐵座位少？韓國人性格超急？手勢比6韓國人睇唔明？
哈囉，大家好，我哋係由韓國人話你知每日最新韓國資訊嘅Creatrip。
＃韓國文化＃韓國冷知識
＃韓國小常識＃旅遊知識
大家嚟韓國可能嚟過好多次，但大家又識幾多個冷知識呢？
小編今日再次準備多10個畀大家，唔知當中有幾多個，大家係知嘅呢？
✨馬上Follow我哋IG
instagram.com/creatrip.hk
韓國旅遊冷知識
1. 首爾地鐵2號線座位比較少？
除咗2號線（綠線）開始換新車廂之外，首爾地鐵主要都仲係用緊舊式車廂。
但大家又有冇發現新換嘅車廂座位比較少呢？
2號線新車廂一排只得6個位，但喺其他線就有7個，雖然只係差一個位，但就睇落去再闊落啲。
同時，2號線新車廂同機場地鐵一樣，座位上面都係冇放行李位。
2. 韓國人睇唔明香港人比數字手勢？
唔知大家有冇聽過，唔同國家或地區，大家比數字手勢都會有唔同嘅呢？
可能1至5比較簡單，大家都會睇得明，但由6開始，韓國人完全係睇唔明，甚至會以為我哋係跳緊TWICE嘅舞？
如果大家去韓國餐廳食飯，同行有7個人，比數字手勢「7」嘅話，職員可能會以為只係需要帶你去2人位。
所以遇到多人情況嘅時候，最好都係用英文同職員講幾多位會比較好。
3. 韓國手機訊號超級好？
通常喺香港傾電話嗰陣，只要係搭lift或者落地牢，可能訊號都唔係收得幾好。
但係喺韓國，大家完全唔洗擔心呢個問題，訊號同網路一啲都唔受影響，而且仲收得好清楚。
4. 韓國男人化妝/霧眉比例超高？
韓國男人貪靚係人都知，但大家又知唔知其實好多韓國男仔出街都會化妝嘅呢？
 |  |
好多韓國男仔眉毛睇落去好整齊、有型，有時未必係靠化妝，反而係靠霧眉。
喺韓國，男仔去霧眉比例其實同女仔唔會差好多，唔少年青男仔都會去做，甚至年紀比較大嘅人都會去。
5. 韓國Starbucks幾乎冇加過價？
呢幾年韓國物價可以話加得好快，無論係食方面定購物方面都一直加緊價。
小編好記得早幾年，人蔘雞湯一份只需₩12,000，而家加到至少要₩15,000以上。
雖然好多店鋪都一直加價，但唯一加得最少嘅可以話係韓國Starbucks。
佢由2014年到而家只係加過₩200，同其他鋪頭相比，Starbucks可以話冇加過。
6. 韓國冇颱風假？
김봉규 선임기자
雖然颱風多數都係喺亞熱帶地區，韓國相對好少發生。
但大家又知唔知韓國同日本一樣都係冇颱風假，放唔放就要睇公司點決定。
所以就算韓國打幾號風都好，好多韓國人都係會照返工（好似小編咁ㅠㅠ）。
7. 韓國大學生暑假都放超長？
香港暑假大約係放兩個月左右，但韓國大學生暑假除咗會由6月尾放到9月頭之外，喺寒假仲會由12月尾放到2月、3月頭。
整體嚟講，韓國大學生一年只係需要上7個月堂左右，諗起都覺得幸福。
8. 北韓識字率100%？
亞洲地區文盲率最低國家就係日本同韓國。
韓國喺廢除漢字之後，識字率每年升高，當代可以話冇人唔識字，而老人識字比率更係高於世界各國。
有唔同官網表示北韓人基本上都係識字率100%，但事實係唔係......就真係冇人知啦....哈哈。
9. 韓國根本冇端午節？
喺華人心目中，「端午節」係一個好重要嘅日子，喺早幾年，因為網上有新聞消息表示韓國人公開講端午節係屬於韓國。
江陵端午節
呢個謠言已經證實係假嘅，實際上韓國人申請嘅文化遺產「江陵端午祭」，其實只係咁啱同華人過嘅「端午節」係同一日。
10. 韓國人性格超急？
呢點算可以話係韓國人嘅習慣，佢哋口頭蟬成日都會講「빨리 빨리（Bbal-ri/快啲快啲）」。
小編嚟韓國都真係發現，韓國人同香港人性格一樣都好急。
唔知係唔係因為咁，韓國嘅網路速度都特別快呢？（講笑）
以上係小編整理出韓國冷知識補充下集，希望大家會鍾意啦。
✨馬上Follow我哋IG
instagram.com/creatrip.hk
| 其他延伸閱讀 | |
 韓網關閉熱搜詞 |  性行為避孕比例 |