Hello，大家好，我哋係由韓國人每日提供最新韓國旅行資訊嘅Creatrip。

唔知大家鍾唔鍾意食甜品呢？韓國甜品喺網上一直都有屹立不倒嘅地位，因為唔單止好睇，仲好好食！今日要介紹一間位於仁寺洞大街嘅歐洲復古風pancake店「Cafe True Us」俾大家。大家嚟呢到消費，只要係我哋會員就可以享有飲品8折優惠，唔想錯過就要繼續睇落去啦！

Cafe True Us優惠券｜撳我

仁寺洞Cafe「Cafe True Us」資訊

• 地址：서울 종로구 인사동길 11 2F
• 營業時間：08:30 - 23:00

仁寺洞Cafe「Cafe True Us」推薦理由

• 「Cafe True Us」係韓國難得一見嘅復古歐風Cafe，裝修以咖啡色原木家具同橙色日光燈為主，勁有去咗以前嘅歐洲嘅感覺。
• 用超抵價錢就可以食到豐盛又好味嘅鬆餅！
• 份量真係好多，推薦大家一定要同朋友或屋企人一齊分嚟食。

仁寺洞Cafe「Cafe True Us」優惠

• 埋單嘅時候向職員出示優惠券，即可享飲品8折優惠。
• 唔需要預約。
• 如果用coupon嘅時候有任何疑問，可以send email到help@creatrip.com查詢。

仁寺洞Cafe「Cafe True Us」菜單

仁寺洞Cafe「Cafe True Us」介紹

「Cafe True Us」可以話係韓國難得一見嘅復古歐風Cafe。

「Cafe True Us」位於2樓同3樓，咖啡色原木家具同橙色燈光嘅配搭，俾人一種好溫暖嘅感覺。

2樓有近窗口位，風景靚之餘，仲好適合大家行街行到攰嚟呢到休息。

經典鬆餅

Instagram：happy___things

「Cafe True Us」嘅鬆餅喺韓國社交平台好出名，呢到有3種鬆餅組合，分別係經典鬆餅、香蕉共和國鬆餅同綜合鬆餅。

香蕉共和國鬆餅

經典鬆餅係四塊鬆餅加藍莓、士多啤梨，上面再撒上糖粉同糖漿。香蕉共和國鬆餅係加左香蕉、焦糖同肉桂粉。最豪華嘅就係綜合鬆餅，除咗四塊鬆餅之外，仲加左各種時令生果、雲呢拿雪糕同鮮忌廉。擺上檯嘅時候小編真係嚇咗一跳，因為真係好大份。

Instagram：nadia_kry

「Cafe True Us」每一份鬆餅都係由四塊鬆餅組成，厚度令人印象深刻，大家只要食一啖都會令人無限回味。

切一細塊鬆餅，加鮮忌廉、水果、糖漿一齊食嘅話，鬆軟口感真係好幸福。價錢一啲都唔貴，鬆餅份量亦都好多，推薦大家一定要同朋友或屋企人分嚟食。

鮮奶咖啡

經典鬆餅

「Cafe True Us」嘅咖啡豆全部都係由老闆親自烘焙，飲嘅時候香醇不膩，相信鍾意飲咖啡嘅朋友一定會覺得好滿足。小編推薦大家嚟可以試吓手滴咖啡同Cappuccino ，如果唔飲咖啡嘅朋友，可以飲呢度嘅冰沙。

Instagram：Naana9_9

香蕉共和國鬆餅、鮮奶咖啡

只要係Creatrip會員，download優惠券，就可以享有飲品8折優惠。大家嚟仁寺洞，想搵一間Cafe坐低休息，不妨可以考慮嚟呢度~！

仁寺洞Cafe「Cafe True Us」前往方法

安國站6號出口出嚟之後直行，然後轉左入仁寺洞主街，繼續直行大約5分鐘，就會見到「Cafe True Us」喺右手邊，或由鐘路3街5號出口行過去會更近。

點先可以享有仁寺洞咖啡廳「Cafe True Us」8折優惠呢？  

現場消費Click下面網址下載Creatrip專屬優惠券，出示俾店員睇即可享有獨家優惠。

Cafe True Us優惠券｜撳我下載

以上係仁寺洞Cafe「Cafe True Us」嘅介紹，有任何問題請先詳讀呢篇文章。

如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。

如果有更多想知嘅內容，都可以隨時dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購

Mail：help@creatrip.com