Hello，大家好，我哋係由韓國人每日提供最新韓國旅行資訊嘅Creatrip。
講起韓國當然唔少得呢度嘅美食！今日小編想推薦大家去弘大「一片鰻魚」食韓式燒鰻魚！「一片鰻魚」專賣韓國本地淡水鰻魚，所有鰻魚都係即叫即劏夠新鮮！另外因為「一片鰻魚」係由喺首爾有5間分店嘅人氣韓牛餐廳「一片里脊」嘅團隊經營，所有客人都可以享受最高級嘅飲食體驗！今日就跟住小編一齊去睇吓啦！
撳我睇Menu&預約詳情👇🏻
「一片鰻魚（弘大總店）」基本資訊
- 地址：서울 마포구 양화로16길 15 2F
- 營業時間：12:00-23:00
- Break Time 15:00-17:00
- Last Order 22:00
「一片鰻魚（弘大總店）」實地探訪
弘大有一間好出名嘅韓牛專門店叫「一片里脊」，佢哋喺2024年8月推出咗旗下第二個品牌「一片鰻魚」，專賣燒淡水鰻魚！「一片鰻魚」弘大總店沿用韓國傳統裝修元素，而且環境夠闊落，就算係一大班人嚟都可以坐得舒服。
想去「一片里脊」食韓牛？👇🏻
「一片鰻魚」嚴選韓國頂級淡水鰻魚，所有鰻魚都係即叫即劏，勁新鮮！
一片鰻魚（2條）
小編當日同朋友一齊去食，所以叫咗2條鰻魚、石鍋飛魚子拌飯同辣拌水冷麵（每人最少要叫1條鰻魚，之後可以再加）。叫完嘢食之後職員就會幫大家上小菜同醬料，再等多陣就會上埋睇落好新鮮嘅鰻魚！
鰻魚嘅size比想像中大，而且因為係即叫即劏，放上火爐上面嘅時候鰻魚仲識郁！職員全程都會幫手燒鰻魚，大家只要等食就得。
燒到金黃色之後職員會將鰻魚剪成一嚿嚿，方便大家食。燒好之後就會將鰻魚放喺火爐側邊，可以保溫之餘又唔會燒到太韌太燶！「一片鰻魚」嘅鰻魚有咬口又唔腥，而且油脂分佈適中，就咁食都好正！
除咗就咁食，韓國人食鰻魚嘅時候鍾意點鹹鹹甜甜嘅醬再加薑絲，仲會用生菜或者蘇子葉包起食，食落味道會更加多層次同清新！喺「一片鰻魚」仲可以配埋燒大葱一齊食，燒熟嘅葱會散發淡淡嘅甜味，同鰻魚好夾！
如果大家本身比較怕膩，仲可以點秘製辣椒醬或者配韭菜食，自由mix and match，搵出自己最鍾意嘅組合！
石鍋飛魚子拌飯
想食得飽肚啲嘅話，「一片鰻魚」都有幾款主食可以叫。呢款石鍋飛魚子拌飯上面放滿超多飛魚子，仲有泡菜同黃蘿蔔等等，再加埋熱辣辣嘅石鍋，呢個組合真係冇得輸！撈勻之後一啖食落去，可以同時食到多種食材同飯焦，味道同口感都好豐富，而且同鰻魚都好夾！
辣拌水冷麵
另外呢款「辣拌水冷麵」係用餐廳經過幾年時間研發而成嘅醬汁炮製而成，麵上面仲有雞蛋絲同青瓜增添口感。大家食嘅時候記住一定要撈勻，煙韌嘅麵配上惹味醬汁，加埋燒鰻魚一齊食真係超滿足！
想喺舒服嘅環境食到韓國最頂級淡水鰻魚，同時享受優質服務嘅話，推薦大家一定要嚟「一片鰻魚」弘大總店！而家透過Creatrip預約之後填寫評論，每枱即刻可以免費得到一份「石鍋飛魚子拌飯」或者「辣拌水冷麵」，記住唔好錯過呢個獨家優惠啦！
「一片鰻魚（弘大總店）」前往方法
弘大入口站（홍대입구역） 9號出口出。
直行。
過馬路，然後直行。
繼續直行。
見到MEGA COFFEE之後轉左。
直行。
你會見到上圖呢個招牌，再行前少少就會見到入口。
行入大廈，行上2樓。
咁就去到「一片鰻魚（弘大總店）」啦！
撳我預約👇🏻
以上係「一片鰻魚（弘大總店）」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Mail：help@creatrip.com
