2023/2024 韓國百大景點 — 首都圈篇

Hello，大家好，我哋係由韓國人每日提供最新韓國旅行資訊嘅Creatrip。

而家世界各地都開返關，大家去旅行方便好多！不過太耐冇嚟過韓國，唔知道有咩地方好去？最近韓國觀光公社評選出2023/2024韓國百大景點，大家可以參考以下呢個list，到時候嚟首爾或者周邊城市旅行就知道邊度必去啦！小編亦都有另外整理好其他地區嘅官方推薦景點，最近plan住嚟旅行嘅朋友記住click埋入去睇啦！

慶尚道篇 忠清道篇

全羅道篇 江原道篇

濟州篇

2023/2024 韓國百大景點（首都圈）

1. 首爾林（서울숲）

• 地址：서울특별시 성동구 뚝섬로 273
• 開放時間：

• 費用：免費

如果話紐約最出名嘅公園係Central Park，英國最出名嘅公園係Hyde Park，咁相信首爾最出名嘅公園就一定係「首爾林」！「首爾林」佔地超過59萬平方米，由4個主題區域組成。嚟呢度除咗可以欣賞大自然景色之外，附近都越開越多餐廳同Cafe，可以話係最近韓國年輕人嘅聚腳地！

「首爾林」詳細介紹

2. 樂天世界塔 Seoul Sky觀景台（롯데월드타워 서울스카이）

撳我買飛

• 地址：서울특별시 송파구 올림픽로 300
• 開放時間：星期日至四 10:30 – 22:00，星期五、六、公眾假期 10:30 - 23:00
• 費用：₩ 27,000 (Creatrip 優惠價 ₩22,500)

樂天世界塔係全首爾最高嘅建築物，上到最頂層嘅「Seoul Sky觀景台」可以俯瞰到首爾全景，而且朝早同夜晚嚟完全唔同feel！小編個人認為黃昏嗰陣上去最好，影完勁靚嘅日落之後仲可以等埋睇夜景~

「樂天世界塔Seoul Sky觀景台」詳細介紹

3. 益善洞（익선동）

*同時為 21/22韓國百大觀光景點之一

• 地址：서울특별시 종로구 익선동

「益善洞」位於首爾中心，充滿住各種餐廳同Cafe，仲有好多特色鋪頭，全部都係由韓屋改建而成，所以亦都被成為迷你韓屋村！附近就係嚟韓國必去景點之一嘅仁寺洞，大家嚟旅行就可以順便plan埋益善洞落行程度啦~

「益善洞」Cafe總整理

4. 昌德宮與後苑（창덕궁와 후원）

*同時為 19/20、21/22韓國百大觀光景點之一

• 地址：서울특별시 종로구 율곡로 99
• 開放時間：

• 費用：₩3,000~ [詳情請參考昌德宮詳細介紹（撳我）]

「昌德宮」位於首爾鐘路區，係首爾五大宮殿之一，1997年被指定為聯合國世界文化遺產。昌德宮最特別嘅係呢度有一個好靚嘅後苑，係以前王族休息嘅地方。不過為咗保護文化財產同仲未被破壞嘅自然生態，每日入場人數有限，仲唔一定入到去添！雖然現場可以買到飛，不過有興趣嘅朋友最好喺網上預約咗先去~

首爾聯合國世界文化遺產一日遊

5. 西村（서촌마을）

• 地址：서울특별시 종로구 필운대로 45

「西村」係韓國一個老區，距離景福宮好近。呢度充滿住古色古香嘅韓屋，亦都有五顔六色嘅壁畫，係一個現代同傳統共存嘅地方。呢度當然仲有好多美食同Cafe，鍾意去傳統市場嘅朋友仲可以行埋去附近嘅通仁市場掃街~

西村吃喝玩樂總整理

6. 樂天世界（롯데월드）

撳我買飛

• 地址：서울특별시 송파구 올림픽로 240
• 開放時間：10:00 - 21:00（可能會根據各種因素而有變，去之前請先確認時間）
• 費用：全日通 ₩59,000 （Creatrip優惠價 ₩41,000 ）

