首爾林總整理
首爾林一年四季唔同景色，附近仲有咖啡街同精品店等住大家！
Hello，大家好，我哋係由韓國人每日提供最新韓國旅行資訊嘅Creatrip。
雖然首爾係一個大城市，不過其實都有唔少可以令人去放鬆嘅公園，今日小編想同大家介紹2005年誕身嘅首爾林，如果你都想搵個地方放鬆，呢度就唔會有錯啦！
「首爾林」簡介
- 地址：서울 성동구 뚝섬로 273
- 營業時間：24小時（有鹿區域05:30-21:30）
- 小Tips：首爾地鐵盆唐線首爾林站（서울숲역）3號號出口行3分鐘、地鐵2號線纛島站8號出口行10分鐘
首爾林主要施設
首爾林大致分為文化藝術公園區、自然體驗學習區、自然生態林區、濕地生態區四個區域。入口有16個，建議大家由入口①入去，就會見到服務中心。
1. 服務中心
- 區域：文化藝術公園區
- 營業時間：10:00 - 18:00（12月至2月17:00）
喺呢度大家可以免費租輪椅同BB車（最長可以租2小時，租用時需出示身份證），展廳、公園、圖書館、哺乳室等都係喺同一棟樓，另外如果同小朋友走失，都可以喺度搵職員幫手。
2. CU便利店1
- 區域：文化藝術公園區
- 營業時間：8:00 - 19:00（4月至10月）
首爾林入面有兩間便利店，第一間係喺啱啱介紹嘅大樓同一幢，喺正式行公園之前，大家可以喺度買少少嘢食。
裡面仲有拉麵機同小朋友玩具賣。
3. CU便利店2
- 區域：自然體驗學習區
- 營業時間：8:00 - 19:00（4月至10月）
因為公園好大，如果一開始已經錯過兩間便利店，可能之後要再行返一段路先搵到，怕行到會口渴，建議可以買定啲水同小食先。
4. 租單車
如果覺得行太多路太辛苦，亦都可以租單車，相對會輕鬆好多。
首爾林主要入口
首爾林有16個入口，不過今次小編會同大家介紹最近地鐵站嘅幾個。
搭盆唐線去到首爾林之後喺3號出口出。
上樓梯之後，會見到有一個告示牌寫「往首爾林方向（서울숲 가는길）」，跟住直行。
馬路望右就會見到首爾林園區停車場，以及首爾林園區1號入口。
之後再同大家介紹第二個入口，應該係大家最熟悉號②號入口。同樣都係首爾林3號出口，不過今次係往後行，會見到一個「UNDER STAND AVENUE」貨櫃商場。
首爾林貨櫃商場係喺2006年夏天先開，呢度有好多餐廳同Cafe。
雖然唔算好大，不過都會發現唔少新鮮事。
一直直行大家就會見到2號入口。
群馬像會根據唔同季節，鮮花顏色都有變化，所以每次去都會好有驚喜。
③號入口一帶，係好多可以都住嘅高級公寓GALLERIA FORET，樓下有餐廳、Cafe同炸雞店，唔知會唔會喺度食飯遇到星呢？
想喺場內野餐嘅朋友，可以提前喺度買嘢食。
④號出口會比較推薦大家想去Cafe同Shopping嘅朋友，只要喺3號入口去穿過公園，去到GALLERIA FORET入口一直直行會經過一個陷徑。
喺到出去就會係見到好多Cafe同精品店。
呢度無論係幾時都會有好多人。
呢度有好多特色小店，同平時去開嘅旅遊區好唔同，只係嚟散步，都會發現好多新鮮事。
「首爾林」介紹
首爾林係俾市民可以盡情享受大自然嘅公園，佢係首爾5大公園之一，呢度春天同秋天開嘅花係特別靚，推薦大家一定要嚟一次。
平時已經會有唔少人喺度散步同野餐，週末嘅話可能會人多，可以嘅話最好平日去。
