韓國拉麵推薦
韓國拉麵口味千百種，食邊隻先唔會踩地雷？14款韓國拉麵，小編實測誠實評價
Hello，大家好，我哋係由韓國人每日話你知最新韓國資訊嘅Creatrip。
#韓國拉麵 #韓國超市
＃必買拉麵＃拉麵試食
唔知大家覺唔覺得香港買嘅韓國拉麵同韓國買到嘅拉麵好唔同呢?
所以就算明明香港有得買, 但大家嚟到韓國都會買幾包返去。
韓國咁多款拉麵，究竟邊隻先係至好食同一定唔會踩地雷嘅呢？
小編實際試食咗韓國最熱門14款拉麵，大家可以參考一下，下次嚟韓國嘅時候再決定買邊款。
✨馬上Follow我哋IG
instagram.com/creatrip.hk
韓國拉麵推薦
1. 辣雞撈麵（불닭볶음면）
如果講到韓國最辣拉麵，大家一定會諗到係辣雞麵。
佢當時一出，唔少人都瘋狂搶購。
小編第一次食佢嘅時候，個嘴真係好似辣得要噴火咁。
不過佢就係有一種魔力，辣得嚟令人忍唔住食完一啖又一啖。
雖然香港都有得買， 但始終韓國先係最地道。
如果大家都好食得辣嘅話，呢款好啱大家!
2. 卡邦尼版辣雞撈麵（까르보불닭볶음면）
如果怕原味太辣食唔到嘅話，小編好推薦呢款加左芝士嘅火雞辣麵。
食嘅時候似係食緊「辣味卡邦尼意粉」，芝士味好濃，就算食好多都唔會覺得好膩，同啤酒食會以外地夾。
不過佢有一個小缺點就係份量有啲少。
依家韓國辣雞麵越出越多口味，大家又最鍾意邊款呢？
3. 牛肉湯杯麵（육개장사발면）
農心出品嘅牛肉湯拉麵都係超經典，甚至經典到早排便利店出埋呢款口味嘅薯片。
小編老實講覺得同台灣嘅牛肉麵有啲似，唔會太辣，如果鍾意食台灣牛肉麵嘅話，呢款應該都幾啱大家。
4. 辛拉麵（신라면）
講到韓國最經典拉麵，就一定非「辛拉麵」莫屬！
佢可以話係最出名、最熱賣、最大眾化嘅韓國拉麵。
就算明明香港有，嚟到韓國夜晚肚餓，宵夜都一定會想食佢！
雖然小編覺得最近食，味道好似變咗少少，但仍然係韓國人心見中No.1嘅拉麵。
5. 真拉麵（진라면）
真拉麵喺韓國市占率其實好高，因為價錢可以話係咁多款拉麵之中最平！
好似小編有時到糧尾...真拉麵就你小編嘅好朋友。
真拉麵有分兩隻口味，一個係紅色包裝（辣味）、一個人藍色包裝（唔辣）。
如果兩隻味相比，小編覺得辣味會比較好食啲。
6. 八道拌麵（발도비빔면）
除咗以上所提到嘅湯麵之外，拌麵亦係韓國最常見嘅拉麵類型。
喺韓國如果講到快速拌麵，韓國人應該都係會諗到「八道拌麵」。
麵煮熟之後，一定要用凍水沖兩至三次，麵嘅質地先會爽。
大家可以另外配食材，加淋佢本身有嘅酸辣醬，真係超好食！
7. 浣熊辣麵（너구리）
浣熊拉麵唔少韓國人都鍾意食，佢最大賣點係有一塊昆布。
麵條平身比較粗，所以食嘅時候會覺得好爽口。
比起杯麵裝，小編更推薦大家買袋裝嚟煮，味道有啲唔一樣。
亦建議大家調味粉唔好落太多，如果加啲菜、肉一齊煮會更加好味。
8. 浣熊炸醬義大利麵（짜파게티）
浣熊炸醬麵亦係喺韓國超出名。
鍾意食炸都醬嘅朋友，一定會鍾意食。
9. 魷魚海鮮辣麵（오징어짬뽕）
一打開就會聞到好香海鮮味，小編第一次食嘅時候已經係完全愛上！
食嘅時候會覺得有少少辣，不過佢真係好似食緊真正嘅海鮮麵一樣，小編超推！
10. 芝麻拉麵（참깨라면）
好多時宵夜想食拉麵，小編第一個都會揀佢，
因為佢好香麻油味，有啲似出前一丁？
同埋佢仲會有乾蛋喺入面，超好食！
麻油同雞蛋完全係呢款拉麵嘅靈魂，而且辣度啱啱好。
11. 芝麻麻油雞蛋湯麵（참참참 계란탕면）
0.jpg)
참참참係指芝麻（참깨）、麻油（참기름）同太（참）香啦。
呢款拉麵同芝麻拉麵唔同，呢款雞蛋量比較少，只有D雞蛋碎喺底。
對韓國人嚟講算係幾新奇，因為可愛外型包裝，之前有段時間超Hit。
12. 牛肉海帶湯拉麵（쇠고기 미역국 라면）
0.jpg)
海帶份量好多，如果本身鍾意飲海帶湯嘅朋友，相信大家一定會鍾意。
唔少韓國人都話，呢款拉麵好有媽媽嘅味道。
13. 泡菜鍋拉麵（김치찌개 라면）
小編本身就好鍾意食泡菜湯，呢款拉都湯底好濃，完全就係同出面餐廳食到嘅泡菜湯一樣。
不過，要提提大家只有gs25先會買得到！
14. 生蠔海鮮麵（굴진짱뽕）
呢款生蠔海鮮麵係小編最近成日食嘅拉麵之一。
生蠔味道超重（唔係腥個種），食完好有飽肚感。
以上呢14款拉麵，都係小編親自試食過，而且都幾推薦畀大家。
之後嚟韓國想食宵夜，都可以試下。
✨馬上Follow我哋IG
instagram.com/creatrip.hk
| 其他延伸閱讀 | |
 innisfree七折券 |  證件相懶人包 |
 nobrand新村店 |  韓國餅乾新食法 |
 樂天超市必買品 |  韓國大創必買品 |