韓國便利店必買
嚟韓國便利店必買嘅商品清單！你試過邊啲呢？2019便利店新品秘笈
Hello，大家好，我哋係由韓國人話你知每日最新韓國資訊嘅Creatrip。
＃韓國必買＃便利店
＃韓國便利店＃推薦
＃2019＃必買清單
嚟韓國旅遊，其中一樣一定要做嘅就係行當地嘅便利店！
韓國便利店有好多間，而且好好行、好好買！
不過，便利店商品有咁多，究竟有邊啲係必買、必食㗎呢？
快啲睇下小編貼嘅呢啲商品名單，仲有咩未試過嘅，就一定要嚟試下啦～
✨馬上Follow我哋IG
instagram.com/creatrip.hk/
韓國便利店必買：1. 人氣歌謠三明治
- 建議售價：₩2,200
- 便利店：GS25
舊年爆紅嘅「人氣歌謠三文治」，係出演韓國音樂節目《人氣歌謠》嘅大勢偶像都話好食嘅三文治。
GS25用呢一點做噱頭，成功做出呢款只有係SBS餐廳先買到嘅產品。
咁到底食落係咩味呢？
GS25推出嘅韓國必買商品叫做「偶像人氣三文治」，韓國7-11都好快跟風出咗類似款。
聽講材料、味道都同SBS餐廳賣嘅人氣歌謠三文治一模一樣。
不過SBS餐廳嘅三文治味道係點，就得SBS員工同大勢IDOL先知啦。
拆開包裝，就聞到一陣沙律蛋香味，同士多啤梨JAM嘅味道。
究竟呢個被喻為係韓國必買商品嘅便利店美食，食落又係點㗎呢？
食落都幾好味，原本以為士多啤梨JAM同蛋沙律嘅味放埋一齊會好貴，但出乎意料地好夾。
所以小編就決定將佢放埋喺嚟旅行行便利店個陣，韓國必買商品嘅清單入面啦！
價錢都唔貴，一份都係₩2,200。
大家未食正餐嘅，就不如去便利店買一份人氣歌謠三文治啦。
韓國便利店必買：2. 韓國香蕉牛奶
- 建議售價：₩1,400
又偷偷地加咗價ㅠㅠㅠ
韓國國民牛奶빙그래由最一開始嘅香蕉味，
到之後出草莓、咖啡、少甜同特別包裝，
再之後又出咗啲聽落都覺得怪怪地嘅桑梅、橙、荔枝味……
最後一次見到桑梅味係2018年11月
唔知大家有冇試過呢啲新口味呢？
見到呢啲桑梅、橙、荔枝味，會有啲好奇，又驚會中伏。
不過而家已經幾乎搵唔到有得賣，大家又想唔想呢啲味再上架呢？
今年五月推出嘅新口味「雲呢拿」牛奶。
雖然聽落好似都OK，但小編飲完覺得就好似飲緊融咗嘅雪糕。
韓國便利店必買：3. 韓國水果三明治
韓國便利店最必食商品，除咗啱啱提到嘅人氣歌謠三文治，
仲有幾乎每間便利店，都會出嘅「水果三文治」系列。
冬天有士多啤梨三文治，到春天就有提子三文治，仲有夏天嘅菠蘿味三文治（GS25），每一款都好特別。
尤其係呢款GS25獨家出售嘅「菠蘿三文治」，出奇地好好食，
原本以為會好怪唔係好夾，但菠蘿果肉加埋果醬、忌廉一齊食，味道好清新。
冬天嚟韓國必食嘅士多啤梨，而家唔係淨番好多。
大家如果想試到士多啤梨三文治，可能就要等到天氣變凍嘅時候啦。
韓國便利店必買：4. 辣炒雞系列
可能有啲人見到辣炒雞系列，就會諗，點解明明可以係超市買到辣炒雞麵，要特別係到介紹呢？
NONONO！今次要介紹嘅係大碗同時大辣嘅「辣炒雞年糕」。
韓國經典嘅小吃，一定要提辣炒年糕。
辣炒雞拉麵都加入咗便利店即食辣炒年糕嘅戰場，推出咗兩款辣炒雞年糕（有無芝士嘅分別）。
打開之後，入面有年糕同醬汁。
如果買粉紅色包裝嘅，就會有包芝士粉。
小編真心建議要買有芝士個種。
雖然一樣好辣，但一個係150%辣度，而另一個係99%辣度嘅差別。
將年糕同醬汁倒入碗（記得拎防腐劑出嚟）再叮一叮，就會變成一碗比出面嘅辣炒年糕更加深色嘅「辣炒雞年糕」。
如果有芝士粉，吃起上嚟就冇咁單調。
小編覺得基本上呢兩款辣炒雞年糕嘅辣度，係超乎想像咁辣。
