景福宮周邊景點總整理
首爾景福宮周邊景點總整理!北村西村一次整理!
Hello!大家好~~~
我哋係由韓國人每日提供最新韓國旅遊資訊嘅Creatrip!
大家應該都聽過"景福宮"呢個地方,
去開景福宮嘅應該仲會聽過西村,北村,三清洞等等呢啲地方嘅名。
呢些地方都喺景福宮嘅附近,甚至行都可以到!
因為有好多人唔太知道景福宮嘅附近,
到底有咩其他觀光景點而行咗好多冤枉路,真係好可惜!!
所以~~而家就要帶大家嚟了解下,神秘嘅景福宮附近到底仲有咩值得去嘅地方啦!
<睇呢篇文之前,仲可以參考呢啲關於韓國旅行嘅文章>
【首爾旅遊】 穿上美麗的韓服來一趟景福宮、北村韓屋村、三清洞之旅吧~首爾韓服旅遊行程!
【首爾旅遊】 還在煩惱怎麼計劃行程嗎?推薦景福宮西村的旅遊景點!
【韓國首爾:景福宮】來去景福宮附近的西村旅遊吧!西村景點、美食、購物~2018年必去!
【首爾地鐵三號線】搭乘地鐵征服首爾吧!搭上地鐵三號線來一趟首爾之旅!
穿住韓服想影靚相,又驚遇上豬隊友? 景福宮|西村照相館|免費線上預約 專業攝影,現場晒相,等你可以將著韓服嘅回憶留底
韓國歐爸|中文導覽人力車 景福宮|西村、北村歐巴人力車 景福宮西村、北村韓屋村、三清洞、青瓦台之旅
首爾|韓服商家租借總整理 含價位、Creatrip會員優惠、各家比較
Creatrip會員享景福宮西村咖啡廳9折優惠 景福宮西村咖啡廳|Astarte & relax
韓國自由行1. 景福宮周邊景點介紹
今天主要要介紹嘅係景福宮附近嘅景點~
以景福宮為中心,周邊其實有好多好值得去嘅地方
重點係:每個地方都充滿韓國傳統氣氛!
如果係想去一次可以欣賞到韓國傳統嘅行程,
咁呢幾個地方都可以列入你嘅韓國自由行行程範圍之內㗎~~
咁接下嚟我哋就開始一個地點一個地點咁開始介紹可以去嘅景點同埋美食等資訊畀大家啦!
韓國自由行2. 景福宮 (경복궁)
首先梗係要先介紹一下最中心點-景福宮先啦!
好多人提到景福宮呢個地方都係指呢一整個區域,所以會介紹ㄧ啲景福宮美食,景福宮Cafe等等
不過其實呢啲都係喺佢周邊嘅西村或北村呢啲地方
正確嚟講"景福宮"就淨喺指呢一座古老嘅皇宮建築~
景福宮之所以可以咁出名,正正因為佢係喺首爾呢個現代化嘅城市入面。
景福宮係一個最具代表性嘅韓國傳統建築,大家可以喺呢度睇到歷史嘅痕跡~
所以變成咗好多觀光客同韓國人自己都會去嘅景點~
每年景福宮都會開放夜間觀覽以及進行一啲好有趣嘅文化活動,
畀嚟參加夜間觀覽嘅人可以體驗到唔一樣嘅景福宮!
如果嚟到韓國想體驗下韓國嘅傳統樣貌,不如就穿住韓服嚟景福宮睇下啦!!
<同場加映 - 2018最新夜間特別觀覽資訊>
【韓國首爾旅遊:景福宮】 2018最新!景福宮,昌慶宮等夜間特別觀覽公告總整理!揭開古宮們的神秘面紗吧~
韓國自由行3. 景福宮周邊:西村
接住落嚟就要為大家介紹西村啦~
喺西村呢度比較冇咩好主要嘅旅遊景點,
但係就有好好味嘅韓國美食同Cafe~XD
韓國自由行:景福宮 西村 - 通仁市場 (통인시장)
營業時間 : 11:00~17:00 (銅幣只開到每日下就四點) 公休日 : (便當 café )每周一、第三個星期日,節日連休 / (通仁市場) 第三個星期日, 節日當日 住址 : 서울특별시 종로구 자하문로15길 18 |
首先要為大家介紹喺景福宮西村呢個地方又好玩又有趣嘅景點,
就係好出名嘅"通仁市場"啦!