相信講起韓國主題公園，大家都會諗起「樂天世界」！「樂天世界」分成室內同室外兩個園區，兩邊都有好多機動遊戲，無論係大人定小朋友都一定會玩得開心。當然更加唔少得要去魔幻城堡打卡啦！

「樂天世界」詳細介紹

7. 景福宮（경복궁）

* 同時為 15/16、17/18、21/22韓國百大觀光景點之一

• 地址：서울특별시 종로구 사직로 161
• 開放時間：

*逢星期二關閉

• 費用：成人₩3,000、小童₩1,500（著韓服入場免費）

「景福宮」喺韓國五大宮殿之中規模最大，嚟呢度可以影到唔少靚相，加上每日都會有表演，唔少人嚟韓國都會去過一次。由光化門開始，經過勤政殿、思政殿、慶會樓、修政殿等地方，大家可以瞭解韓國歷史之外，仲可以影返幾輯靚相！（小編建議如果天氣好嘅話，可以喺附近租套韓服，可以免費入場之餘影出嚟嘅相效果會更加好~）

「景福宮」詳細介紹

8. 東大門設計廣場 DDP（동대문디자인플라자）

* 同時為 19/20、21/22韓國百大觀光景點之一

• 地址：서울특별시 중구 을지로 281
• 開放時間：10:00 – 20:00（1月1號、年初一、中秋當日休息）

「DDP」係一個複合文化空間， 建築由全世界最知名設計師之一Zaha Hadid所設計，呈流線型，外觀非常有設計感，成為首爾市中心最靚大型建築之一。呢度會成日舉辦各種文化活動，例如展覽、Fashion Show、新產品展示等，最近流行緊啲咩都可以喺度知得一清二楚！

「東大門DDP」總整理

9. N首爾塔/南山塔（남산타워）

撳我買飛

• 地址：서울특별시 용산구 남산공원길 105
• 開放時間：星期一至四 12:00 - 22:00、星期五至日及公眾假期 11:00 - 22:30（觀景台閂門前30分鐘可以入場）
• 費用：

相信唔少朋友嚟韓國旅行嘅其中一站都會係「N首爾塔」。無論係朝早定係夜晚嚟都一樣咁靚，上到觀景台更加可以俯瞰到首爾全景！講個小知識俾大家聽，其實一到夜晚大家可以靠佢嘅燈觀察首爾地區空氣品質，綠色係最好，紅色係最差~ 事先透過我哋買飛仲會有優惠，千祈唔好錯過啦！

「N首爾塔」總整理

10. 昌慶宮（창경궁）

* 同時為 15/16、17/18、19/20、21/22韓國百大觀光景點之一

• 地址：서울특별시 종로구 창경궁로 185
• 開放時間：09:00 – 21:00（最後入場時間 20:00）、星期一休息
• 費用：成人 ₩1,000、青少年 ₩500（6歲以下兒童、65歲以上老人家、著韓服人士免費）

景福宮夜景唔洗成日有得睇，不過「昌慶宮」就全年都會開到夜晚，所以好多人都會專登嚟睇夜景！最特別嘅係入面除咗傳統韓式建築，仲有個大溫室，四周圍亦都有好多綠色植物。而且昌德宮就喺隔離，大家可以plan呢兩個景點喺同一日！

「昌慶宮」總整理

11. Starfield COEX Mall（스타필드 코엑스몰）

* 同時為 19/20、21/22韓國百大觀光景點之一

• 地址：서울특별시 강남구 영동대로 513
• 開放時間：10:30 - 22:00

比起香港，其實韓國並唔算多商場，而位於 三成洞嘅「Starfield COEX Mall」就係首爾其中一個最大型嘅購物中心啦！韓國旅行必去景點之一嘅「星空圖書館」同COEX水族館都係喺呢度，而且成個商場勁大，有好多嘢可以睇~

