首爾721號巴士攻略
由西首爾玩到東首爾！721號巴士攻略：弘大、梨大、光化門、東廟、建大一次過滿足
Hello，大家好，我哋係由韓國人話你知每日最新韓國資訊嘅Creatrip。
＃首爾巴士＃721號
＃首爾旅遊＃巴士之旅
＃巴士景點＃方便
首爾巴士四通八達，其中有一架巴士，橫跨範圍可以話係由西首爾玩到東首爾！
呢架721號巴士，可以由延南洞、弘大梨大一帶，去到景福宮、鐘路、東大門，甚至最後再去建大，係唔係好方便呢？
如果大家成日都會去以上幾個地方，咁搭佢就一定冇錯啦！
✨馬上Follow我哋IG
instagram.com/creatrip.hk
首爾巴士721號：1. 弘大延南洞
第一個要為大家介紹嘅就係，大家嚟到韓國一定會去嘅弘大延南洞一帶。
雖然巴士唔係直接喺門口落，但落車行過去都唔洗10分鐘。
備註：721號巴士延南洞落車位置
弘大延南洞：Fave Bakery（페이브베이커리）
- 地址：서울 마포구 동교로39길 4-13
- 時間：09:00至23:00
- 優惠：Creatrip會員享有全首爾Fave Bakery 9折優惠
「Fave Bakery」係一間深受延南洞居民喜愛嘅Cafe。
喺呢度大家可以食到好味嘅麵包同甜品。
店入面裝修簡潔，大家可以喺度好好休息。
呢度每個角落都可以成為打卡位，post上ig 呃like一流。
呢度有各款麵包畀大家揀，小編最鍾意食佢哋嘅牛角包同瑪德蓮。
飲品方面，Flat White同Long Black係最出名。
如果大家去開弘大，不妨就嚟呢度，買個包飲杯咖啡，嘆個下午茶啦~
弘大延南洞：Arari Ovene（아라리오브네）
- 地址：서울 마포구 성미산로16길 3-3
- 時間：12:00至21:00
搭721號巴士嚟到延南洞，就會發現呢度每一條小巷，都有唔同特色Cafe。
想為大家介紹嘅呢間「Arari Ovene」Cafe，佢係由住宅改造而成。
老闆為咗大家可以影到多啲靚相，佢喺花園布置吊床同木櫈。
等大家去到真係有渡假嘅感覺。
「Arari Ovene」最大賣點係有賣以艾草整成嘅甜品，好特別 （唔係度度都有）。
首爾巴士721號：2. 弘大商圈（京義中央線）
過咗延南洞一帶，721巴士會喺弘大商圈停車（近京義中央線範圍）。
大家想去shopping話咁易。
備註：721號巴士弘大站落車位置
弘大商圈：Lovin'Her樂賓喝（러빈허）
- 地址：서울 마포구 동교동 신촌로6길 22
- 時間：10:30至20:00
- 優惠：Creatrip會員享有9折優惠
大家如果喺弘大商圈附近落車，轉個彎入小巷（弘大6號出口附近），就會見到一間超靚花花Cafe 「Lovin'Her樂賓喝」。
喺Lovin'Her呢度大家會好似去咗花花世界咁，周圍都會見到花嘅擺設。
就連飲品同甜品都加咗花嘅元素。
首爾巴士721號：3. 新村商圈
行完弘大又點可以唔行埋新村呢？
同弘大相比，新村會闊落少少，大家行都行得自在啲。
最吸引大家嘅應該係新村屹立不例嘅U-PLEX。
呢度賣嘅衫相比其他百貨公司，款式更年青同平啲，一唔小心可能就會買好幾袋先出到嚟。
大家諗到嘅連鎖品牌、化妝品牌，新村幾乎都有。
就連超多人去嘅飾物專賣店「時空間」都有。
大家下次搭721號巴士，可以喺新村再行耐啲啦！
備註：721號巴士新村站落車位置
首爾公巴士721號：4. 梨大商圈