通仁市場以前其實冇咗出名,甚至一度沒落,面臨消失,
喺幾年前開始咗「銅板便當」之後,
成為咗一個有好多人會想嚟一探究竟號市場!!
同其他市場唔一樣,喺通仁市場可以用5000Won就可以買到便當盒+銅錢10個。
只要拎住銅錢去市場入面裝唔同嘅小食做成屬於自己嘅便當,
炒豬腸、炒豬肉、綠豆煎餅、各種煎餅、辣炒年糕同炸豬排等等,
都可以喺呢度見到,做成獨一無二嘅便當~
可以食到好好味嘅食物,又可以體驗好似韓國古代一樣用"銅錢"買嘢嘅感覺
令好多人都爭相嚟呢度體驗㗎!!
如果唔想特別用Won去換"銅錢"嚟玩呢個活動,
其實都可以用普通嘅Won去買,唔洗擔心!!
<同場加映 - 通仁市場詳細攻略>
【首爾旅遊】景福宮周邊必去!好吃又有趣,通仁市場銅錢便當探訪記!
韓國自由行:景福宮 西村 - 泡麵店 (라면점빵)
營業時間 : 09:00 - 20:00 (一~六) / 最後點餐時間 20:00 公休日 : 禮拜天 住址 : 서울 종로구 자하문로1길 39 |
接落嚟要為大家介紹喺西村附近嘅韓國美食,
其實呢一間係一間好、唔係好起眼嘅餐廳~
但係畀<三大天王>介紹之後,就人氣大爆發!
小編都因為咁去幫襯,估唔到又真係幾好食~
呢一間之所以好食係因呢到嘅湯唔係用即食麵嘅調味粉,而係用老闆自己寫嘅湯頭!
還加咗好多配料,所以就會好似張相一樣,
食碗呢碗真係好快就飽啦!!
小編自己最鍾意嘅就係呢度嘅湯頭真係好好飲~~~
不過麵就煮得有啲太腍...
如果唔喜歡食太腍嘅麵嘅話可能會有啲失望,
但重點係湯頭,好值得推薦畀大家!!!
<韓國美食 - 泡麵店詳細資訊>
韓國自由行:景福宮 西村 - COCO BLANC (코코블랑)
營業時間 : 10:00~21:00 住址 : 서울 종로구 옥인동 146 |
要推薦喺景福宮西村附近嘅甜點!就係呢一間鋪啦~~
呢間韓國美食Cafe入面嘅"士多啤梨蛋糕"真係好好食,係嚟呢間鋪必叫嘅甜品之一!
如果嚟到西村附近想食一啲蛋糕甜品嘅話,就一定要嚟呢度食下啦~
對唔太鍾意食忌廉嘅朋友嚟講,呢間鋪嘅忌廉都好易入口,可以接受。
小編自己都唔太鍾意食忌廉,
但呢度嘅士多啤梨蛋糕上面嘅忌廉真係會令人忍唔住食晒ㅠ ㅠ
除咗嘢食好好食之外,呢度嘅裝修同埋杯盤都好靚好典雅,
係一個好啱影相嘅地方!
好影又好食,一次過滿足兩個願望嘅Cafe就非呢度莫屬啦~
每次嚟到呢度都會希望自己嘅胃係無上限嘅,可以食多幾舊蛋糕~哈哈!
<韓國美食 - COCO BLANC嘅詳細資訊>
!同場加映 - 西村相關旅遊攻略!
【韓國首爾:景福宮】來去景福宮附近的西村旅遊吧!西村景點、美食、購物~2018年必去!
韓國自由行4. 景福宮周邊:北村(三清洞)韓屋村
其實上面呢個地圖只係大致上嘅分布。
因為「北村韓屋村」係包含三清洞、嘉會洞、昭格洞等,係朝鮮時代上流人士住過嘅地方,
所以三清洞同北村韓屋村冇好明顯嘅區塊劃分,
只係畀大家睇下一般嚟講提到呢啲地方會指邊一啲區域~
而且基本上呢一個區都可以見到好多傳統嘅韓屋!!
