Hello，大家好，我哋係由韓國人每日提供最新韓國旅行資訊嘅Creatrip。
想換髮型但係唔知咩髮型最啱自己？今日小編就去咗出名染髮同電髮嘅弘大「#CCONTE」整頭髮，聽講呢度嘅髮型師好識根據客人臉型同風格推薦髮型，跟住小編一齊去睇吓啦！
撳我睇價錢&預約詳情👇🏻
弘大「#CCONTE（西橋店）」基本資訊
- 地址：서울 마포구 홍익로5길 25
- 營業時間：11:00-20:00
弘大「#CCONTE（西橋店）」參考圖片
弘大「#CCONTE（西橋店）」實地探訪
今日小編嚟到位於弘大嘅「#CCONTE」西橋店，唔單止院長，呢度所有髮型師都係染髮專家，好多韓仔韓妹想染頭髮都會專程嚟呢度！
髮型屋規模比想像中大，而且等候區座位夠舒服，就算染/電頭髮嘅時候要坐好耐都唔會覺得唔舒服。
呢個係小編整頭髮之前嘅樣，小編本身已經漂過頭髮，所以顏色比較淺，而且髮質都唔算好...
小編本身打算染個藍色Balayage漸變頭，不過髮型師睇完小編嘅頭髮狀況之後話，小編頭髮受損程度嚴重，所以唔推薦染藍色，就算染都唔會整到想要嘅效果，最後就推薦小編染漸變亞麻色。
同髮型師諮詢完之後，職員有幫小編準備零食同飲品，非常貼心。
分好層之後就會先漂頭髮，「#CCONTE」比較特別嘅係會喺漂髮劑入面加護髮素，減少頭髮受損。
搽完漂髮劑之後要等20-30分鐘，等嘅時候職員仲免費幫小編敷手膜，最貼心嘅係會留返個手指公位出嚟，等大家可以正常用手機XD
確認好漂髮效果之後，職員就會幫你沖頭髮，然後就可以上染髮劑啦！好好嘅係院長會幫你喺染髮劑入面加頭髮營養劑，保護同強化髮質。髮型師動作勁快，而且仲搽得好均匀！
搽完之後等多陣就可以去沖第二次頭髮，雖然仲未吹乾，但係顏色已經好出，好期待最終成果！
吹完頭之後就會係呢個效果，漸變非常自然，而且因為過程當中有用各種保護頭髮嘅產品，所以就算漂完染完都發至都唔會變差！
最後院長仲幫小編夾咗個波浪頭，染完頭髮直接去玩都冇問題！
通常染完頭髮當下覺得靚，出到去室外喺自然光底下可能就唔係大家想要嘅效果。但係今次小編喺弘大「#CCONTE」染完之後，無論係室內定室外嘅效果都超滿意！
如果大家想換個新髮色、轉轉形象，推薦大家嚟弘大「#CCONTE」西橋店！而家透過Creatrip預約同填寫評論，最多仲可以享有8折優惠，大家記住唔好錯過啦！
弘大「#CCONTE（西橋店）」前往方法
弘大入口站（홍대입구역）9號出口出。
直行。
過馬路，然後轉左。
直行。
上圖位置轉右。
直行。
你會見到髮型屋喺你左邊。
咁就去到弘大「#CCONTE（西橋店）」啦！
撳我預約👇🏻
以上係弘大「#CCONTE（西橋店）」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