「Starfield COEX Mall」總整理

12. 青瓦臺前步行路（청와대 앞길）

• 地址：서울특별시 종로구 궁정동

한국관광공사

自從新韓國政府上位，總統府搬遷之後，青瓦臺正式開放俾公眾參觀，好多人都趁呢個機會入去睇前總統府入面到底係咩樣。呢條步行路係指孝子洞三岔路口至八判洞三岔路口嘅路段，中途會途徑青瓦臺噴水池、迎賓館、木槿花公園等等嘅地方。

13. 弘大（홍대）

* 同時為 17/18、19/20、21/22韓國百大觀光景點之一

• 地址：서울특별시 마포구 홍익로 20

以韓國年輕人聚集地為名嘅「弘大」係遊客嚟韓國玩必去嘅地方，無論係想shopping、食嘢、落Club、睇戲定體驗娛樂活動，呢度都一應俱全。而且講起弘大，當然唔少得街頭表演啦！疫情放緩之後陸陸續續都有人會喺度唱歌跳舞，想感受韓國當地氣氛一定要嚟弘大~

弘大美食總整理

14. 德壽宮（덕수궁）

* 同時為15/16、17/18、21/22韓國百大觀光景點之一

• 地址：서울특별시 중구 세종대로 99
• 開放時間：09:00 – 21:00（最後入場時間 20:00）、逢星期一休息
• 費用：成人 ₩1,000、小童 ₩500（著韓服人士免費，每個月最後一個禮拜三免費）

「德壽宮」係朝鮮王朝最後一個宮殿，見證住朝鮮王朝500年歷史同韓國日佔時期嘅悲慘經歷。宮殿入面唔單止有傳統韓式建築，仲有朝鮮早期嘅西式建築，勁有特色！

「德壽宮」總整理

15. 慶熙宮（경희궁）

* 同時為 15/16、17/18、21/22韓國百大觀光景點之一

• 地址：서울특별시 종로구 새문안로 45
• 開放時間：09:00 - 18:00（1月1號、星期一休息）
• 費用：免費

慶熙宮係首爾五大宮殿之一，不過因為大部分宮殿喺唔同時期被燒毀，而家成為呢五座宮殿之中最細嘅一個。 雖然呢到整體唔大，不過可以令人更認真睇到宮內細節，而且免費入場，唔想同人逼都可以嚟呢度。

「慶熙宮」總整理

16. 臨津閣 和平世界公園（임진각 평화누리공원）

* 同時為 21/22韓國百大觀光景點之一

• 地址：경기도 파주시 문산읍 임진각로 177

坡州「臨津閣」距離三八線只有7公里，原封保留住韓國6.25戰爭當時嘅痕跡同歷史。 呢度有展館同一個佔地接近10萬平方米嘅「和平世界公園」等地方可以參觀。想深入瞭解韓國歷史就一定要親身嚟一次，切身感受戰爭為韓國同韓國人民帶嚟嘅影響。

17. 漢灘江國際地質公園 才人瀑布（한탄강 국가지질공원 재인폭포）

• 地址：경기도 연천군 연천읍 부곡리 192
• 開放時間：[夏季] 10:00 – 17:30、[冬季] 10:00 – 16:00
• 費用：免費

「才人瀑布」係韓國漣川郡最有代表性嘅地址遺產，位於由27萬年前發生嘅火山爆發而形成嘅漢灘江流域。瀑布勁壯觀同涼爽，所以大部分人都鍾意夏天或者秋天嚟呢度欣賞咁靚嘅景色。瀑布前面仲有一個觀景臺同天空步道，大家可以喺唔同角度欣賞呢個自然靚景。

18. HEYRI藝術村（헤이리 예술마을）

* 同時為 15/16、17/18、21/22韓國百大觀光景點之一

• 地址：경기도 파주시 탄현면 헤이리마을길 70-21
• 開放時間：全日開放（展覽及園區內餐廳開放時間不一）
• 費用：免費（注意園區內部分區域可能會收取入場費）

「Heyri藝術村」係首爾郊區藝術家居住嘅地區，現時總共有超過300個藝術家住喺度。藝術村兩邊有博物館、展覽館同各種藝術主題獨特建築，而其中一棟建築就係韓劇《秘密花園》中主角吉蘿琳就讀嘅學校啦~ 入面亦都有小劇場、Cafe、餐廳、書店等等，鍾意藝術嘅朋友們一定要去返次！

