韓國微整形/護膚療程｜麗延長(江南/弘大/明洞)
韓國稱為「美容大國」，想做美容手術去邊間好？海芙音波拉提喺韓國好流行！
Hello，大家好，我哋係由韓國人每日提供最新韓國旅行資訊嘅Creatrip。
講到美容，又點可以唔提韓國呢？佢哋喺美容產業方面做得相當好，唔單止有各種手術，用嘅材料都係自己開發！今日小編想同大家介紹一個喺韓國非常普遍嘅微整形手術，整完即刻好似後生咗10歲咁！有興趣嘅朋友就繼續睇啦！
撳我睇價錢&預約資訊👇🏻
弘大/江南/明洞微整型「麗延長」資訊
江南分店
- 地址：서울 서초구 강남대로 403 18F
- 營業時間：
- 星期一至五 10:00 - 20:00
- 星期六 10:00 - 18:00
弘大分店
- 地址：서울 마포구 동교동 166-13 삼양세븐스프링스 6F
- 營業時間：
- 星期一至五 10:00 - 20:00
- 星期六 10:00 - 18:00
明洞分店
- 地址：서울 중구 명동길 14 5F
- 營業時間：
- 星期一至五 11:00 - 20:00
- 星期六 11:00 - 18:00
- 星期日 11:00 - 17:00
弘大/江南/明洞微整型「麗延長」招牌療程簡介
1. 宇宙版海芙音波拉提療程
隨住年紀變大，人嘅臉部肌肉同皮膚都會開始鬆弛，令臉部輪廓冇以前咁立體，而且睇落會好似肥咗咁。最注重外貌嘅韓國人喺呢個時候就會去做「宇宙版海芙音波拉提療程（Shurink Universe）」！
呢個係最近喺韓國非常受到矚目嘅一種拉提法，用專業高強度機器，利用3段雷射，傳達能量至皮膚最深層4.5mm纖維肌膜層，拉提下垂肌膚！
成個療程大約需時30~60分鐘，效果會喺1~4個禮拜後最明顯，通常可以維持到3個月。而且做完療程之後仲可以即刻化妝，亦都可以同其他美容療程一齊做，所以如果大家有臉部肌膚下垂問題，推薦大家做「宇宙版海芙音波拉提療程（Shurink Universe）」！
2. 肉毒桿菌素注射療程
相信講起微整型，大家都會諗起打肉毒桿菌，因為佢算係一個比較簡單同安全嘅修飾臉型方法！
通常肉毒桿菌都係用嚟解決皺紋同方臉問題，成個療程大約只需要30~40分鐘，2個禮拜之後效果就會更加明顯，通常可以維持到6個月左右。不過要注意療程後唔好直接按壓療程部位，一開始亦都可能會有少少痛，不過2~3個鐘頭之後痛楚就會消失，所以唔需要擔心！
3. 瘦臉針
最後想介紹俾大家嘅係瘦臉針！瘦臉針有助溶解臉部脂肪、刺激淋巴同血管，達至排毒同消除脂肪嘅效果。
呢個療程完全唔需要做麻醉，而且只需要10~15分鐘就完成，效果亦都非常顯著！
如果有需要，療程之後可以幫你冰敷10~15分鐘。根據每個人體質而異，有人可能打完針之後療程部位會腫或者瘀，不過好快就會退。療程之後可以正常化妝同洗臉，效果會喺3~4日後最明顯！
弘大/江南/明洞微整型「麗延長」介紹
小編有事先做過功課，瞭解咗幾款美容療程，最後決定要嚟「麗延長」江南店做「宇宙版海芙音波拉提療程（Shurink Universe）」！呢款療程比起以前嘅海芙音波療程會冇咁痛，而且療程時間亦都比較短！
「麗延長」江南店提供各種語言服務，就算唔識講韓文都可以輕鬆溝通到，入到去只要跟住指示牌行就得啦！
「麗延長」江南店入面仲有一部無人退稅機，大家如果需要退稅可以喺度整。
透過我哋預約嘅朋友們上到去之後就可以直接去櫃檯，將預約憑證同身份證明文件（護照/外國人登錄證）出示俾職員睇。
確認好資料之後大家就可以去大堂坐低等叫名~ 小編當日去嘅時候發現唔止女仔，現場都有好多男仔嚟做療程！
大約等咗10分鐘就輪到小編啦！入到諮詢室之後小編就同專家講咗有咩煩惱，專家亦都好仔細咁幫小編分析臉型同皮膚，最後決定做頭先介紹嘅「宇宙版海芙音波拉提療程（Shurink Universe）」，整返塊V臉！
傾完之後專家就幫咗小編搽麻醉膏，等20分鐘之後就可以洗走佢。
洗臉區有齊洗臉乳、毛巾、Lotion等等，唔需要自己額外再帶卸妝或者潔面產品，好方便！
之後就正式入療程室做treatment啦！成個過程大約用咗10~15分鐘，療程師用呢部機反覆刺激小編嘅臉頰、嘴角同下巴等等嘅部位，雖然有幾個位會有啲拮拮地，不過完全冇想像中咁痛，而且好快就整完！
之後職員就幫小編搽咗有鎮靜成份嘅product，咁就唔會出現紅腫問題啦~ 而效果方面，通常做完當下唔會有太大轉變，大概喺1~4個禮拜後會最明顯（因人而異）！
小編做完療程大約1個禮拜之後就開始feel到塊臉明顯變得更加緊緻，下巴亦都有變尖到！呢個效果大約可以維持到3個月左右，keep住去做嘅話更加可以維持年輕嫩滑肌膚，令小編都好心動好期待~ 呢個療程比其他拉提方法更加安全，價錢亦都相對比較平，如果大家有興趣，不妨可以透過我哋預約！
※以上為親身接受療程後寫嘅體驗後記
撳我預約👇🏻
以上係弘大/江南/明洞微整型「麗延長」嘅介紹，有任何問題請先詳閱呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Mail：help@creatrip.com