不過要注意嘅係,北村韓屋村到而家依然係住宅區域,
並唔係純粹嘅觀光區域~
所以嚟到北村韓屋村同三清洞嘅時候,要注意一下音量,
避免大聲喧嘩而嘈到當地居民啊~
韓國自由行:景福宮 北村(三清洞) - 吃休錢走年糕鍋 三清洞店 (먹쉬돈나 삼청동점)
營業時間 : 11:00~20:40 住址 : 서울 종로구 율곡로3길 74-7 |
「吃休錢走」三清洞分店位於首爾觀光區入面,
係一間深受外國人喜愛嘅年糕鍋連鎖店。
而對於小編嚟講,呢一間餐廳係一間食完仲會想再食嘅韓國美食,
會一去再去!
因為年糕鍋入面仲會加其他配料,同一般路邊嘅辣炒年糕絕對係唔同level XD
有芝士年糕、海鮮年糕、燒肉年糕、香腸/火腿年糕、蔬菜年糕,
仲可以另外加雞蛋、烏冬、冬粉等等嘅配料,
當然食年糕一定要一食嘅炸物呢度都可以叫啦~
另外,強烈推薦大家食完之後一定要叫埋炒飯!
用剩番嘅湯汁炒嘅炒飯超級無敵好好食,係呢間韓國美食精華中嘅精華~
<韓國美食 - 吃休錢走年糕鍋 三清洞店詳細資訊>
韓國自由行:景福宮 北村(三清洞) - 萬壽的庭院 (만수의 정원)
營業時間 : 每天 12:00~21:00 住址 : 서울특별시 종로구 북촌로5가길 35-2 |
呢間有美麗庭院嘅韓式餐廳,喺裝修上面結合咗現代同傳統嘅風格,
令到成間鋪都好特別~~
呢度食到嘅韓式料理選好好食又地道,
想試下最原汁原味嘅韓式料理嘅話,喺呢度絕對可以滿足!
可以喺充滿咗韓國傳統氣氛嘅地方食住韓國最傳統地道嘅美食,
完全可以畀大家體驗韓國氣氛!
另外~呢間店嘅環境都相當唔錯,如果係對於餐廳乾唔乾淨相當有要求嘅朋友,
一定會好鍾意呢間鋪頭~
除咗呢度嘅食物非常有人氣之外,就連呢度附贈嘅小菜都好受歡近!
如果喺北村韓屋村行到攰,想食好嘢嘅話,
就去呢間韓國美食餐廳試下地道嘅韓國美食啦!!
<韓國美食 - 萬壽的庭院詳細資訊>
韓國自由行:景福宮 北村(三清洞) - 喝茶的庭院 (차 마시는 뜰)
營業時間 : 11:00~22:30 住址 : 서울 종로구 북촌로11나길 26 |
接落嚟要介紹嘅呢個地方同樣充滿咗韓國傳統氣氛㗎!!
北村韓屋村同三清洞附近嘅巷仔入面有好多改造成靚Cafe嘅地方,
而Cafe <喝茶的庭院>,就喺一間細細嘅韓屋入面,有一個充滿魅力嘅庭院,真係名副其實!
經過唔起眼嘅樸素招牌後,入去會見到「口型」嘅韓屋同庭院~
庭院入面放咗各式各樣嘅植物,配埋韓屋嘅裝修,真係好襯!
而喺呢度可以飲到嘅"茶"都係充滿咗韓國傳統氣氛
坐喺呢度品茶嘅感覺,就好似自己置身喺韓國古代嘅上流社會入面歎緊一樣~哈哈!
呢度嘅茶會裝喺雅緻嘅茶器入面,同好靚嘅韓屋搭配得天衣無縫~
由玻璃窗向外望嘅話,可以享受到三清洞嘅風景,仲可以度過一段平靜嘅時光,
嚟到三清洞附近,就喺呢度暫時享受下悠閒嘅感覺啦!
<韓國美食 - 喝茶的庭院詳細資訊>
韓國自由行5. 景福宮周邊:光化門
光化門呢個地方最出名嘅就係光化門廣場啦!?
其實「光化門」係朝鮮時期最壯觀嘅宮殿──景福宮嘅正門,
而光化門廣場就被規劃喺光化門嘅前面,再延伸出去~
喺路中心嘅廣場係首爾嘅地標。
廣場中豎立咗創造韓文嘅「世宗大王」與喺倭寇手中守住朝鮮嘅偉人「李舜臣將軍」嘅銅像,
佢哋都係韓國人嘅驕傲嚟㗎~
咁接落嚟我哋就要嚟介紹下光化門呢度嘅美食啦~~
韓國自由行:景福宮 光化門 - 光化門餐廳 (광화문집)
營業時間 : 09:00~22:00 住址 : 서울 종로구 새문안로5길 12 |
光化門同景福宮附近有好多傳統嘅美食~
其中光化門餐廳就以泡菜鍋而好出名 ~
雖然鋪頭睇落去真係好舊XD
但呢度其實係一間成日都滿座嘅名店嚟㗎!