坡州一日遊行程推介

19. 光明洞窟（광명동굴）

* 同時為 21/22韓國百大觀光景點之一

• 地址：경기도 광명시 가학로85번길 142
• 開放時間：星期二至日 09:00 - 18:00 (最後入場時間為17:00)
• 費用：成人 ₩6,000、青少年 ₩3,500、小童 ₩2,000

「光明洞窟」有全韓國最佳洞穴主題公園之稱，喺日本統治時期本身係一個礦坑，光明市喺2011年將呢個廢棄礦坑改建成歷史文化景點之後，每年吸引超過100萬人參觀。

20. 首爾樂園（서울랜드）

* 同時為 17/18、21/22韓國百大觀光景點之一

撳我買飛

• 地址：경기도 과천시 광명로 181
• 開放時間：10:00 – 20:00 （ 可能會根據各種因素而有變，去之前請先確認時間 ）
• 費用：全日通原價成人₩49,000、青少年₩46,000、小童₩43,000（Creatrip優惠價+套票）

「首爾樂園」係韓國第一座主題公園，距離首爾站同明洞站車程都只係30分鐘左右，而且附近亦都有首爾大公園同國立現代美術館等等著名景點，交通方便至於仲多嘢睇~ 「首爾樂園」入面無論係刺激嘅機動遊戲定打卡點都應有盡有，仲會搞埋燈光節添啊！

「首爾樂園」詳細介紹

21. 仁川中國城（차이나타운）

* 同時為 19/20、21/22韓國百大觀光景點之一

• 地址：인천광역시 중구 차이나타운로59번길 20

「仁川中國城」以前曾經係中國貨品買賣地，而家演變成為中國餐廳聚集地。可能對於華人旅客嚟講「中國城」未必係一個好吸引嘅景點，不過對於韓國人嚟講，講起仁川就一定要去呢度！

仁川「月尾島&中國城」景點推薦

22. 松島中央公園（송도 센트럴파크）

* 同時為 19/20、21/22韓國百大觀光景點之一

• 地址：인천광역시 연수구 컨벤시아대로 160
• 開放時間：平日 10:00 – 19:00、週末 10:00 - 21:00

「松島中央公園」係韓國第一座引入海水而建成嘅水上公園，除咗可以去散步，大家仲可以去玩水上獨木舟同坐船仔！而且因為佢位於松島核心地帶，同好多餐廳同酒店都好近， 喺呢度relax返陣之後就可以繼續你嘅仁川之旅！

仁川「松島」購物及景點介紹

23. 白翎島（백령도）

• 地址：인천광역시 옹진군 백령면 백령로

한국관광공사

位於仁川嘅「白翎島」形狀似一隻朱鷺揮動住白色嘅翼喺天上飛，呢個島亦都因而得名。不過因為呢度同北韓距離得好近，而且亦都屬於軍事重地，所以要入去必須要辦理手續。「白翎島」入面有沙灘同鵝卵石海岸，仲可以睇到玄武岩，真係好特別！

24. 松月洞童話村（송월동 동화마을）

• 地址：인천광역시 중구 동화마을길 38

한국관광공사

「松月洞童話村」 本來係一個住宅區，不過因為越嚟越多年輕人離開，導致呢度逐漸沒落。所以為咗活化呢個社區同改善環境，韓國人以花同童話故事為主題，將呢度改造成一個夢幻嘅童話村。

仁川「松月洞童話村」總整理

25. 大青島（대청도）

• 地址：인천광역시 옹진군 대청면

大青島係一個位於仁川嘅小島，大部分居民都係以捕魚同耕種為生。呢度魚種豐富，而且四周圍都冇被污染，係釣魚發燒友嘅聖地。因為呢度距離黃海道長山岬只有19km，所以亦都係韓國嘅戰略性要衝地。