另外經過小編一開始講嘅群馬像，有一個噴泉廣場，但呢度係5、6月、9月（每日4次，時間係13:00、14:00、15:00、16:00）7月、8月（每日5次，時間係12:00、13:00、14:00、15:00、16:00），想睇嘅朋友千祈唔好錯過。
因為呢度好多人野餐，所以都準備咗唔少垃圾桶，大家記住食完之後要做好責任，去抌垃圾啦！
家族廣場
由②號入口一直行，會去到家族廣場，正正喺噴泉廣場後面。
鏡池
鏡池係嚟到必去打卡景點之一，周圍被機包圍，同池塘形成一個倒影，好似去咗一個神秘仙境咁。
水上樂園
經過鏡池會見到一個遊樂場，有帶小朋友去嘅朋友，小朋友見到應該會玩得超開心。
一路行大家會發現有好多指示牌，唔需要怕會蕩失路。
如果好彩就可以喺橋上，望到池塘邊嘅噴泉表演。
秋天去仲可以同紅葉影相，post上ig應該都會呃到唔少like。
經過橋上就會見到有廁所，人有三急可以喺度解決！
廁所後面有一條「銀杏路」，特別受攝影師歡迎，如果係秋天去應該遍地黃金，影出嚟嘅相都特別靚。
「生態森林」
- 開放時間：5:30 - 21:30
如果想見到梅花鹿，大家一定要去生態森林區，呢度開放時間係有限，大家一定要記清楚，可以喺繁忙都市，見到咁可愛嘅小動物，真係好治愈。
提提大家：禁止餵食！
4月嘅時候，櫻花盛開，喺梅花鹿後面就有一個打卡位，去開嘅朋友，千祈唔好錯過啦！
點樣去生熊森林？
過橋後，去指示牌上標明啲「生態森林」（생태숲）。
去到行人天橋底下。
喺呢個分岔路口轉右。
會見到第二座橋。
一直直行就會去到。
離開呢片森林之後直行，左邊係清溪川供水區，右邊係飼養兔仔嘅「小動物之家」。
小動物之家
好多人可能都以為呢度只係得梅花鹿，但其實呢度都有唔少兔仔，望住佢哋食嘢嘅樣真係超可愛！
蝴蝶庭院
- 開放日：5月至10月
- 營業時間：10:10 - 17:00（最後入場：16:30）、逢星期一休息
昆蟲植物園
營業時間：10:00 - 17:00（最後入場：16:30）、逢星期一休息
如果一開始大家唔去睇梅花鹿同兔仔，只要喺①號入口去左邊樓梯（行大約7分鐘），或者④號入口直行15分鐘就會去到呢度。
CU便利店對面，有個叫做藝術庭院嘅地方，好有神秘感，當日小編去已經見到有三對情侶喺度影婚紗相。
經過藝術庭院後，會去到一個草坪區域。
如果你想搵一個比較安靜嘅地方，小編會推薦呢度，周圍都有好靚嘅花圍住，不過有一個唔好嘅係冇大樹可以遮蔭。
沿住呢一條路行，就會去返①號入口㗎啦！
首爾森林附近景點推介
1. Oso花園
由首爾林站3號出口出嚟之後，喺14號入口可以去到Oso Garden ，原本呢度係一個舊停車場，但被改造成一個超靚花園。
呢個地方唔太多人知，唔想同人逼又想影靚相，嚟呢度就冇錯啦！
2. SM娛樂公司
喺首爾林5號出口，就有SM娛樂公司大樓！
相信如果係sm fans嘅你，一定會想嚟打卡！
大樓入面有一間細細地嘅Cafe，不過佢唔係SM專用，唔知行完首爾林，嚟呢度坐唔知會唔會撞到明星呢？
3. 首爾林咖啡一條街
首爾林4號入口附近就有好多Cafe同精品店，呢度好多舖頭都係用私人住宅改造而成，好多睇落都好有feel。
呢度都有唔少Cafe可以出租野餐用具，有需要可以嚟呢度借。
以上就係首爾林嘅介紹，有興趣嘅朋友可以睇埋之前我哋寫過嘅聖水洞/建大體驗活動總整理，一樣喺首爾林附近，一次過去超方便。
如果有更多想知嘅內容，都可以隨時留言或者dm話俾我哋知：）
Instagram：creatrip.hk