Hello，大家好，我哋係由韓國人話你知每日最新韓國資訊嘅Creatrip。

＃首爾東大門＃東廟市場
＃韓國二手市場＃東廟前
＃傳統市場＃韓國市場

嚟韓國旅行，一定會行幾個韓國當地嘅傳統市場，一方面可以用平嘅價格食到韓國街邊小食，又可以貼近當地人生活。

東大門附近有一個全首爾最大嘅跳蚤市場：東廟市場。

東廟市場專賣二手嘢，大家下次嚟首爾旅行，可以過嚟行下，話唔定會有好多收獲㗎！

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購服務

首爾東大門市場：東廟市場介紹

位於首爾地鐵1號線、6號線嘅東廟站（동묘역），有首爾最大嘅二手市集。

雖然本身都係老人家行偏多，但自從GD嚟過之後，好多年輕人都會喺度尋寶。

假日中午可以過嚟東廟市場行下，直到就天黑，啲人就會散。

由3號出口方向出，跟住人群行就可以去到充滿寶物嘅東廟市場。

首爾東大門市場：東廟市場探訪

位於東大門附近嘅東廟市場，係韓國古董同二手服飾嘅天堂。

由於之前GD上韓國綜藝《無限挑戰》個陣，去過呢度尋寶，令呢個大規模二手市場變得更出名。

東大門市場：東廟市場呢度，只要好好揀，就可以搵到好多又平又好用嘅商品。

另外，事先提提各位，呢度絕大部分都係賣二手衫同飾品，接受唔到二手嘢嘅朋友就唔太建議嚟呢度行啦！

呢度幾乎都係現金交易，而且冇得退貨，所以買之前一定要Check清楚。

由東廟站3號出口往後一直行，嗰度就係東廟市場。

原本以為東廟市場只係得韓國老人家先會去，但去到現場大家會見到好多青少年嚟尋寶。

基本上呢度好多都係冇標價，大家要喺現場直接問。

甚至一啲比較精密或懷舊嘅相機、手錶，以及機械工具都可以喺度搵到，價錢亦都幾平。

雖然小編唔係第一次嚟東廟市場，但每次嚟到都會仲係覺得好神奇。

通常好似呢啲擺喺地下一堆衫，畀路人自己揀嘅品質同價錢都會比較平。

老闆會掛起嘅衫，品質相對就會好少少，當然價錢亦都相對會高啲。

小編喺度要私人推薦兩間店鋪畀大家。

呢兩間都係韓國年青人會成日去，小編亦喺度買過兩件大褸。

不過要提提大家，呢兩間店嘅衫都一定會比較貴。

第一間就係喺小學對面，啲衫算係好乾淨同整齊咁掛喺架上面。

如果大家想買啲復古、西裝褸都可以嚟睇吓，雖然款式偏舊，但簡單得嚟就已經好易襯。

另一間要推薦畀大家嘅係隔離鋪S.S Vintage（小編已經喺度行過好多次）。

S.S Vintage可以話係咁多間鋪入面，質感最好。

唔少男仔大褸價錢都好平又易襯，唔介意二手衫嘅朋友可以嚟睇吓。

除咗衫同電子用品之外，呢度亦有一啲細攤檔同雜貨鋪等等。

呢度二手市集範圍真係好廣，幾乎諗到嘅日常用品都可以搵得到。

有時話唔定不小心就會搵到失傳已久嘅寶物。

東廟站3號出口到5號出口一帶都係二手市集，大家唔洗驚蕩失路。

首爾咁多傳統市場裡面，東廟市場算係一個幾特別嘅二手市場。

所有貨品都等緊有緣人嚟帶走。

雖然款式同而家相比的確係舊咗少少，但如果係走復古風嘅話，一定會收穫豐富。

東廟市場唔單止老人家鍾意，唔少年青人放假都會去尋寶。

行厭首爾地下街，想搵新地方行吓，不如就去呢度啦！

🤞🏻 Creatrip Youtube上線囉

✨馬上Follow我哋IG
instagram.com/creatrip.hk

🎈韓國代購服務

其他延伸閱讀
傳統市場總整理	東大門美食整理