行完弘大再行新村，冇理由唔去埋梨大㗎？不管是購物買衣服、保養品、必去景點的部分，都一定會有的梨大商圈（梨大女人街），搭乘721號公車也可以抵達，是不是很方便呢？
琳瑯滿目的化妝品店，還有藏身在梨大巷弄裡的服飾店，讓許多姐姐妹妹們來到這裡，難免失心瘋，買了無數戰利品回家呢。
備註：721號公車梨大站下車位置
梨大商圈：Tianhua午後的紅茶（티앙팡 오후의 홍차）
- 地址：서울 서대문구 이화여대2가길 19
- 時間：12:00至23:00
- 優惠：Creatrip會員現金結帳時享有九折優惠
Tianhua午後的紅茶有大約20年歷史，係一間特別紅茶專賣店。
老闆準備咗400多種紅茶畀大家揀，鍾意飲紅茶嘅朋友絕對唔好錯過。
店入面有種令人難忘嘅古典歐式氣氛，呢到畀人一種好舒服同放鬆嘅感覺。
同時有種自己去返中古世紀當貴婦咁。
至於其他的梨大美食、梨大咖啡廳，大家也可以參考下方連結，會有更多統整的資訊可以參考。
首爾巴士721號：5. 光化門
搭721號巴士，大家可以直接喺光化門落車，參觀景福宮同附近景點。
備註：721號巴士光化門站落車位置 景福宮韓服總整理
光化門：教保文庫光化門店（교보문고 광화문점）
- 地址：서울 종로구 종로 1
- 時間：09:30至22:00
光化門「教保文庫」係全韓國規模最大嘅一間。
其他分店喺東大門、龍山、梨大、清涼里、江南都可以搵到。
韓國教保文庫為咗可以實現「人寫書，而書可以打造人」嘅信念。
喺店入面設置唔同座位區，大家就算唔買書，都可以坐喺度休息同睇書。
文具控睇到呢度會唔會好心動呢？
韓國教保文庫真係應有盡有，呢啲咁可愛嘅文具係唔係應該要買佢帶返屋企先？
首爾巴士721號：6. 仁寺洞（鐘閣）
喺鐘路2街站落車，行前啲就會去到仁寺洞，充滿住傳統同現代氣氛。
備註：721號巴士鐘路2街站落車位置
仁寺洞：人人商場（쌈지길）
- 地址：서울 종로구 인사동길 44 쌈지길
- 時間：10:30至20:30；新年、中秋節當日休息
仁寺洞一帶最知名的大概莫過於人人商場。共有超過五十間工藝品、文化及紀念品店、畫廊、茶店和餐廳、服飾店等等，不同於其他類型商場，來仁寺洞人人商場，可以看見許多特色手工藝飾品。
仁寺洞：Running Man體驗館（런닝맨 체험관）
- 地址：서울 종로구 인사동5길 41 B1
相信大家對韓國綜藝《Running Man》一啲都唔陌生。
大家成日睇runningman，有冇諗過成為佢哋其中一個成員呢？
不過，大家體能一定要好好，小編去到做到斷哂氣......
雖然會玩到好攰，但相信呢個活動，無論大人定細路都一定會玩得好開心！
大家下次嚟韓國，但又未諗到去邊度玩好？不如就去仁寺洞Running Man體驗館玩吓啦！
仁寺洞：仁寺洞蒜泥包肉
- 地址：서울 종로구 우정국로 26 1F
- 時間：平日08:00至20:00、週末10:00至22:00
- 優惠：Creatrip會員享有消費9折優惠。
呢到嘅蒜泥醬好特別，佢係混合蒜頭同柚子所做成。
有啲朋友可能會想話「蒜頭辣味同柚子清爽味道感覺會好唔夾」。
不過只要嚟食過一次就會知道，咁樣嘅配搭係好好食，而且會令人食上癮！
呢到嘅韓國米酒更係店家親自製作，大家飲嘅時候，只要將韓國米酒舀入專用杯飲就可以。
仁寺洞：Cafe True Us（카페트루어스）
- 地址：서울 종로구 인사동길 11
- 時間：08:30至23:00
- 優惠：Creatrip會員享有消費8折優惠。