但因為價錢平、份量都OK，所以幾抵食。
食得辣或者想挑戰嘅朋友嚟韓國便利店，一定要買嚟食下啦～
辣炒雞系列商品喺便利店仲可以買飯捲、辣炒拉麵、辣炒炸醬麵，
想體驗各種辣度嘅朋友，一定要試下（但唔好怪小編冇提醒，真係超辣）。
韓國便利店必買：5. 泡菜鍋拉麵
- 建議售價：₩1,500
- 便利商店：GS25
呢款泡菜鍋拉麵喺SNS上超紅，被譽為韓國必買商品嘅泡麵之一，究竟有咩魔力呢？
原來呢款係GS25自己生產嘅「泡菜鍋拉麵」，標榜住味道完全同泡菜鍋一模一樣。
同一般韓國拉麵唔同，泡菜鍋嘅係另外用調理包做嘅，拎上手都幾重手下。
不過實際倒出嚟，份量又唔係好多，而且唔會好似出面嘅泡菜鍋咁，裝滿晒泡菜。
睇相唔係好睇得出，但好老實講，呢個味道同外表真係同出面嘅泡菜鍋一模一樣。
韓國同事喝咗啖湯之後，都好驚訝咁話，隻味真係同出面嘅泡菜鍋冇分別。
0.jpg)
主打住呢個稱號，呢款GS25生產嘅韓國泡麵收到唔少好評。
想試下泡菜鍋，又驚出面嘅份量好多？
咁不如就去GS25買呢款拉麵，食下啦！
韓國便利店必買：6. Lotus Biscoff 忌廉蛋糕
- 建議售價：₩3,000
- 便利商店：CU
呢款甜品淨係喺韓國CU便利店有得買，睇落好普通，但食落係你諗都諗唔到咁好吃，超級推薦比大家。
上層鋪咗一層咖啡色嘅餅乾碎，原本以為係黑糖之類，食咗先發現係好出名嘅餅乾：Lotus，
味道超好，有畫龍點睛嘅效果，而且份量夠多～！
呢款便利店出品嘅Lotus Biscoff忌廉蛋糕，分成四層，忌廉、蛋糕、醬同最上面嘅餅乾，口感豐富、蛋糕夠鬆軟，忌廉又唔會得個甜字。
食個陣要挖到最底，就可以一啖食晒咁多層啦！
呢款喺韓國SNS上勁HIT嘅蛋糕，真心覺得唔錯，而且賣₩3,000，平出面Cafe賣嘅蛋糕一大截。
下次嚟韓國CU個陣，一定要試下呢款CP值超高嘅甜品。
韓國便利店必買：7. 蟹膏醬
- 建議售價：₩3,500
- 便利商店：GS25
好多人都好鍾意嘅韓國必買商品「GS25蟹醬膏」，即使出咗一段時間，仲係喺好多人嘅心目中占一席位，
只要嚟韓國旅行，就一定會去GS25搵呢款蟹醬膏。
0.jpg)
入面仲有一包麻油，淋上去同蟹醬膏一齊食會更香。
通常食蟹醬膏都係買個即食飯、泡菜、紫菜一齊食。
記得韓國必買商品蟹醬膏係唔洗加熱，直接加埋叮好嘅熱白飯食就得。
0.jpg)
蟹醬膏啱啱出嘅時候，造成一陣轟動。
只要喺GS25一上架，就會被遊客同成日食便利店嘅韓國人搶購。
呢一款嘅味道真係好香，又有好濃嘅蟹鮮味，食落真係好滿足。
0.jpg)
INSTAGRAM：bmschoco5
GS25後尾做趁勝追擊，出咗超平嘅蟹醬膏三角飯糰。
大家嚟韓國旅行，可以去GS25睇下買唔買到嚟試下～
韓國便利店必買：其他推薦
當然嚟韓國便利店要買嘅產品，唔淨係得小編介紹嘅呢幾樣，仲有其他超得意嘅商品，都好值得大家入手。
例如便利店嘅魚板湯即沖包、辣炒雞系列嘅辣餃子，甚至係Kakao Friends嘅聯名食品、飲品……每一款都令遊客好想全部買晒返屋企。
INSTAGRAM：cu_official
大家心目中嘅名單有咩呢？一齊去韓國嘅便利店搵下啦。
以上係韓國便利店嘅必買商品推薦，大家係咪好心動呢？
又平又好味嘅便利店食品，一定唔好錯過！
咁多位，我哋下次見。
✨馬上Follow我哋IG
instagram.com/creatrip.hk
| 其他延伸閱讀 | |
 韓國泡麵評比 |  弘大Object探訪 |
 弘大購物探訪記 |  清溪川夜市探訪 |
 大創養成遊戲 |  海東龍宮寺探訪 |
