弘大Object介紹

Hello，大家好，我哋係由韓國人每日提供最新韓國旅行資訊嘅Creatrip。

嚟弘大除咗行ARTBOX、Daiso之外，仲有咩文具精品店好行呢？今日要同大家介紹藏身喺弘大嘅文青文具店「Object」。

呢度聚集咗好多韓國海內外青年設計師嘅作品，大家如果想買啲特別嘅紀念品嘅話，一定要嚟Object行下。而家就等小編帶大家睇下啦！

弘大Object（오브젝트）

• 地址：서울 마포구 와우산로35길 13
• 交通：弘大入口站（홍대입구역）7號出口步行約5分鐘
• 時間：12:00至22:00

淨係睇弘大Object嘅建築物外觀，就令人心情變好。佢藏身喺京義線鐵道路隔離，經過嘅人都會忍品住望一眼，非常吸睛。

如果要話Object係一間文具店？好似又唔太係，呢度更似係韓國年輕設計師嘅作品展，而且同外面連鎖文具店比更特別。

入到弘大Object，就會先被寬廣明亮嘅空間吸引。呢度嘅陳列方式係行自然隨性風，每件商品都好隨意咁擺係度，等有緣人嚟搵。

比起常見嘅文具，弘大Object入面有好多呢類可愛飾品、布袋，都係出面搵唔到嘅特別款式，特別令少女心動。

文具控係咪有啲心動呢？同Daiso、ARTBOX、BUTTER唔一樣風格，弘大Object創出自己嘅一片市場。

唔止係首爾嘅少女會想嚟弘大Object搵自己嘅文青小物，好多遊客只要嚟過呢度，都會深陷其中，買好多紀念品走。

得意嘅手機殼、信紙，係咪同平時喺連鎖文具賣場見到嘅樣式好唔同呢？鍾意呢種特別嘅青年藝術家作品，就一定要嚟弘大Object搵下。

最近好hit嘅韓國番梘、香氛樽等等，喺Object都可以搵到。好多SNS網紅嘅愛用品，都係喺弘大Object到買㗎。

呢度仲有好多筆記簿、生活擺設，可愛、成熟、詭異嘅風格，喺弘大Object都有得買，可以話係所有風格都有。

韓國最近似乎好流行呢種「又醜又得意」嘅裝飾！當小編睇厭咗一味賣萌嘅圖案，去弘大Object睇會有一種清新感。

韓國海內外無論知名度高定唔高嘅藝術家作品，喺弘大Object都可以搵到。

睇到呢度，大家係咪更清楚弘大Object嘅風格呢？唔係一般少女風，而是文青得嚟又夠特別嘅風格。

就連乾燥花呢一類嘅生活擺飾，喺弘大Object也可以賣到。

Object畀人嘅感覺更似係走入藝術家嘅工作坊。

各種樣式都有，各種風格都有，弘大Object為咗迎合一啲少女，仲推出咗特別款式嘅飾品。

靚還靚，但小編不得不承認，弘大Object嘅價格偏高，但好多都真係設計得好好睇。

不過，小編覺得，只要真係鍾意，貴少少錢都值得買嘅。

比起其他地方嘅Object分店，弘大店嘅規模非常大，而且人氣好高。

好多首爾文青少女都會喺呢度行街，買走獨一無二質感嘅小物，用嚟裝飾自己嘅小空間。

睇到呢度，係咪有啲心動呢？比起一般嘅文具店，弘大Object更有質感。

以上係小編最新探訪嘅弘大Object。現場仲有好多細節位值得睇，但小編無辦法一一show到畀大家睇，有啲可惜。

所以，如果大家嚟弘大玩，時間許可嘅話，真係一定要嚟弘大Object行下，話唔定就會搵到非常適合自己嘅紀念品㗎！

如果有更多想知嘅內容，都可以隨時留言或者dm話俾我哋知：）

Instagram：creatrip.hk

Facebook：Creatrip 帶你認識韓國每一面

韓國代購