Cafe True Us可以話係韓國難得一見嘅復古歐風Cafe。
老闆以咖啡色原木家具同橙色日光燈為主去裝修，將呢到打造成一間好似復古時代風。
Cafe True Us鬆餅喺韓國SNS好出名，呢到有經典鬆餅、香蕉共和國鬆餅、綜合鬆餅等三種鬆餅組合。
大家可以用超平價錢，食到豐盛又好味嘅鬆餅。
份量真係好多，推薦大家一定要同朋友或屋企人一齊分嚟食。
首爾巴士721號：7. 鐘路3街（益善洞）
備註：721號巴士鐘路3街站落車位置
喺鐘路三街站落車之後，往小巷裡面行，就會到鐘路益善洞一帶。
呢度係首爾市中心少見嘅韓屋村，雖然唔係好大，但就會令人有種踏迷嘅感覺。
但也是因為這樣的氛圍，益善洞成為首爾旅遊必去的景點之一，不管是在這裡拍照，還是待在咖啡廳享受閒暇時光，都能擁有短暫的美好。
益善洞除咗多Cafe之外，大家仲可以搵到好多特色小店同服飾店。
首爾巴士721號：8. 鐘路5街（廣藏市場）
- 地址：서울 종로구 종로4가 창경궁로 88
- 時間：10:00至19:00（逢星期日休息）；街邊檔09:00至23:00（全年無休）
備註：721號巴士鐘路5街站落車位置
喺鐘路5街落車之後，行前少少就會見到「廣藏市場」。
大家諗到嘅傳統美食，例如：生牛肉、生章魚、綠豆煎餅，都可以喺度食到。
因為街邊檔收11點，大家想食宵夜嗰陣嚟呢度實冇錯。
首爾巴士721號：9. 東廟
東廟：東廟市場（동묘시장）
搭721號巴士喺東廟站落車，就會去到韓國最大二手市場 -「東廟市場」。
因為GD曾經都喺度拍過電視節目，令到呢到更多人去尋寶。
一開始以為只得老人家會去多，但大家只要去過一次，就會發現唔少年青人都慢慢去尋寶。
呢度有好多二手衫、舊CD、舊電器、得意小玩具都可以搵得到。
東廟市場嘅魅力，真係要親身行過一次，先會明白。
東廟市場二手市集範圍真係好廣，小編曾經喺度買過一件Lee嘅牛仔褲，都只係需要20,000won，完全係超抵！
東廟：東廟24小時馬鈴薯排骨湯（조마루감자탕신설점）
- 地址：서울 종로구 난계로29길 37
- 時間：24小時全年無休
東廟站落車之後轉個彎，就可以搵到呢間「東廟24小時馬鈴薯排骨湯」。
唔單止韓國人鍾意，唔少觀光客都會特登去食，同時唔少韓國節目都介紹過。
小編本身唔係好鍾意食芝麻葉，但只要係同馬鈴薯排骨湯一齊食，就會特別好食。
呢度嘅肉好嫩，同個湯好夾，每次嚟到小編至少食兩碗飯！
首爾巴士721號：10. 龍頭站
備註：721號巴士龍頭站（東大門區廳）站落車位置
0.jpg)
搭721號巴士喺東大門區廳落車，行大約10分鐘左右就會去到韓國最有名韓牛市場「馬場洞」。
韓牛通
馬場谷
「韓牛通」、「馬場谷」係馬場洞好出名。
大家問韓國人馬場洞邊間韓牛好食？基本上10個有8個都會推薦呢兩間。
馬場谷係用炭火烤，韓牛通係鐵盤烤，各有各優點，大家可以參考一吓。
首爾巴士721號：11. 建大商圈
如果去厭咗梨大、慶熙大，有冇諗過去建大行返轉呢？
小編個人平時都幾鍾意去建大，因為嗰度多餐廳同唔多觀光客。
同化妝品店、食店、服飾店呢度通通都有，行完之後仲可以去漢江散步，超方便。
備註：721號巴士建大入口站落車位置
之後嚟首爾，如果會去以上景點，不如就試吓坐721巴士啦！
坐巴士比地鐵有個好係唔洗轉車，同時又可以睇到首爾靚景。
✨馬上Follow我哋IG
instagram.com/creatrip.hk
| 其他延伸閱讀 | |
 韓國巴士懶人包 |  韓國飾物店推薦 |