呢度嘅泡菜鍋湯頭唔會太辣,但味道好濃厚,所以好出名!
而且用料好豐富,泡菜鍋入面加咗好多豬肉同泡菜~
因為呢間店嘅份量又大又好食,
所以都上過韓國著名嘅美食節目<星期三四美食會>
雖然一般嚟講韓國年輕人比較少會鍾意食泡菜鍋呢類傳統美食,
但節目播出之後,有好多年輕人都特登嚟呢度試!
<韓國美食 - 光化門餐廳詳細資訊>
韓國自由行:景福宮 光化門 - kukka 光化門店 (꾸까 광화문점)
營業時間 : 每天 10:00~22:00 住址 : 서울특별시 종로구 율곡로 1 2층 |
喺景福宮同光化門附近嘅呢一間kkuka咖啡
唔單止可以欣賞到好靚嘅花,仲可以飲到好好味嘅咖啡!
喺呢間店入面,每個角落都可以貌到花嘅擺設,
嚟呢度就好似置身喺花海入面,畀人覺得好似畀花包圍咗咁!
而且最特別嘅是,嚟到呢度叫咖啡嘅話,店家就會送一束花畀你~
嚟呢度叫杯咖啡飲,仲會有花收添㗎~
除此之外,在這間店裡面也有單賣一小束一小束的花,
如果想要多一點的花束也可以在這裡直接購買喔!
<韓國美食 - kukka 光化門店詳細資訊>
韓國自由行6. 景福宮周邊:仁寺洞
韓國自由行:景福宮 仁寺洞 - 人人商場 (쌈지길)
營業時間 : 10:00~20:30 公休日 : 春節及中秋節當天休息 住址 : 서울 종로구 인사동길 44 |
喺仁寺洞呢度最出名嘅就係呢個地方啦!
充滿藝術同文創氣息嘅人人商場~~
人人商場入面有70幾間工藝品店、文化商品同紀念品店、畫廊、茶店同餐廳。
唔同其他千篇一律嘅商場,去人人商場可以見到好多具有特色嘅飾品!
特別係人人商場會賣好多手工飾品,
嚟到呢度可以買到好多獨特嘅紀念品,而且係韓國人經常會去嘅熱門地點嚟㗎!!
不過要注意,因為呢度主打文創同手工藝,
通常呢度賣嘅嘢都會偏貴啲啲> <
每逢特別節日嘅時候,呢度都會有一啲特殊嘅布置等等,
仲會舉辦各式各樣嘅活動!
推薦大家可以行完充滿韓國傳統文化氣息嘅景福宮之後,
順便嚟呢度睇下充滿文藝氣息嘅人人商場~~
<關於人人商場嘅詳細資訊>
韓國自由行:景福宮 仁寺洞 - 北村手工餃子 仁寺洞本店 (북촌손만두 인사본점)
營業時間 : 09:30~20:30 住址 : 서울특별시 종로구 인사동길 42-5 |
接落嚟介紹嘅呢間店其實係韓國餃子嘅霸主——北村手工餃子!!
通常大部分嘅韓國餃子同中國、台灣或者香港嘅餃子好似樣,所以外觀上冇咩韓國嘅特色,
不過食落嘅感覺相當唔一樣!
北村手工餃子係扁身嘅炸餃子,同一般亞洲圈嘅餃子唔太一樣。
除此之外,仲有一點好特別嘅係佢係由北韓咸興地區傳過嚟嘅美食,
係好難得一見嘅特別料理~
推薦大家可以叫<各樣餃子>(모듬만두),
一共有3個蒸餃、3個炸餃同埋3個圓餃,兩個人食啱啱好~
可以一次食晒咁多種口味~~夠晒滿足!
<韓國美食 - 北村手工餃子 仁寺洞本店嘅詳細資訊>
咁今日為大家介紹嘅景福宮周邊景點總整理就去到呢度啦~~
其實景福宮附近有好多好好玩又值得去嘅地方~
今天就一次過為大家介紹晒,等大家不論去到邊都有好好味嘅美食可以食!!哈哈~
如果大家對於韓國美食或者韓國自由行仲有其他問題,
可以留言問我哋㗎!!