26. 江華島徒步旅行徑（강화 원도심 스토리워크）

* 同時為 21/22韓國百大觀光景點之一

• 地址：인천광역시 강화군 강화읍 관청길27번길 10

睇到個名都知道，其實呢個並唔係一個觀光景點，而係韓國觀光公社推薦嘅一條旅行路線，途徑一連串對江華島歷史，乃至於韓國近代史非常重要嘅建築同地方，例如江華聖堂、江華3.1獨立紀念碑、朝陽紡織廠等等。

27. 鱉島（자라섬）

• 地址：경기도 가평군 가평읍 자라섬로 60

位於加平嘅「鱉島」由4個小島組成，因為附近有一個好似鱉（水魚）嘅小山坡，所以被稱為鱉島。島上面除咗有生態公園之外，每年仲會舉辦鱉島國際爵士節，韓國人亦都會嚟呢度露營。而且韓劇《IRIS》亦都曾經嚟過呢度取過景添啊！

28. 兩水里（두물머리）

* 同時為 21/22韓國百大觀光景點之一

• 地址：경기도 양평군 양서면 두물머리길 145

한국관광공사

呢個地方係北漢江同南韓江嘅匯集點，所以被稱為「兩水里」。除咗係好多韓劇、電影同廣告拍攝場地，有好多新婚夫婦都會專程嚟呢度影婚紗相，可想而知呢度風景真係好靚！想遠離石屎森林，呼吸新鮮空氣嘅話，小編推薦大家嚟呢度玩~

29. 水原華城（수원화성）

• 地址：경기도 수원시 장안구 영화동
• 開放時間：09:00 - 18:00

「水原華城」係朝鮮王朝正祖為咗紀念佢嘅父親，當時打算將首都由首爾搬到水原嘅時候興建嘅宮殿同住所。雖然喺日佔時期同韓戰嘅時候曾經被破壞，但經過韓國政府喺70年代重修之後，而家成為韓國唯一一個仍然保持完整嘅堡壘，喺1997年正式被指定為聯合國文化遺產。

「水原華城」徒步之旅

30. 愛寶樂園（에버랜드）

* 同時為 15/16、17/18、19/20、21/22韓國百大觀光景點之一

撳我預約

• 地址：경기도 용인시 처인구 포곡읍 에버랜드로 199
• 開放時間：10:00 - 19:00 （每個月開放時間都未必一樣，去之前請先確認時間 ）
• 費用：全日通原價 ₩46,000~（Creatrip外國人專用全日通 ₩33,500~、專車接送服務+全日通 ₩74,000）

講到韓國主題公園，相信除咗樂天世界之外，最多人會諗到嘅仲有「愛寶樂園」！「愛寶樂園」係全韓最大主題公園，每日都有來自世界各地嘅人嚟玩同打卡，好多中小學搞學校旅行都會嚟！因為呢度有好多款機動遊戲，夜啲亦都有花車巡遊表演睇，所以小編建議大家可以預一日時間喺度玩！

「愛寶樂園」總整理

31. 安城牧場（안성팜랜드）

* 同時為 21/22韓國百大觀光景點之一

• 地址：경기도 안성시 공도읍 대신두길 28
• 開放時間：

• 費用：

嚟到「安城牧場」，大家可以近距離接觸同餵牛、羊、鵝、豬、驢等等動物，甚至仲可以體驗騎馬！園區入面亦都有各種遊樂設施，非常適合一家大細嚟玩。

32. 韓國民俗村（한국민속촌）

* 同時為 21/22韓國百大觀光景點之一

• 地址：경기도 용인시 기흥구 민속촌로 90
• 開放時間：10:00 – 18:30（每個季節開放時間都唔同，去之前請先確認時間）
• 費用：成人/青少年 ₩32,000、兒童₩26,000

「韓國民俗村」，顧名思義就係向參觀人士展示韓國傳統文化嘅地方，大家可以喺度進行各種文化活動同睇表演，親身體驗韓國風俗。

以上就係韓國觀光公社評選出嘅2023/2024韓國百大景點入面位於首都圈嘅地方，下次嚟首爾旅行就有多啲選擇啦！

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購